جهز أوراقك تستلم رخصتك في10 دقائق

رحت أعمل رخصة القيادة بتاعتي يوم السبت من مرور عبود.. و الحمد لله تمت على خبر وأخدت الرخصة :clap:

بس بعد ايييييييييييييييه.. بعد طوابير و زحمة و طلوع و نزول و طابع من هنا وختم من هناك و انتظار عشان التصوير وانتظار عشان استلام الرخصة و دهس من الناس اللي في الطوابير وخناقات و مهازل.. الكلام ده خد له 4 ساعات و شوية.. و كماااااااااااان بعد بعض التسهيلات عشان كان معايا كارت توصية :confused:

كل ده مش مشكلة.. المشكلة بأه لما تخرج من الأرف ده مش شايف قصادك و لا طايق نفسك و تبص تلاقي يافطة كبييييييييييييرة مرسوم عليها إنسان بيبتسم بمنتهى السماجة ويقوللك جهز أوراقك تستلم رخصتك في 10 دقايق :040:

طيب ليه الاستفذااااااااااااااااذ ده؟ :evil1:

مبروك ان شاء الله يوم الخميس رايح انا كمان اعملها من عبود :(

رحت 3 مرات قبل كدا و اتخنقت و مشيت :(

قلبتي عليا المواجع يا علا انا بقالي 4 شهور و شوية ورقي جاهز و مش عارف اطلعها والله حاجة فعلا مهذلة لازم فلوس بياخدوا بال 500 جنيه عشان يطلعوها اللي هي طريقة (الكوسه) انما لو بطريق الامتحان في مرور فيصل اللي المفروض اعملها فيه النتيجة معروفة ساااااااااااااااااااااااا ااااااااااااااااااااااااا اااااااااااقط بعون الله:d:d بجد حرام والله

هذه هي و بكل جدارة و إستحقاق و فخر و تفوق باهر

ج ع ع

اقتباس:

---

المشاركة الأصلية كتبت بواسطة PRO-DRIVE

مبروك ان شاء الله يوم الخميس رايح انا كمان اعملها من عبود :(

رحت 3 مرات قبل كدا و اتخنقت و مشيت :(

---

معلش يا برو درايف.. حاول تروح تاني و تستقتل المرة دي.. انا فعلا كنت أكتر من مرة من خنقتي عايزة أسيب المكان ده و أروح.. بس ثابرت لحد ما ربنا أذن. و على فكرة الامتحان هناك عبيط اوي المشكلة بس في الإجراءت والزحمة والطوابير، فلو عرفت تروح بدري على أد ماتقدر يبقى كويس جدا.

اقتباس:

---

المشاركة الأصلية كتبت بواسطة mohamed ibiza

قلبتي عليا المواجع يا علا انا بقالي 4 شهور و شوية ورقي جاهز و مش عارف اطلعها والله حاجة فعلا مهذلة لازم فلوس بياخدوا بال 500 جنيه عشان يطلعوها اللي هي طريقة (الكوسه) انما لو بطريق الامتحان في مرور فيصل اللي المفروض اعملها فيه النتيجة معروفة ساااااااااااااااااااااااا ااااااااااااااااااااااااا اااااااااااقط بعون الله:d:d بجد حرام والله

---

يعني ممكن يكونوا بيسقطوا في مرور فيصل عشان مش دافع؟؟ :confused:

اقتباس:

---

المشاركة الأصلية كتبت بواسطة tutankhamoun

هذه هي و بكل جدارة و إستحقاق و فخر و تفوق باهر

ج ع ع

---

أشهر جملة لتوت :photo:

اقتباس:

---

المشاركة الأصلية كتبت بواسطة mohamed ibiza

قلبتي عليا المواجع يا علا انا بقالي 4 شهور و شوية ورقي جاهز و مش عارف اطلعها والله حاجة فعلا مهذلة لازم فلوس بياخدوا بال 500 جنيه عشان يطلعوها اللي هي طريقة (الكوسه) انما لو بطريق الامتحان في مرور فيصل اللي المفروض اعملها فيه النتيجة معروفة ساااااااااااااااااااااااا ااااااااااااااااااااااااا اااااااااااقط بعون الله:d:d بجد حرام والله

---

+10000
مرور فيصل اسوء مرور شفته فحياتي

يعني ممكن يكونوا بيسقطوا في مرور فيصل عشان مش دافع؟؟ :confused:

ده مش ممكن يا علا ده اساسي مش دافع يبقي هتسقط ادفع كي تنجح هي دي القاعدة في مرور فيصل و 500 جنيه ميقلوش شلن و بصراحة مش ناوي ادفع رشوة بس هستخدم العلاقات لما الواحد يفضي كده

غريبة ياجماعة أنا مطلع رخصتي من مرور مدينة نصر من 3 سنين وطلعتها بسهولة وبدون وسايط أو رشاوي أو أي حاجة والله
بس طبعا الموضوع خد حوالي ال 3 ساعات مش 10 دقائق ولا حاجة

اقتباس:

---

المشاركة الأصلية كتبت بواسطة شاهين - بنز

غريبة ياجماعة أنا مطلع رخصتي من مرور مدينة نصر من 3 سنين وطلعتها بسهولة وبدون وسايط أو رشاوي أو أي حاجة والله
بس طبعا الموضوع خد حوالي ال 3 ساعات مش 10 دقائق ولا حاجة

---

عارف لو هياخد يوم كامل مش 3 ساعات بس انا مستعدانما هنا في مرور فيصل مفيش رخص الا بالدفع و انا مش مش عايز ادفع اولا لانه مش من حقهم ثانيا 500 جنيه مش قليل لازم وسايط بقي و بالامر عشان تطلع

هما يا علا مش قصدهم على الورق بتاع الرخصة ، هما قصدهم على الورق التاني ((فهماني طبعا)).

تحياتي

اقتباس:

---

المشاركة الأصلية كتبت بواسطة OlaOsman

معلش يا برو درايف.. حاول تروح تاني و تستقتل المرة دي.. انا فعلا كنت أكتر من مرة من خنقتي عايزة أسيب المكان ده و أروح.. بس ثابرت لحد ما ربنا أذن. و على فكرة الامتحان هناك عبيط اوي المشكلة بس في الإجراءت والزحمة والطوابير، فلو عرفت تروح بدري على أد ماتقدر يبقى كويس جدا.

---

يارب

هو شكلي حروح علي الساعه 7 الصبح ان شاء الله :evil1:

اقتباس:

---

المشاركة الأصلية كتبت بواسطة mohamed ibiza

قلبتي عليا المواجع يا علا انا بقالي 4 شهور و شوية ورقي جاهز و مش عارف اطلعها والله حاجة فعلا مهذلة لازم فلوس بياخدوا بال 500 جنيه عشان يطلعوها اللي هي طريقة (الكوسه) انما لو بطريق الامتحان في مرور فيصل اللي المفروض اعملها فيه النتيجة معروفة ساااااااااااااااااااااااا ااااااااااااااااااااااااا اااااااااااقط بعون الله:d:d بجد حرام والله

---

والله حضرتك ضحكتنى

بما اانى انتمى الى مستنقع مرور فيصل فكان لازم اكون مواطن لولبى حلزونى وطلعت رخصتى من فم الاسد بس الاسد عض من ايدى 600 جنيه وطلعت من الغابه بسلام

وعلى راى المثل القائل اذا ارادت ان تنجز فعليك بالونجيز

الف الف الف الف مبرووووووووووووووووك يا علا على الرخصه

________________________
السيد العضو المحترم
برجاء اعادة النظر في التوقيع لمخالفته للقواعد
وشكراً

مشرف القســـــــــــــــــــــ م العـــــــــــــــــــــا م

ألف ألف مبروك يا علا باشا ....بس هما عندهم حق ....عشر دقائق فعلا ......بس ما قالوش عشر دقائق أرضية و لا مريخية و لا زحلية (من زحل يعني :alien: ) احمدي ربنا أنهم مش عشر دقائق ضوئية

عقبال برو باشا و محمد ابيزا باشا :original:

مبروووووووووك على الرخصة و هية دية مصر

اقتباس:

---

المشاركة الأصلية كتبت بواسطة دموع الثلج

والله حضرتك ضحكتنى

بما اانى انتمى الى مستنقع مرور فيصل فكان لازم اكون مواطن لولبى حلزونى وطلعت رخصتى من فم الاسد بس الاسد عض من ايدى 600 جنيه وطلعت من الغابه بسلام

وعلى راى المثل القائل اذا ارادت ان تنجز فعليك بالونجيز

الف الف الف الف مبرووووووووووووووووك يا علا على الرخصه

---

مثال حي علي البوظان في مرور فيصل 600 جنيه تخيلوا!!!!!!!!!!!!!!!!!!!!!!!!

و اخبار ايدك ايه دلوقتي بعد العضة :D:D

ياجدعان اشهر مرور فيكي يا فوس هو فيصل انا الحمد الله طلعتها من هناك بس طبعا بعد ما طلعت عيييييييييييين الظابط واقرفته لحد النهاردة فاكرني واللي يروح هايعرف مين الظابط ده ولو مافيش مانع اكتب اسمس ولا حاجة

المهم طبعا جابنا كرت توصية وبتاع والحمد الله طلعتها بعد ما سقطت 3 مرات في اسبوعين ورا بعض في الكمبيوتر (( اسئلة خارج المقرر طبعا)) وانت وحظك معاك واسطة فلوس هاتعدي

المهم عادينا بكارت توصية بس طبعا دفعت 500 بندق طبعا بس ماكنش للرخصة بس بل ايضا رخصت العربية اصلها اتسحبت اقبل ما اطلع الرخصة بيومين فقط وجبناها من الظابط برده


على العموم اللي يروح يعمر جيوبه ورششاته وكروته

مبروووك الرخصة
بس ممكن نغير الجملة و تكون جهز فلوسك تاخد رخصتك فى 10 دقايق :((

اقتباس:

---

المشاركة الأصلية كتبت بواسطة mo7amed_omara

مبروووك الرخصة
بس ممكن نغير الجملة و تكون جهز فلوسك تاخد رخصتك فى 10 دقايق :((

---

حتي لو جهزت فلوسك يا باشا مش هتاخدها في 10 دقايق يعني تدفع و تتلطع كمان:offtopic::wacky::confused:

اقتباس:

---

المشاركة الأصلية كتبت بواسطة pcegypt

هما يا علا مش قصدهم على الورق بتاع الرخصة ، هما قصدهم على الورق التاني ((فهماني طبعا)).

تحياتي

---

الراجل ده بيقول كلام زي الفل و جاب من الأخر

يا ريت يا جماعة أنا شاري عربية مرور فيصل فلما أجي أنقل الرخصة باسمي الايام الجاية هروح أعمل شهادة مخالفات وأدفع الغرامة إيه الاخبار الناس بتتفاهم ولا هلقي مشاكل

اقتباس:

---

المشاركة الأصلية كتبت بواسطة SHLD

يا ريت يا جماعة أنا شاري عربية مرور فيصل فلما أجي أنقل الرخصة باسمي الايام الجاية هروح أعمل شهادة مخالفات وأدفع الغرامة إيه الاخبار الناس بتتفاهم ولا هلقي مشاكل

---

انا رحت اعمل تجديد لرخصة العربية من مرور فيصل من حوالي شهر.. الأمور مشيت بسلاسة ملحوظة متضمنة شهادة المخالفات لحد ما وقفولي كل المراكب السايرة عشان هاجدد بتوكيل و قالوا لازم عقد بيع.. مع ان التوكيل من بنوده انه ممكن الموكل إليه يجدد رخصة العربية، انما معرفش ليه وقفوا على دي.

اقتباس:

---

المشاركة الأصلية كتبت بواسطة mohamed ibiza

قلبتي عليا المواجع يا علا انا بقالي 4 شهور و شوية ورقي جاهز و مش عارف اطلعها والله حاجة فعلا مهذلة لازم فلوس بياخدوا بال 500 جنيه عشان يطلعوها اللي هي طريقة (الكوسه) انما لو بطريق الامتحان في مرور فيصل اللي المفروض اعملها فيه النتيجة معروفة ساااااااااااااااااااااااا ااااااااااااااااااااااااا اااااااااااقط بعون الله:d:d بجد حرام والله

---

هو إنت يا محمد لسه ماطلعتش رخصة لحد دلوقتى !!!

أمال مين إللى كان بيسوق الإيبيزا خلال 14 سنة إللى فاتوا :confused:

اقتباس:

---

المشاركة الأصلية كتبت بواسطة sharky

هو إنت يا محمد لسه ماطلعتش رخصة لحد دلوقتى !!!

أمال مين إللى كان بيسوق الإيبيزا خلال 14 سنة إللى فاتوا :confused:

---

نفس السؤال اللي كنت هاسأله :turned:

علا انتي برضه مرور عبووود
اهلا بيكي
انا فاكر اليوم ده كويس كان يوم شم النسيم تقريبا في شهر 4
29 بني ادام نزلو من الاختبار النظري للاختبار العملي
العبد لله الوحيد الللي خدها ومن غير واسطة
ووالدي قاعد بيتفرج عليا تشفيا فيا لو سقطت بس الحمد لله خدتها من غير واسطة
وكان الكارت في جيبة بتاع رئيس نيابات شمال
قولتلوة خليهولك لو رخصتك اتسحبت بقي انا مش محتاجة
نييييييهههههههههههههههههه ههههههههههههههههه
على فكر انا امتحنت ايام ما كان الامتحان عبارة عن حدة حصان كاملة تروحية وترجعية بضهرك كله
مش دلوقتي اللي عملوه الناحية التانية وفي كوبري ده بسيط قوي

سيبكم من كل اليفط والكلام اللي مكتوب ..... يعني افهم من كدة ان علا هانم عثمان اصبحت من حملة رخصة القيادة في الجمهورية المهلبية ......لأ بقى ... الحدث المميز ده يستاهل دبيحة .... مش اقل من ارنب ... بس تكون عنيه حمرا وودانه طويلة :chef:
الف مبروك يا علا .... والله لسة مدام شوماخر بتسألني عليكي امبارح ...ايون كدة السريونة تيجي وانتي معاكي رخصتك .... شعور تاني خالص
مبروووووووووووووووووووووك

اقتباس:

---

المشاركة الأصلية كتبت بواسطة karim_monir

علا انتي برضه مرور عبووود
اهلا بيكي
انا فاكر اليوم ده كويس كان يوم شم النسيم تقريبا في شهر 4
29 بني ادام نزلو من الاختبار النظري للاختبار العملي
العبد لله الوحيد الللي خدها ومن غير واسطة
ووالدي قاعد بيتفرج عليا تشفيا فيا لو سقطت بس الحمد لله خدتها من غير واسطة
وكان الكارت في جيبة بتاع رئيس نيابات شمال
قولتلوة خليهولك لو رخصتك اتسحبت بقي انا مش محتاجة
نييييييهههههههههههههههههه ههههههههههههههههه
على فكر انا امتحنت ايام ما كان الامتحان عبارة عن حدة حصان كاملة تروحية وترجعية بضهرك كله
مش دلوقتي اللي عملوه الناحية التانية وفي كوبري ده بسيط قوي

---

لأ حضرتك دلوقتي كمان شالوا الكوبري :sailor:
نييييييييهاهاهاهااااااااا :biggrinjester:

اقتباس:

---

المشاركة الأصلية كتبت بواسطة aif

سيبكم من كل اليفط والكلام اللي مكتوب ..... يعني افهم من كدة ان علا هانم عثمان اصبحت من حملة رخصة القيادة في الجمهورية المهلبية ......لأ بقى ... الحدث المميز ده يستاهل دبيحة .... مش اقل من ارنب ... بس تكون عنيه حمرا وودانه طويلة :chef:
الف مبروك يا علا .... والله لسة مدام شوماخر بتسألني عليكي امبارح ...ايون كدة السريونة تيجي وانتي معاكي رخصتك .... شعور تاني خالص
مبروووووووووووووووووووووك

---

و الله يا احمد بقالي كتير عايزة اكلمها بس قلت خليها لما يكون عندي أخبار جديدة :turned:

الله يبارك فيك و يبارك لك يا رب ::)

الف مبروك على الرخصة يا علا :)

بس على فكرة حتى لو بالوسطة اخدت منى وقت .. يعني انا كنت قاعدة فى المكتب دة جوه باكل جاالاكسي و برغى مع العميد دة و اخدت ساعة تقريبا :biggrin24:

اقتباس:

---

المشاركة الأصلية كتبت بواسطة Noha-M

الف مبروك على الرخصة يا علا :)

بس على فكرة حتى لو بالوسطة اخدت منى وقت .. يعني انا كنت قاعدة فى المكتب دة جوه باكل جاالاكسي و برغى مع العميد دة و اخدت ساعة تقريبا :biggrin24:

---

يا بنتي خافي على نفسك احسن لك :evil1:

رخصة مدام شوماخر طلعت في 45 دقيقة تقريبا .... بس كان فية توصية .... وكنت رايح بدري قوي ... وكنت مجهز كل الورق .... وقبل كل شيء كان ربنا ميسرلنا الامور

اقتباس:

---

المشاركة الأصلية كتبت بواسطة OlaOsman

يا بنتي خافي على نفسك احسن لك :evil1:

---

يا ستيييي :)

لو لينا نصيب فى حاجة هناخدها :beatdeadhorse5:

اقتباس:

---

المشاركة الأصلية كتبت بواسطة shld

يا ريت يا جماعة أنا شاري عربية مرور فيصل فلما أجي أنقل الرخصة باسمي الايام الجاية هروح أعمل شهادة مخالفات وأدفع الغرامة إيه الاخبار الناس بتتفاهم ولا هلقي مشاكل

---

ناس ايه !!!!!! يعني ايه ناس :) مفيش حاجة في مرور فيصل بالاسم دة .

انا مطلع رخصتى فى اكتوبر 2005 و دافع 750 جنيه . بس كان طلبى اروح على التصوير من غير امتحانات و كلام من ده .

اللى حصل انى بعد ما دفعت الفلوس للراجل اللى عمل السبوبه الكبيره عليا . و انا عارف انها سبوبه كبيره . بس انا قلت دى مره فى العمر و عارف المشاكل اللى الناس بتقابلها فى الرخصه اول مره . . المهم بعد ما اتفقنا على اليوم اللى هاروح اتصور فيه . رحت . اقيتهم دخلونى على الامتحان بتاع السواقه . و قلت للراجل اللى معايا ما بعرفش اسوق و مش معايا عربيه اصلا . قاللى ما تقلقش . كله هيتظيط . المهم . لقيتهم بيدخلونى عربيه هيونداى صاحبها اصلا رفيع و مطلع الكرسى قدام و بقيت مش عارف ادخل فيها . اول ما دخلت فيها و لسه هاقفل الباب و انا قلقان مش عارف هاشغل العربيه ازاى . لانى مش متعلم سواقه اصلا لسه . لقيت المهندس بيقولى خلاص . و انا خارج من العربيه صاحبها بيقولى مبروك و بيضحك .


بصراحه على قد ما فرحت انى خدت الرخصه فى ساعتين زمن من غير دوشه . على قد ما زعلت حال البلد وصل لايه . و انا طبعا بالوم نفسى لانى باساهم فى اللى بيحصل . بس انا متاكد انى لو اتعلمت و رحت كنت هاسقط . الناس هناك كانت اللى داخلين رسمى من غير وسايط بتشد فى شعرها . و بنت هناك متوصى عليها خبطت كذا قمع و ما عرفتش ترجع لورا . و نجحت . . عادى جدا .

ليا صاحبى اتنصب عليه مرتين فى موضوع الرخصه و دفع 300 جنيه مرتين لشخصين مختلفين و ما حدش طلعله حاجه . . بصراحه الناس اللى هنا بتكلع رخصه غالبا محترفه جدا سواقه و لان اى حد بيلمس القمع بيسقط و بيتلككو على اى حاجه .

المهم انا طولت عليكو . بس فعلا ده يوم ما يتنسيش . كله اتكلف 800 جنيه بالورق .

اقتباس:

---

المشاركة الأصلية كتبت بواسطة botros

انا مطلع رخصتى فى اكتوبر 2005 و دافع 750 جنيه . بس كان طلبى اروح على التصوير من غير امتحانات و كلام من ده .

اللى حصل انى بعد ما دفعت الفلوس للراجل اللى عمل السبوبه الكبيره عليا . و انا عارف انها سبوبه كبيره . بس انا قلت دى مره فى العمر و عارف المشاكل اللى الناس بتقابلها فى الرخصه اول مره . . المهم بعد ما اتفقنا على اليوم اللى هاروح اتصور فيه . رحت . اقيتهم دخلونى على الامتحان بتاع السواقه . و قلت للراجل اللى معايا ما بعرفش اسوق و مش معايا عربيه اصلا . قاللى ما تقلقش . كله هيتظيط . المهم . لقيتهم بيدخلونى عربيه هيونداى صاحبها اصلا رفيع و مطلع الكرسى قدام و بقيت مش عارف ادخل فيها . اول ما دخلت فيها و لسه هاقفل الباب و انا قلقان مش عارف هاشغل العربيه ازاى . لانى مش متعلم سواقه اصلا لسه . لقيت المهندس بيقولى خلاص . و انا خارج من العربيه صاحبها بيقولى مبروك و بيضحك .


بصراحه على قد ما فرحت انى خدت الرخصه فى ساعتين زمن من غير دوشه . على قد ما زعلت حال البلد وصل لايه . و انا طبعا بالوم نفسى لانى باساهم فى اللى بيحصل . بس انا متاكد انى لو اتعلمت و رحت كنت هاسقط . الناس هناك كانت اللى داخلين رسمى من غير وسايط بتشد فى شعرها . و بنت هناك متوصى عليها خبطت كذا قمع و ما عرفتش ترجع لورا . و نجحت . . عادى جدا .

ليا صاحبى اتنصب عليه مرتين فى موضوع الرخصه و دفع 300 جنيه مرتين لشخصين مختلفين و ما حدش طلعله حاجه . . بصراحه الناس اللى هنا بتكلع رخصه غالبا محترفه جدا سواقه و لان اى حد بيلمس القمع بيسقط و بيتلككو على اى حاجه .

المهم انا طولت عليكو . بس فعلا ده يوم ما يتنسيش . كله اتكلف 800 جنيه بالورق .

---

800 جنيه سنة 2005؟ يعني قبل ما البنزين يغلى؟ طيب ده بأه يبقى كتر خير اللي بيطلبوا 500 سنة 2008 :confused:

لا بس انا بصراحه كنت باتدلع .
يعنى مش باعرف اسوق . و مش معايا عربيه . داخل على طمع . عايز اتصور و بس .


بس عموما انا اتخميت و اشتغلنى كذا واحد فى الموضوع ده بس بمزاجى عشان اخلص .

يعنى اللى خلص لى الموضوع وخد الفلوس و اتصرف سايس المنطقه بتاع الشغل عندى فى وسط البلد . و بالتاكيد هبش له 100 فى النص من ال 750 اللى خدهم . و هكذا .


بس اللى اكتشفته . ان الموضوع ده منظومه فساد جوا المرور بجميع فروعه بتعمل سبابيب منه .

يومها قابلت السايس . و دخلنا المرور و كلم عقيد من الموبيل بتاعى فى المرور و قالله انه هيبعت امين شرطه بتاع مرور يخلص لنا فى الموضوع . كان يوم غريب من الايام اللى الواحد شاف البلد بتمشى ازاى . و فعلا كل ما افتكر . باتضايق و باحس انى ساهمت فى انى ابوظ الدنيا اكتر . بس مش مستعد امتحن و ارجع تانى بعد 3 شهور و بعدها ب 6 شهور .

على فكره . انا متوقع الموضوع ممكن يرخص دلوقت . لان بعد البنزين اللى غلى الناس اللى بتفكر فى العربيات قلت . و بعدين موضوع الكمبيوترو الكلام ده قلل شويه تعاملات الناس و السبابيب و كده . بس طبعا امتحان السواقه هوا اكبر مشكله و هوا اللى فيه كل اللعب . عامل كده زى اللى بيقدمو فى فنيه عسكريه و كله يبقى تمام و يسقط كشف هيئه . تلكيك يعنى و مفيش وسطه .

ههههههههههههه اخيرا لقيت حد حس بماساه مرور عبود زيى
انا والله روحت طلعت رخصتى من مرور مدينه نصر والله والله كمان مره( بس ده اللى فى التجمع مش اللى جنب رابعه العدويه) لاول مره فى حياتى اجد واحد مش بياخد فلوس وبيشتغل بنزاهه مش ممكن بقيت مش مصدق نفسى؟؟؟؟؟؟؟؟؟؟؟؟؟؟؟؟؟؟؟
الراجل واحد قدامى داخل بشاهين مسابش قمع فى حاله فابوه قرب من الراجل الراجل زعقله جااااااامد وسقط الوااااااااااد وانا كان هيسقطنى لان العربيه وقفت منى
بس جيت ارخص اللانسر على مرور عبود لانها مش بتاعتى وبرضوا زى ما قالت الاستاذه علا كده لقيت وانا داخل جهز اوراقك تستلم رخصتك فى 10 دقائق عرفت ان اليوم ده مش هيعدى على خير
وفعلا قعدتلى بتاع كتيييييييييييييييير ومن طابور لطابور والله ربونى ولولا ان العربيه باسم والدتى ( لان طابور الحريم يومها كان 4 بس ) مكنتش زمانى سايقها دلوقتى طابور الرجاله محكيلكومش بتاع كتيييييييييييييييييير
وطبعا روحت وجيت بعد 3 ايام علشان اخد النمر كميه الطوابير مش ممكنه اطلع من ده اقف فى ده؟؟؟؟؟؟؟ بتاع 5 او 6 طوابير ويقولولك الحكومه الالكترونيه
ههههههههههههههههههههههههه هههههههههه
فعلا مرور عبود اقذر مرور شوفتو فى حياتى

اقتباس:

---

المشاركة الأصلية كتبت بواسطة sharky

هو إنت يا محمد لسه ماطلعتش رخصة لحد دلوقتى !!!

أمال مين إللى كان بيسوق الإيبيزا خلال 14 سنة إللى فاتوا :confused:

---

السيد الوالد يا باشا :):) بس انا بحب الابيزا من ساعة ما جت سنة 94 و مهتم بيها و دايما كنت بروح مع والدي عند الميكانيكي لما تحتاج حاجة و ده بيبقي فين و فين او في تغيير الزيت و الصيانة العادية دي و برضه كانت بتبقي كل فين و فين :D:D والدي هو اللي اشتري الابيزا مش انا يا باشا انا اخوك الصغير مش كبير للدرجة زي ما انت فاكر:)

انا الحمد لله كان معايا واسطه وطلعت الرخصه فى ساعه زمن واحده فقط لا غيروطبعا دخلتش امتحان السواقه وامتحان الكمبيوتر اتجاوبلى من الست اللى قاعده عليه واتصورت وكل حاجه كانت سهله جدا
نسيت اقول حاجه انى حاولت اطرق من غير واسطه وسقطت فى الكمبيوتر وعطنى تأجيل 3 شهور بس جبت واسطه وطلعتها بعديها بأسبوع

لسة شايف الموضوع ده دلوقتي والله يا علا
ألف ألف مبرووووووووووووووووووك وتستعمليها في الخير دايماً يارب

واحد زميلي له قول مأثور مهبب في موضوع الرخصة ده
لو الرخصة هاتدفع لها رشوة 10 آلاف جنيه وتقدر تدفع .. ادفع على طول
لأنها من الحاجات القليلة اللي تستاهل الواحد يدفع فيها

ربنا ينتقم من الظلمة :)

انا طلعتها في حولي ساعه ونص بس الصراحه......................

افهم لوحدك بس متروحش بخيالك بعيد