علي فكرة بس يا جماعة احقاقاَ للحق .. الضباط بيعدوا بالفاميه من صحابهم الضباط عادي .. انما لو لجنة فيها رتبة جامدة و انت ضابط رخصك هتتسحب و دي حصلت ادامي .. من فترة كدة كان اللواء اسماعيل الشاعر بينزل بنفسه و اتسحبت رخص ضابط قدامي و كان فيه لواء تاني في اللجنة قاله انت المفروض تبقي أول واحد ميحطش فيميه و عارف كدة كويس .. و كان بيطلع موتوسيكلات تجري ورا أي حد مفيم و توقفه .
هو صحيح الضابط مش هيغلب تماااااااااااما ف انه يجيب الرخصة تاني .. بس يعني بقول ان الفساد مرتبط بالشعب أكتر من النظام لأن النظام أساسا من الشعب مش ناس مستوردينها من برة .. و مدام الشعب فاسد طبيعي يغيب تطبيق القانون لأن اللي بيطبقه ناس فاسدة من الشعب برده ! يعني انا اعرف ضباط اما بيشوفوا صحابهم معديين في لجنة و مفيمين و كل البلاوي الزرقة بيعدوهم .. بل في مرة واحد صاحبي حكالي ان ضابط صاحبه خلاه يقف في اللجنة و يوقف العربيات أكنه ضابط !!
المفضلات