الموضوع: مشكلتي مع اللانوس 99 في استهلاك البنزين .. ارجو الافاده

المشاركة الأصلية كتبت بواسطة mahmoud_dev

السلام عليكم

معايا لانو 99 استهلا ك البنزين كانت الصفيحه بتعمل 200 كيلو دلوقتي الصفيحه بتعمل 140 بالكتير
يعني انا مثلا اخر مره مالي التانك وحاطط حوالي 40 لتر عملوا معايا 270 كيلو

ياتري كده ايه المشكله ولا ده طبيعي معل العلم ان اخر حاجات عملتها في العربيه هي تغيير فلتر الزيت
وفلتر البنزين وفلتر الهوا وكمان لسه مغير الزيت ومن وقت قريب كمان مغير زيت الفتيس

حاول تشوف الرشاشات لو فيها مشكله اكشف عليها بالجهاز وهل نظفتها فبل كده منظف الرشاشات وللا لا هى والبوابه

Use injection cleaner

يعني المشكله ممكن في الرشاشات فعلا ؟
طيب اجيب المنظف ولا اروح لحد عنده الجهاز اللي بينضف ؟ وياريت لو حد يعرف مكان بينضف الرشاشات يكون قريب من الدقي او المهندسين او الهرم يقولي عليه

المشاركة الأصلية كتبت بواسطة mahmoud_dev

يعني المشكله ممكن في الرشاشات فعلا ؟
طيب اجيب المنظف ولا اروح لحد عنده الجهاز اللي بينضف ؟ وياريت لو حد يعرف مكان بينضف الرشاشات يكون قريب من الدقي او المهندسين او الهرم يقولي عليه

شوف الموضوع ده فى كل حاجه عن الرشاشات
http://www.nilemotors.net/Nile/180488-a.html

بص تحت العربيه من ورا وشوف فيه تسريب بنزين ولا لا

ايوه بصايت ومافيش بنزين تحت العربيه وكمان وادتها للميكانيكي حطها علي الكمبيوتر وقالي ظبطلك الحساسات بس بردو مافيش فرق

ياجماعه في ناس في المنتدي بتقول ان اللانوس اصلا فيها عيب في الرشاشات علشان كده استهلاكها عالي
وان الصح الرشاشات تتغير برشاشات bmw او رشاشات جديده ودي بتبقي غاليه اوي
ياتري ايه الكلام ده وحد جربه ؟ ولو حد معاه لانوس 99 ياريت يقولنا الصفيحه بتعمل معاه كام كيلو جوه البلد

عندى نفس المشكله ايه الحل