زيت باور من علبه الدركسيون داخل الصالون

**acoount** · 22-12-2012 09:09 AM

روحت للميكانبكى صدمنى قالى عليه الدركسيون عايزه تتغير لانها بتنشع زيت تحت الدواسات قلتله انا سمعت انها بتتعمل كنت قرات مره عنها فى المنتدى قالى بلوف وضغط وكلمنى كلام مفهمتهوش خلاصه الكلام انها لو اتعملت بترجع تانى عايز النصيحه والتكلفه لو هشترى علبه دركسيون او هعملها
السياره لانوس 2004 عامله 100 الف

**mero100** · 22-12-2012 09:22 AM

العيب ده من الاويل سيل .... و ده بيتغير و فيه منه اسعار كتير .... اعضاء غيروه و كان سعره 10 جنيه ... و فيه ب 40 جنيه و 75 جنيه ....و أ/ محمد ممدوح قال ان الاصلي ب 130 جنيه ......

المهم انت حاول تجيبه نوع نضيف ... و لو فيه منه اصلي gm ... يبقي تمام .

للعلم : علبه دركسيون اللانوس في حدود 1800 جنيه ( اصليه )

**acoount** · 22-12-2012 10:01 AM

شكرا على الرد واعرف بيتباع فين ولو فى صوره ابقى شاكر جدا

**akmm** · 22-12-2012 10:17 AM

متابع

**moumen_hs** · 22-12-2012 11:04 AM

بص ياباشا أنزل شارع شمبليون قبل دار القضاء وسط البلد هناك بيصلحوا علبة الدركسيون والكبالن شف العلبة فيها أية بالضبط لو ألسية بس غيرة وخد بالك لانهم بيشتغلوا الناس أعرف بالضبط أية وبكام قبل الفك ولو قلك لازم نفك أعرف لو لا كذا بكام وكذا وكذا بكام لو زادات التكلفة عن 100 جم أحسن هات وحدة أستيراد على التجربة فحدود 200-250 جم فقط من عند حد بتاع أستيراد مش من بتوع شامبليون خالص وخلى العفشجى يشفها قبل التركيب أحسن من التصليح وعن تجربة

**ahmad--ezzat** · 22-12-2012 01:05 PM

يعنى ايه السيه؟؟؟؟؟

**zomzom11** · 22-12-2012 02:47 PM

المشاركة الأصلية كتبت بواسطة ahmad--ezzat

يعنى ايه السيه؟؟؟؟؟

اويل سيل مانع تسرب جوان جلد حلقه ومن داخلها سوسته سعره 10 جنيه غيره وراقب نقص زيت الباور من القربه بتاعة الزيت لان تحت الدواسه الموكيت شارب زيت وهاتحس ان التسريب شغال لو لقيت الزيت مش بينقص فى القربه خليك ماشى لكن لو لقيت زيت الباور بيقل فى القربه يبقى تشوف علبه استيراد ودى تقريبا فى حدود 400 جنيه لانها جديده غاليه اى علبة دريكسيون باور بتكون غاليه عن العاديه
ارجو اكون افدتك