الحمدلله ، سير التقسيمه اتقطع والدنيا باظت

**creative_art** · 18-12-2012 08:02 PM

السلام عليكم ورحمة الله ..

من يوم بالظبط كتبت موضوع علي منتدي الاوبل ان العربيه مش عايزه تدور وكل حاجه فيها سليمه ..

انهارده جبت الميكانيكي بص عليها وقالي سير التقسيمه مقطوع ، والصبابات اتعوجت ..

انا بقه هنا هتجنن .. سير التقسيمه متغير عند 100 الف كيلو .. وانا عربيتي عامله 130 الف .. طيب ازاى يتقطع ... ياناس حرام ده ولا حلال ؟؟؟ يمكن عشان انا بجري كتير .. ومعظم مشيي 190-200 وال rpm بيبقي عند 5.5 ... قالولي ملهاش دعوه ..

المهم ..

طبعا الحمدلله من قبل ومن بعد انا سألت عالموضوع لقيتها هتقفل 2000 جنيه ومصنعيه 5 نمر مثلا هتبقي 2500 جنيه .. ومش هيرجع زي الأول ..

فيه خراطه اي كلام للصبابات هتعملها 1000 بس انا مقدرش اعمل كده لان حتى لو بيعتها حرام الى هياخدها مذنبوش اى حاجه

المهم .. انا قدامى اختيارين وفي دماغى هدف معين ..

الهدف ده هو انى ( مش عايز 1600 ) وكنت بفكر جديا انى اغير الموتور واجيب 2000 سى سى ايكوتيك .. بس استحرمت لان مكنتي بحالتها ..

الإختيارين هو كالتالي ... اصرف عليها 2500 وأمري لله وترجع زيرو ..

او اجيب مكنه ايكوتيك 2000 سى سى سألت عليها عند عباس اوبل بحاجتها بكل حاجه معدا الفتيس هتعمل 5000 ،

وقالي انا ممكن اخد مكنتك وهتجيب 4500 والمصنعيه والكهربه عليه هوا ..

انا بسأل اخوه فى المنتدي وكلامهم ثقه عن الى بره الف مليون مره لان كله بيحاول يستغلك ويضحك عليك عشان كده مترددش انى استشير رجالة الأوبل عن مشكلتي ..

انا مجرد استفساري اي الحلول افضل ومرضي بالنسبالي ، حيث انى عايز اصلحها وفى نفس الوقت كان فيه نيه قديمه انى اركب حاجه 2000 سى سى لانى بحب الجري

وعموما انا لو صلحتها وبيعتها ... هل هقدر الاقي حاجه 2000 سى سى ايكوتيك فى رينج 49-50 الى هو اخري خالص ... ولا اسقط مكنه اوفرلي ...

رجاء الإفاده .. شكرا :)

**MohammedAladel** · 18-12-2012 08:35 PM

خليك فى موتورك لو هتقدر ترجعه زيرو زى ما بتقول مش زى ما الصنايعية بيقولوا :)

**mando2002m** · 18-12-2012 08:39 PM

انا نصيحتى ليك صلح وامرك لله لان المكنة الاستيراد انتا ورزقك زى البطيخة ممكن تتلاقيها فل وممكن تديك اداء 6شهور والشمبر يخف لانى اتلسعت فى الحركة دى جبت المكنة وقعدت 6شهور والشمبر خف

**engineer_abdo** · 18-12-2012 09:30 PM

المشكله فعلا في الاستيراد انك بتشتري بطيخه مش هتبان الا لما تشتغل علشان كده التصليح احسن بس نصيحه اعمل عند ميكانيكي كويس علشان مش تصرف فلوس علي الفاضي

**Dr.M_baz** · 18-12-2012 09:36 PM

توكل على الله وصلحها .... حتى لو فكرت تغير يبقى ضميرك مرتاح وربنا يباركلك في الفلوس.

**haitham2011** · 18-12-2012 10:03 PM

لو لسه ناوي تجري و تستمر بالطريقه ده ال 1.6 كامه و احده مش هتعييش معاك

**creative_art** · 18-12-2012 10:06 PM

هوا الوش بتاع ال 1600 كامه واحده بيعمل كام ؟؟؟ انا سمعت اسعار مبالغ فيها ... رينج ال 1700

ولو حبيت اخرطه الاسعار العاديه كام .. انا حاسس ان بيتعمل عليا اجدع مصلحه :)

**haitham2011** · 18-12-2012 10:31 PM

المشاركة الأصلية كتبت بواسطة creative_art

هوا الوش بتاع ال 1600 كامه واحده بيعمل كام ؟؟؟ انا سمعت اسعار مبالغ فيها ... رينج ال 1700

ولو حبيت اخرطه الاسعار العاديه كام .. انا حاسس ان بيتعمل عليا اجدع مصلحه :)

عمرك مهتلاقي وش سلندر لعربيه بي عند بتوع الاستيراد لان بره من اول الفيكترا بي نزلت ايكوتك و الكامه الواحده ده في مصر بس موتور منصور

فلو لقيته عند حد و طلع فعلا بتاع ال بي اتاكد انه مخلوع من عربيه زي الصنايعي لما قالك هدخل موتورك في الايكوتك و تدفع فرق

**creative_art** · 18-12-2012 10:46 PM

ممكن يكون بتاع ال94 كامه واحده ماهو نفس المكنه

**haitham2011** · 18-12-2012 11:00 PM

مختلف في الشكل شويه هو و سلوك البوجيهات
بس في التركيب بيقضي الغرض

الموضوع: الحمدلله ، سير التقسيمه اتقطع والدنيا باظت

LinkBack

أدوات الموضوع

عرض

-

-

-

المواضيع المتشابهه

الحمد لله ..... العربية اللى حيلتى باظت ... باظت ... باظت

نضفت الايدل كونترول والدنيا باظت!!!

سير التقسيمه

يعنى ايه سير التقسيمه؟؟؟؟؟

سير التقسيمه

الكلمات الدلالية لهذا الموضوع

المفضلات

المفضلات

ضوابط المشاركة