أنا عندي المصانع، فياريت محدش ينصحني ولا يقنعني بيه.

أنا عندي ضغط المياه تمام، فمفيش مشكلة من الناحية دي.

بالنسبة لسخان المصانع، مشكلتي معاه إنه شبه مستحيل الحصول على درجة حراره متوسطة ولو حاولت أخلط بمياه بارده فممكن ينطفي. بكرة التحكم في قوة الشعلات مفيهاش وسط يانار يا هادية قوي!!

أنا عايز سخان أقدر أضبط علو الشعلات بدقة من أول الهادي لحد الساخن بحيث أظبط حراره المياه من السخان نفسة من غير ما أحتاج أفتح مياه بارده. يعني أول الشتاء أخلى الشعلات هادية، أفتح سخن بس وأعيش، لما الجو يبرد بالتدريج أبدأ أعلي الشعلات من السخان بحيث يسخن المياه أكتر وهكذا، ألاقي حاجة كده؟

إللي أعرفة من إختيارات:

- يونيفيرسال (أعرف ناس مركباه وبتشكر فيه، لو مشكلتة بس ضغط المياه مفهاش مشكلة عندي).
- زانوسي

هل فيه حاجات تانية كويسة وإيه الأحسن وياريت لو فيه أسعار. وشرط توفر الصيانة وقطع الغيار.