الموضوع: عيب صناعة فى الاب توب

[QUOTE=Qmax;3874704982]اقولك عشان النصب حاليا هو سمة العصر محدش بيراعي ضميره في اي حاجه بيعملها الا القليل جدا منهم يعني صعب انك تكون بتسمع صوت الجهاز عن طريق الهيدفون ويكون العيب بورده لا ده مستحيل

تشخيص العيب عشان النصب غالبا هايكون في سوكيت الهيدفون الموجود في اللاب وده ممكن يكون باظ بسبب اي حاجه دخلت فيه فصلت التوصيل عن السماعات لأنك لما بتركب الهيدفون السماعات بتفصل ولما تشيله المفروض السماعات تتوصل واللي بينظم العمليه دي هو سوكيت الهيدفون

والعيب التاني هايكون سماعات اللاب باظت وانا مستبعدها لأن الاتنين مش هايبضربوا مره واحده كده[/QU

هو العيب فى البداية بدأ بسماعة اليمين تشتغل مرة و تفصل مرة و أذا نقرت عليها تشتغل ثم صوت خروشة فى السماعة ثم السماعة فصلت تماما ثم السماعة الشمال تشتغل ثم تقطع من نفسها ثم قطعت تماما
حاولت اكثر من مرة اضع جاك السماعة فى السوكيت و لكن لم تستجيب السماعة او تعمل اى صوت فكدة ممكن يكون اية

المشاركة الأصلية كتبت بواسطة ahmed_adham

بدايه خليني أقولك ان كل اللابتوبات في مصر درجه تانيه ولو فتحت البطاريه وبصيت على مكان البطاريه في اللابتوب هتلاقي كلام كتير ومنه "class b" يعني الجهاز درجه تانيه ودي معناها ان مش كل أجزاء الجهاز هتعيش عمرها الافتراضي الكامل. وتاني حاجه 3 أو 30 او 300 جهاز فيهم عيب مش بالضروره يبقى عيب صناعه لأن حجمهم بالنسبه لمبيعات الموديل مش نسبه تذكر.

لو الضمان خلص يبقى معندكش الا انك تصلحه على حسابك وأنصحك تصلحه في التوكيل عشان محدش يبدل حاجه من اجزاء الجهاز لو صلحته بره. ممكن واحد ياخد الشاشه ويحطلك شاشه تقليد أو يمكن البورده بحالها.

صدقنى يا استاذ أحمد انا بس عاوز الناس تعرف ماذا تفعل الشركات المفترض انها كبرى و محترمة
وان باتكلم عن دائرة صغيرة يعنى 3 أجهزة فى شارع واحد ساكنين يعنى موش نسبة كبيرة بردة
أنا بتحضرنى قصة ,كنا فى أنجلترا سنة 1988 للدراسة وواحد من أصدقائنا أشترى جهاز كاسيت كبير مستعمل و بعد اسبوع لاحظ بة عيب فأستبدلة ثم بعد ثلاثة ايام لم يعجبة شكلة فغيرة بجهاز اخر اكبر و اضخم احتفظ بة لمدة اسبوعين تقريبا و بعدين نصحناة بأنة سوف يدفع مبلغ و قدرة للجمارك فقام بارجاعة و حصل على مادفعة مع ابتسامة من البائع وهو يقول لة نحب ان نراك مرة اخرى
صدقنى انا لو مكان البائع كنت ولعت فية و فى المحل و الاجهزة

المشاركة الأصلية كتبت بواسطة qmax

هو كده العيب في السماعات ده لو كانت مكانها في الجزء اللي فيه الكيبورد اما لو كانت في الفريم بتاع الشاشه ممكن يكونوا متوصلين على فلات كيبول ويكون هو اللي باظ

بس الاحتمال الاكبر سماعات

هى السماعات فى الجزء بتاع الكى بورد
فى واحد صاحبى و أثق فية بيعمل فى أصلاح الشاشات والتليفزيونات وهو ذكى و شاطر , وهو فك السماعات شئ صعب و لا يحتاج شخص متمرس فى مجال اللاب توب لانى سألتة وهو خايف يفكة ولا بلاش بردة أصلى مشوار القاهرة بعيد على
و معلش معلومة فين أصلحة فى القاهرة

المشاركة الأصلية كتبت بواسطة qmax

شوف ده شكل السماعات من الداخل



عشان يفك هايلاقيهم بالشكل ده كل سماعه في علبه عشان تعمل صوت كويس
المطلوب توفير سماعات بنفس المقاس اولا وثانيا فك كل علبه من الاتنين دول بحذر لانهم مكبوسين وخلع السماعات واستبدالهم ويرجع تاني يلحم العلب دي تاني بسيليكون مثلا معرفش انهو نوع بالظبط اسأل اكيد حد هايدلك

وفك الجهاز نفسه يحتاج حد فاهم هو بيعمل ايه عشان ممكن يبهدله

بالنسبه للسماعات دي زي بتاع الموبيلات الصيني تقريبا

الف شكر لردك و اهتمامك هو فاهم و شاطر بس لم يفك لاب توب قبل كدة اعتقد انة اسهل اصلحة فى القاهرة افضل ياريت حضرتك لو تعرف حد يصلحة و مكانة فى القاهرة اكون متشكر ليك