إحترسوا....كيفية رباط صواميل العجل

**swimmer25** · 24-12-2012 10:27 AM

السلام عليكم يا شباب تويوتا
أنا عامل الموضوع ده لأني إكتشفت إن صواميل العجل في عربيتي راكب غلط ودي غلطة قاتلة
صواميل العجل علي شكل مخروط أرفع من ناحية عن التانية عشان الناحية الرفيعة تدخل في فتحة صامولة العجل كويس
الصورة دي توضح أكتر

بالمرة من الإحتياطات الواجبة:
1- تنظيف مسامير العجل جيدا من أي زيت أو شحم حتي لا تؤدي إلي زيادة الرباط عن اللازم أو الفك أثناء السير
2- ربط صواميل العجل بالترتيب علي هيئة حرف X
3- ربط الصواميل جيدا قبل إنزال العربية بالكوريك ثم التأكيد بالربط مرة أخري بعد إنزال العربية
4- تعشيق السيارة او وضع الجير الأتومياتيك علي P + رفع فرامل اليد كاملة ووضع حجر أمام العجلة المقابلة لمكان الرفع عكسيا (يعني لو بترفع العجلة الشمال الخلفية..تحط حجر أمام العجلة اليمين الأمامية)

كلوا يراجع علي رباط صواميل العجل في عربيته ونظافتها
سبحان الذي سخر لنا هذا وما كنا له مقرنين وإنا إلي ربنا لمنقلبون

**A.Saad** · 24-12-2012 12:15 PM

تحذير مهم
كمان ياريت
نحط الاستبن تحت العربية
علشان لو الكوريك انهار العربية تقع على الاستبن مش تخبط فى الارض
وكل فترة اعادة الربط على الصواميل افضل

الكوريك العادى مش التمساح يكون فيه شحم فى الجزء القلاووظ اللى فيه لسهولة الحركة

**swimmer25** · 24-12-2012 01:20 PM

المشاركة الأصلية كتبت بواسطة MohammedAladel

شكرا لك
كان عندى سؤال مهم إيه الفرق بين صواميل أو مسامير الجنوط الحديد والجنوط الاسبور ؟؟؟

أنا مش بشد فرامل اليد غير بعد ما أرفع العربية بالكوريك عشان محملش على الفرامل جامد وأنا برفع العربية وبعمل الشغل وأنزل فرامل اليد وبعدين أنزل الكوريك

أو ممكن أحط حجر ورا العجل لكن مش بحب أستعمل فرامل اليد لأن بيبقى الحمل جامد على الفرامل

بس المفروض نرفع فرامل اليد عشان ممكن العربية تقع وإنت بترفع لو مش على أرض مستوية

ومش بحب أجيب على ال p برضه عشان محملش على الفتيس

دورت عشان أتاكد بس لاقيت إن العكس صحيح

لازم تكون رافع فرامل اليد وحاطط العربية علي P ده من كتالوج التويوتا...لو عندك عربية تانية برده ابقي بص في الكتالوج واتاكد
من تجربتي إن ده مهم جدا وتبقي رافع فرامل اليد كمان جامد ولو العربية مانيوال تعشق مارشدير

**swimmer25** · 24-12-2012 07:19 PM

المشاركة الأصلية كتبت بواسطة mohammedaladel

ياباشا أنا مش بغلط حضرتك أنا مقتنع بإن كلامك صح 100% بس أنا قلت أنا بعمل كدا ليه

بس السؤال اللى مش لاقى حد يجاوبنى عليه

ما الفرق بين مسامير الجنوط الحديد والاسبور ؟

يا باشا متقلقش أنا بس حبيت أوضح
حصل معايا موقف إن العربية وقعت من علي الكوريك وانا برفعها والكوريك إتكسر بس الحمد لله مكنتش لسه فكيت العجلة للأخر...مع إني كنت رافع الهاند بس كنت ناسي أعشق فالعربية إتحركت لأن ثقل العربية كله كان قدام مش ورا
الأهم كمان فكرة تركيب الصامولة...لو عندك صامولة لازم تركبها بنفس الطريقة عشان تبقي راكبة صح والا هتلاقي العجلة طايرة وإنت سايق لا قدر الله
كان عندي 3 عجلات راكبين غلط والحمد لله بفك فردة أغيرها لاقيت الصواميل بتتفك من أول لمسة للصامولة...يعني كانت مهوية خالص لأن الرباط خاطئ تماما
بالنسبة للحديد والاسبور مش عارف بصراحة

وربنا يكفينا ويكفيك شر الطريق

**EgyRacer** · 01-01-2013 10:39 PM

معلومة قيمة
ألف شكر

-

-

-

الموضوع: إحترسوا....كيفية رباط صواميل العجل

LinkBack

أدوات الموضوع

عرض

إحترسوا....كيفية رباط صواميل العجل - انشر الموضوع فى :

-

-

-

المواضيع المتشابهه

كيفية الكشف على بلى العجل ؟

صواميل لحماية الجنط من السرقة

الاسعار هتغلى غلو رهيب فى كل حاجه من البنزين لاغيت رباط الجزمه

كيفية تدوير العجل فى المازدا 3

سخونية عالية في صواميل العجل والطنابير

الكلمات الدلالية لهذا الموضوع

المفضلات

المفضلات

ضوابط المشاركة