الموضوع: عزل الهيدر بيتباع فين

المشاركة الأصلية كتبت بواسطة moha4tec

تسلم ايدك
بس يا ريت تقولى انت عملت عربيتك فان و بكام .؟؟؟؟
عاوز اعمل عربيتى
انا اشتريت عازل حرارى من السبتيه اشتريت 2.5 متر * 1 اظن دى تكفى الهيدرز و الشكمان كله .
عاوز اعمل العربيه بقى .يا ريت مساعدتك

هتجيب العده بتاعه العربيه الخاصه بيك

و هتنزل تحت تفك مشترك الشكمان و تفك كوتشات الشكمان اللى فى العربيه كلها

هتلاقى الشكمان نزل منك فى الشارع

هتطلعه و تبتدى تلف العازل ده بزاويه كده بحيث ان ميبقاش فيه مسافه بين العازل و بعضه و على اول العازل هتربطه بسلك رباط تجيبه من عند الموان

و المهم انه يبقى بزاويه كده علشان العازل كله ييجى جنب بعضه و تقعد تلف تلف تلف تلف تلف تلف

لحد ما توصل للمشترك هتلف كل فرده مشترك لواحده مش الاتنين مع بعض

طبعا هتلاقى عندك زوايا فى المواسير

عند كل زاويه هتربط سلك رباط علشان العازل يلزق فى الماسوره

و هكذا الهيدر

اهم حاجه فى الكلام ده

ان الماسوره تبقى نضيفه جدااااااااا و ميبقاش عليها صدا

علشان العازل اول ما تدور العربيه يسخن بسرعه و يطبع على الشكمان اول بأول

اول ما هتدور و تمشى و تحرق هتشم ريحه شياط

هتقول العازل سااااااح ولا تحط فى دماغك

هتكمل جرى زى ما انت علشان الشكمان يسحن كويس و العازل يطبع معاه اول بأول

و بس كده

بعد يوم واحد جرى العازل هيطبع تمام التمام

و الريحه دى هتختفى تماما

و الهيدر نفس الكلام لو هتلف عليه العازل شرط انه يكون هيدر سبور مش الفرن الاصلى بتاع العربيه

كده كده الفرن بيبقى عليه صاجه عازل للحراره فا مفيش خوف منها انا عن نفسى شلت الهيدر و ركبت الفرن الاصلى بتاعها

بس هى دى كل الحكايه معلش طولت عليك بس الموضوع محتاج شرح كتيييييييييير

بس فى التنفيذ هما نص ساعه فك و عزل و تركيب

لو فى اي حاجه كلمنى يا باشا و انا تحت امرك ده شرف ليا

^_^