الموضوع: البوابه بيقولو انها باظت

بص يا باشا الاعرض بتاعت عربيتك دى حصلت معايا بالظبط فى عربيتى الميجان و ده فعلا ممكن يرجع ل الايدلر سنسور (اللى بيركب فى البوابة ) أو البوابة نفسها .
لو العربية بعد ما بتدورها بتبطل يبقى سنسور و لو rpm مش مظبوط و بتعلى و توطى يبقى البوابة عشان ممكن تكون مش بتقفل على الاخر . و عشان تقدر تعرف السبب تعمل الاتى ( زى ما عملوا معايا مركز صيانة معتمد لرينو) :
- هتفك البوابة و تنضفها كويس بسبراى منظف للبوابة و تفك السنسور و تنظفه و تركبه و تركب البوابة تانى و تجرب
- لو العيب لسه موجود دور العربية و شيل الفيشة بتاعة الايدلر سنسور و شوف تأثير ده على صوت العربية و ال rpm .
لو لقيت مفيش فرق يبقى كده السنسور بايظ و ابدأ تغيره الاول .
- لو غيرته و لقيت العربية مش بتبطل بس صوتها بيعلى و يوطى و الrpm بيتحرك يبقى انت محتاج بوابة .
و عشان انت البوابة بتاعتك كهربا اتأكد الاول ان البوابة واصلها كهربا مضبوط عشان ممكن التوصيلات بتاعتها مش مظبوطة او الفيشة بتاعتها مش ثابته و هى اللى بتعمل العيب ده

المشاركة الأصلية كتبت بواسطة general_a1

انا عربيتى اوبترا 2006 اوتوماتيك البوابه بتاعتها كهربا
من فتره كده العربيه بدات تنتش لوحدها وهى ماشيه على السلانسيه وصوتها بيكون عاالى والاربى بيلعب بين 2 الى 3 الصبح ولما بتسخن ينزل الى 1 او 2 وانت ماشى تشد لوحدها على الساانسيه هتى لوا انت دايس فرامل
وديتها لكهربائى شاطر قالى باظت الحساسا باض بتاع الميه الى بيدخل فى البوابه ومش مظبوطه عشان كده
وديتها لواحد تانى فضل يودى فيها شمال ويمين وقالى انا هاخرهالك عشان تظبط من ساعه ماخرها والعربيه الصبح بدل ماهى صوتها عالى وهى بتسخن ابتدت تبطل لازم اسندلها شويه عشان متبطلش الصبه ولما امشى القيها عايزه تبطل وانا ماشى على السلانسيه كمان بتبطل لوحدها وديتهالى تانى رفع الكهربا بتاعها وبردو بتبطل الصبح بس الاربى بتاعها وانا ماشى على السانسيه بيكون على 1.500 ولازم عان اظبطها ارفع دواسه البنزين من تحت عشان يرجع الى 1 كمان لما اجى ادوس مره واحده بنزين الاقي الاربى بينزل لحد 500 ويتلع بسرعه كانها هتبتل وبعد كده تشد
كمان لما اجى امور العربيه على ال ان الاقيها سوتها على لحد 2000 لوحديها من غير مدوس بنزين وعشان تهدا لازم ارفع الدواسه
وانا مش عارف هى فعلا الحساس بتاع باظ ولا ايه وللعمل دى تانى واحده اشتريها فى سنه ونص
اسف للاطاله ومنتظر ردكم يجماعه

ممكن ماتكونش بوابه خالص او عاوزه تتنظف وتكون اصل المشكله بوجيهات اصل انا فكيت البوابه كلها وفكيت البوابه من جوه البوابه عباره عن حساس او سنسور متركب على تروس بس كده مافيهاش حاجه وممكن تكون كهرباء العربيه مش مظبوطه او ممكن يكون العيب برده من البطاريه لأن البوابه كهرباء وبتبعتمد على البطاريه العربيه شوف البوجيهات ونظف البوابه واكشف على البطاريه بعد كده اكشف على الدينامو اصل البوابه صعب جدا انها تبوظ ومش من السهل تبوظ واما تنظف بسبراي نظفها بسبراي بتاع الأكترونيات زي abro او akai جرب وقولنا

المشاركة الأصلية كتبت بواسطة mohammedaladel

أنا عملت موضوع عن تنظيف البوابة فقط هل هى دى المقصود بيها ولا إنتو بتتكلموا عن بوابة تانية ؟http://www.nilemotors.net/nile/325027-2.html

هو ده صح تنظيف البوابه