الموضوع: اركب ايه بعد الشارك الجي تي؟؟؟

المشاركة الأصلية كتبت بواسطة fisha

سيفيك تحفة فنية بس لو هتعرف تتعامل انها واطية عن الارض مع انها مش عيب بس فى الطرق عندنا عيب غير كدا العربية مفيش كلام عليها

المشكلة عندي مش في انها واطية المشكلة اني عايز ثبات اكتر من الشارك بغض النظر عن اي حاجة

المشاركة الأصلية كتبت بواسطة i_am_legend

الامبريزا الجديدة...وعموما سوبارو..اعلي عربية في الياباني...وممكن تشوف اللينيا الجديدة..

انا معرفش اي حاجة عن السوبارو وكمان مش منتشره زي باقي العربيات وخايف من توكيلها وقطع غيارها فياريت لو عندك معلومات كافية تعرفهالي بالتفصيل اما بالنسبة للينيا انا مبفكرش فيها خالص

المشاركة الأصلية كتبت بواسطة algazar2

الامبريزا الجديدة من غير كلام احسن من الشارك الى فى مصر بمراحل

الشارك اللي معايا مكنتش زي الشارك اللي فمصر دي الشارك الجي تي اللي بتنزل فالخليج

المشاركة الأصلية كتبت بواسطة yyy

استني الاوكتافيا الجديده 2013

هوا انت بعت الشارك ليه ؟
وياريت تبعتلي سعر بيعها علي الخاص علشان انا بفكر فيها و عاوز اعرف رينج الاسعار الفعلي مش اسعار كونتاكت ؟

الاوكتافيا انا مش مشدودلها اوي بحكم ان سني لسه ضغير وانا عايز عربية شبابية وبتاعت جري وشد وثبات
اما بالنسبة اني بعت الشارك ليه؟ فالاجابة معرفش بعتها ليه وخايف اني اكون اتسرعت اني بعتها زي ما قولت فالاول لانها كانت امكانياتها تفوق اي عربية في فئتها من كل ناحية موتور وثبات وهاندلنج واوبشنز

المشاركة الأصلية كتبت بواسطة omar-saad

هو فى لانسر شارك gt فى مصر؟

لا مفيش شارك جي تي فمصر لانها 2000 سي سي وجماركها هتكون كبيرة
اللي معايا كانت متعدلة بالكامل لجي تي وتم الكشف والتركيب فالتوكيل يعني مش اي تعديل بمعني ان اللي يركب او يشوف العربية ميعرفش انها متعدلة لانها تمت بحرفية كاملة وبعد دراسة متأنية لكل احتياجتها بمعني اني مبسميش الموضوع ده تعديل ولكن تطوير

المشاركة الأصلية كتبت بواسطة IronHead

السيفيك والامبيزا اللى عندنا ال1600 اداء اقل من الGT
انت كان حلك تقلبها EVO عشان همنا ملكس حل غير حاجه فيها turbo بس التربو عايز 92
يا اما بقى هتتضر تكع عشان تجيب BMW 320

مهو ده اللي مدايقني ان كل العربيات اللي فئة الشارك ادائها اقل منها بكتير جدا جدا جدا
وفالخليج بيتباهوا بموتور المايفك ال 2000 وفي فيديوهات توضح مدي قوة الموتور ده وانه بيعدي عربيات كتير جدا حتي ال 2400 سي سي زي الكامري او الالتيما ولو دخلت عالمنتديات الخليجية هتعرف

بالنسبة اني كنت اقلبها ايفو فده في مخاطره كبيرة جدا لان كل حاجة فالايفو مختلغة تماما عن الجي تي
الحاجة الوحيدة اللي زي بعض الشاسية بتاع العربية وبعض الاوبشنز اما الباقي فيعتبر وهم الوهم بمعني موتور توين تربو بيخرج 300 حصان وفتيس twin clutch ناهيك عن العفسة وانظمة الثبات .....الخ

اما موضوع ال bmw 320 فهي معايا فعلا وموديل 2009وبقولك موتورها ضعيف بالنسبة الشارك الجي تي والاتنين 2000 سي سي تخيل لما تكون راكب شارك وتعدي بي ام 320 علي اي سرعة وبفرق كبير جدا جدا 5 او 6 عواميد مثلا فده يبقي اسمه ايه وبرضه المرسيدس ال c200 . c180 او حتي ال e240 مبتقدرش تعمل حاجة مع الجي تي مع انها اعلي في السي سي
لو عايز عربية تعدي الجي تي في قوة الموتور لازم عالاقل موتور 1600 بتربو بتكنولوجي حديث

المشاركة الأصلية كتبت بواسطة Formulator

شوف
دايما مشكلة النزول من عربية عالية (لانسر GT 2.0 أو غيرها)..
مش بس قوة الموتور (الـ150 حصان اللى مش هتلاقيهم إلا فـ عربية تربو زى الجولف-البرافو أو e90)،

لكن المشكلة الأكبر هى الهاندلينج والثبات اللى كانوا mated مع الباور دى؟!!!

يعنى
- أنا أعرف كتييييييير نزلوا من عربيات جامدة بس جيل-فات (e46-فكترا B2 أو حتى 406)
ولما باع لقى الفلوس اللى معاه تجيبله عربية كورى-يابانى جديدة؟!!

لو هو بيجرى ورجله ثقيلة عـ العربية..
للأسف بيبقى disappointed وأحيانا بتحصل كوارث بقى:
بياخد ملف متعود ياخدة بسرعة عالية،
بيأخر الفرامل ومتعود ان فرامل عربيته القديمة بتسعفه،
أو ممكن بياخد غرزة وبيدور عـ الـkick (اللى خد عليها) ولقاها متجيبوش؟؟!!
وسيبك من الكلام حساسية السواق للعربية وتعمل أيه وماتعملش أيه...etc
دا الواحد بيركب عربية غير عربيته مشوار واحد، بينسى

فـ الآخر
دور على عربية عالية used عشان ماتضايقش؟!!
(ده لو انت Spirited-driver وبتستمتع بركوب العربيات).

Rgds،

انا متفق معاك تماما في كل كلمة قلتها وزي ما حضرتك قلت مش المهم قوة الموتور بس ولكن لازم يكون الثبات متماشي ومتوافق مع الباور الرهييب ده وده موجود فالشارك برضه بس بشرط العفشة الكاملة بتاعت الجي تي بالجنط ال 18 تخيل ثبات الجي تي علي الملفات احسن عندي من ال 320 اللي معايا!!!!!!
وانا فعلا محبط من اني مش هلاقي عربية تفوق العربية اللي كانت معايا الا لو حاجة عالية زي c250 او bmw 330 مثلا عالاقل
وانا لو مش بستمتع بركوب العربيات مكنتش هقع فالحيرة اللي انا فيها دي كنت جبت حاجة الماني وقلت كفاية اني راكب الماني وخلاص بغض النظر عن امكانياتها مثلا !!!!!

فانت ايه رايك ايه الخيارات المتاحة عندك مثلا تفوق الجي تي كثبات وموتور وهاندلنج؟