المشاركة الأصلية كتبت بواسطة birdybirdy
بجد بجد موضوع هايل جدا وعاجبني اوي اسلوبك لان دمه خفيف بجد وانا بقرأ موضوعك شريط حياتي الوظيفية برده مر قدام عينيا وافتكرت انا كمان المواقف اللي حصلتلي وقتها وكمية الانترفيوهات اللي عملتها ومازلت لحد دلوقتي بعملها.
بالمناسبة انا برده معايا ليسانس اداب وتربية انجليزي دفعة 2002 :smartass5:وشغالة بقالي اكتر من خمس سنين ومريت بحاجات كتير اوي من اللي بتحكي عليها زي موضوع عقدة الخواجة اللي هي اشتراط خريجي مدارس اللغات وموضوع الحجاب برده بس الحمد لله ربنا لما بيكرم حد بيكرمه من وسع فعلا. :iagree:
وهابقي احكي حكايتي انا كمان عن الحياة الوظيفية دي بس بعد ماتخلصي حلقاتك ياعلا عشان الناس متتلخبطش.:original:
وعايزة اقول للناس اللي بتقول دور علي واسطة او ادفع فلوس عشان تلاقي شغل ياجماعة ده رزق قبل اي شئ يعني ربنا كاتبه لناس معينة وفي وقت معين بس الصبر والاجتهاد هايوصلوك للي انت عايزه (لايضيع الله اجر من احسن عملا) :018:
وانا عن نفسي اشتغلت في اكتر من شغلانة بدون واسطة نهائي والشغلانة الوحيدة اللي استعنت فيها بواسطة مكملتش فيها اسبوع على بعضه وسبتها.:rofl::7bteen:
وبرده انا زي علا فكرت اشتغل في التدريس وفعلا اشتغلت فيه اسبوع واحد ودورت تاني علي مدارس بس الحمد لله ان ربنا موفقنيش في مجال التدريس ده وهاقولكوا ليه بعدين :thinking:
وحاليا انا شغالة في شركة كويسة والحمد لله الامور مستقرة وبيجيلي وظايف تانية ولما شركة بتطلبني انا اللي بقول طلباتي دلوقتي واحيانا اوافق اني اروح الانترفيو واحيانا مبروحش.:cool(1):
بس في سؤال مهم بقيت اسأله قبل ماروح اي انترفيو وهو (انا محجبة هل الشركة عندكوا بتتقبل ده ولا بتشترط اللي تمسك الPosition ده متكونش محجبة )
لاني بجد اتعرضت للموقف ده ياما وفي شركات رفضتني لمجرد اني محجبة.
عموما انا اسفة اني طولت عليكوا بس هابقي احكيلكم التفاصيل في حكايتي انا بقي بعد ماعلا تخلص ونشوف قصتها كاملة. :shifty: