الموضوع: عايز لمبتين زينون 4300K h4 عالي وواطي

المشاركة الأصلية كتبت بواسطة Sherif Khalifa

Electronics, Cars, Fashion, Collectibles, Coupons and More Online Shopping | eBay

دور على ebay اى حاجة شحن مجانى

ممكن أعرف من أمتي الشحن مجاني في ebay, جبت المعلومة دي منين؟
ثانيا ebay عشان تشتري من عليه لازم يكون عندك حساب علي paypal ودا لسه داخل من أقل من شهر مصر..

المشاركة الأصلية كتبت بواسطة Sherif Khalifa

جبت المعلومة دى من نفسى
انا لقيت شركة فى الصين عارضين زينون 4300 KV 55 watt
و الشحن مجانى
لسة مستلمة من كام يوم و دافع paypal و كان فى امكانية للدفع بالفيزا على طول

ebay مجرد وسيط و التاجر لية حرية اختيار طريقة الشحن و طريقة الدفع
فى ناس بتشحن مجانى و ناس بتقبل كروت ائتمان او paypal بس المهم دور كويس

دا الى انا جبتة

Hi Lo Beam 1 Set H4 4300K 12V 55W Bi Xenon HID Conversion Kit White | eBay

شكلها حلوة, ياريت لما توصلك تبقي تقولنا أدائها عامل أزاي.
وتقولي لو كنت أشتريت حاجة الكترونية قبل كدا وأتشحنت لك وصلت سليمة ولا لأ. وكان أيه تجربتك من الشركة اللي شحنت لك سواء البريد العادي ولا فيدكس وDHL
وأنا عارف أن Ebay وسيط وفاهم هوا شغال أزاي,,
انا أشتريت من علي أمازون مرتين بس مشترتش من علي Ebay لأن معظم الناس عليه بتطلب حساب Paypal علي عكس أمازون فيزا علي طول..

بالنسبة للشحن بقي مرة أتشحن لي كفر أيفون كنت جايبة من أيام الايفون ال 3G عشان مكنش فيه كفرات لسه ف مصر, أتشحن شحن عادي عال بريد المصري من شركة أسمها سويتش إيزي ليعا موقعها وأستور عال أمازون والحاجة وصلت قعدت في البريد وجالي ساعي وقالي وقع أنك عرفت انها وصلت وكان لازم اورح أستلمها بنفسي.
ومكنش في اي مشكلة في العميلة ولما وصلت قالو لي عاين الحاجة بتاعتك قبل ما تستلمها عشان لو فيها مشكلة وكان الشحن حوالي 60 جنيه.

أما تاني مرة أشتريت من عليه من نفس الشركة أصرت ان الشحن يكون ب Fedex
شركة شحن حرامية من سوء تجربتي معاها, وكان كفر برضه والشحن وصل ل 220 جنيه !! اللي هوا قد تمن الكفر الأصلي.!!
ولما وصل لي قالي عليه جمارك 380 جنيه !! قلت له نعم يا كابتن.؟
أنت فاهم انت بتقول ايه, دا بلاستيك جمارك أيه اللي بتقول عليها دي,
قالي دا اللي أعرفه واللي قالوهوالي.. قلت مفيش جمارك ومش دافع..
قالي مش هقدر أسلمهولك الا اما تدفع الجمارك,
قلت له طب تعالي كلمت فيدكس وأدتهم رقم العلية وهوا ومعايا وكان واضح جداً من كلام الموظفة أنها مش فاهمه أي حاجة وأتعوجو قالو لي مادام في بوليصة لازم تدفع !!
أديتها كلمتين اللي فيهم النصيب, وقلت لهم أنا هشتكي في أمازون من التهريج دا,
رجعت لأمازون عشان أشتكيهم, مفيش نص ساعة لقيت الولد بتاع الدليفيري راجع لي بالطرد بيقولي وقع أستلام وأستلم الطرد..

طبعاً كان نفسي أقولة مكان من الأول بدل القرف وحرقة الدم دي, بس مهوا مالوش دعوة.
قلت بس أيه الجديد ؟ قالي مفيش قالوي لي أرجع له وسلمه الحاجة.

اللي فهمته بعدها أنهم كان عندهم مشكلة في حاجة أتسلمت ومدفعش عليها جماركها وحبو يلبسوهالي انا, طبعاً أسلوب رخيص أنهم يحاولو يستهبلو العميل عشان شاري Accessory من أمريكا وواضح أنها بسيطة بس شحنها غالي فحبو يشتغلوني.
وكان درس ليا أني مشحنش علي الشركان النصابة دي تاني..

المشاركة الأصلية كتبت بواسطة Sherif Khalifa

انا بجيب كل حاجة من برة و بشحن بريد مسجل عادى و لو حاجة كبيرة شوية بشحن ems
و بتوصل لحد البيت و الجمارك مفتكرش انى دفعت اكتر من 150 جم
تأكد بس على التاجر انة يبعتلك فاتورة بى 60% من قيمة الحاجة
الشركات التانية غالية علشان بيقدمو خدمة مكلفة فى الاصل يعنى ابعد عنهم و فى الغالب مش كل التجار و مواقع البيع بيتعاملو معاهم

معلومة جديدة بتاعت الفاتورة دي.
بس سؤال هوا اللمبات عليها جمارك.؟!
ولا الحاجات التانية التانية اللي انت اشترتها اللي كان عليها جمارك بس.
في معلومة تانية حلوة ان التاجر لو بعت لك الحاجة وكتب عليها في الCategory/ Gift انها هدية مش هتدفع عليها حاجة خالص. بس الكلام دا بالنسبة للأكسيسوريز.
معرفش بالنسبة للأجهزة الالكترونية زي التابلت هيكون نفس الحال ولا لأ.