الموضوع: الشكر لله ثم لمنتدي الأوبل ، عربيتي اتصلحت

السلام عليكم ورحمة الله ..

باختصار شديد نظرا لأنى عاجز عن شكر الله ثم اعضاء منتدي الأوبل بفضل الله عربيتي فيكترا 97 - 1600 كانت قاطعه سير تقسيمه ، وعلي حسب كلام الصنايعيه ( النصابين ) ربنا يسامحهم انها كانت محتاجه وش سلندر وعمرة صبابات وليله كبيره ..

وبناء على توصيات اعضاء المنتدي وأخص بالذكر ..


فادى محمد

zizo50001

tananybasha

mifs


رحت اشتريت سير تقسيمه كونتيننتال ( للأسف ملقيتش غيره ) ووديته للميكانيكي ..

طبعا الصنايعيه فى بلدنا الجميله للأسف بيدور على اى مصلحه يقلبك بيها ..

وبالتالى كان رده ،،، ياباشا ايه الى انت جايبه ده .. انا بقولك دي فيها صبابات .. دي شغلتي .. انا شغال فيها بقالى 30 سنه ... قلتله ياعم ركب بره عنك وانا هحاسبك على تمنها وملكش دعوه ..

فعلا ركب ..

جينا ندور العربيه ، دارت .. :)

طبعا حمدت ربنا ، وسط قلق وتردد انها ممكن متكونش رجعت زي الاول ..

بالتالى طلعت جربتها لقيتها احسن من الاول ومفيهاش اى حاجه وبتجري عادى جدا ومفيش اى اختلاف تماما ..



بس .. اديته 50 عشان فك سير الدينامو وعمل شغلانه كده .. ومشيت من عنده وانا بسب ميت عله ..




بعد الصنايعي ما كان بيلف ويدور عشان يخرط الوش - و بتاع قطع الغيار كان بيدوحر عشان اخد المكنه ..

عربيتي مازالت زيرو ولله الحمد ومن الفيكترات في مصر

اخدت عربيتي ومشيت واديتها غسله حلوه كده بعد ماكانت مركونه فى الشارع وفوقيها كيلو تراب






الدروس المستفاده بقه : متسيبش صنايعي يشتغلك ، ولا بتاع قطع غيار يعملك البحر طحينه ..

الف مبروك والحمد لله انها جت على قد كده ... انا كنت شايفك بتتكلم فى تغيير موتور ودفع الفرق او مخرطه وشغل جااامد
الحمد لله ربنا سترها ... ويارب يتمها بالستر معانا كلنا دايما
بس معلش سؤال بسيط ... ليه سير الكاتينه يتقطع والعربيه واقفه ؟؟؟
تحياتى