استعدال شمعدان المساعد على الزرجينه

**Riolover** · 20-12-2012 01:07 PM

السلام عليكم
يا جماعه عندى العجله اليمين قدام مرحله 2 سم
وبتاع الزوايا قالى عايزه شمعدان مساعد

روحت سألت عليه فى الشونه قاله لازم اجيب واجهة يمين كامله وافك منها شمعدان المساعد

فبالصدفه بتكلم مع واحد صاحبى بخصوص الموضوع ده
قالى انه كان عنده نفس المشكله وعدل الشمعدان عند عفشجى على الزرجينة

فأنا عايز اسأل لو عدلته على الزرجينه أحسن ولا اجيب الواجهة وافك الشمعدان ؟
يعنى هل هيكون عدل الزرجينه بنفس كفائه شمعدان من واجهة تانيه؟؟

ولا مفيش فرق؟

عشان هوه فيه فرق سعر بين الاتنين جامد
فلو مفيش فرق يبأ اوفرلى اعدله ع الرزجينه واريح دماغى

فيريت حد يفيدنى
والف شكر

**mado83** · 20-12-2012 01:19 PM

جرب الزرجينه الاول ب30ج افضل ماتغير

**Ahmed Selim** · 20-12-2012 01:23 PM

الزرجينة لو أتعلمت بغشومية ممكن تخلى المساعد يضرب منك..............اعملها بس عند حد كويس.

ممكن تجرب بريدجستون أو واحد فى الحرفيين أسمه الإسكندراني.

**Ahmed Amin** · 08-01-2013 05:44 AM

الشمعدان لا يستعدل لأنه معمول من الزهر.
ولو حد حاول يستعدلهولك يا هيبوظ خالص يا هيبظط شوية وهتمشي بيه هيرجع زي الأول تاني أو أسوء عشان هيحصل تشقق فيه..

ولو كنت عملته قولنا عملت ايه.