انا مش بفهم نفسية اللي بيسوقوا بسرعة.. لما الاقى حد ماشي و بياخد غرز زي ال &%&^ بجد بادعي انه يلبس في اوتوبيس عشان يبطل هبل هاهاها ده كده هيبطل كل حاجه افتكرت جملة "لازم نشنقه علشان يحرم يعمل كده تاني".. انا شخصياً مرة من 10 سنين تقريباً سواق تاكسي شاهين خبطني و انا باعدي الشارع عشان كان طالع من شارع جانبي بسرعة.. و اغم عليا طبعاً و بعد كده اتحكالي اني طرت حوالي 10 متر. و ستر ربنا وحده ان محصليش حاجة الحمد لله انك قومتي بالسلامه و اظن طبعا الزفت سواق التاكسي متحاسبش و مش بعيد يكون سابك و جري ..
ارواح الناس مش لعبة, و مش حرفنة ان حد ياحد غروة ولا يشد في شارع فيه عربيات و بشر و لا يمشي في زفة يعمل حركات بالعربية.. مش حرفنة و مش شطارة يعني بجد. و للناس اللي في المنتدى و بتعمل كده, بجد بجد يعني, مش بتفرق العربية اللي سبقتها, و مش هاتفرق 10 دقايق زيادة في مشوار !!! بس اللي بيفرق الناس اللي بيجيلها هلع من الحركات دي !
من واحد للاسف ساعات كان بيعمل كده احب اقولك ان الموضوع مش موضوع حرفنه او اني عايز اخوف الناس في الشارع ،،، كل الموضوع اني كنت بستمتع بقوة العربيه و ثباتها في الغرز حتي صوت الموتور و هي بتحرق بحسه نغمه كده في وداني و بوجه عام انا مكنتش بجري جري الغرز ده كتير لاني كنت بفضل ال drag يعني حته مفتوحه مفيهاش غرز و بحرق فيها علشان احس باقصي سحب العربيه ، و لما باخد غرز بتبقي واسعه او مناسبه بحيث ان اللي راكب معايا ميخافش -قصدي يعني انها في حدود الامان و لو اي حاجه مفاجئه حصلت لاقدر الله الحق اتفاداها - و طبعا مفيش غرزه كنت باخدها الا باشاره و تنبيه نور او كلاكسات كانت مشلتي بقي لما ساعات حد يستفزني علي جريه او حاجه من النوعيه دي -المهم انه اي حاجه توصلني لاني بغفل عن كل حاجه الا السباق- و ده بقي اللي فعلا كنت ببقي باخد غرز علي قد العربيه بالظبط و بعرض الشارع و اللي معايا في العربيه بيبقي اصلا مش خايف ده هو بيتشاهد خلاص و اول ما بطلع منه بنسحب من السباق و ارجع امشي علي طبيعتي عادي
بس
من فتره كبيره كده يعني تقريبا سنتين او سنه و نص كان في زميل هنا بيحكي عن موقف حصله -او حصل لحد يعرفه انا مش فاكر والله - و هو انه كان برضه بيجري بس علي طريق سفر و كان بياخد غرزه علي عربيه فيها عيله الأب و الأم و الاطفال و الاب لما شاف الراجل اتخض و من خوفه تقريبا خبط في عربيه او عامود -برضه مش فاكر بالظبط و مش هتفرق كلها خبط :( - و النتيجه ان الاب و الام الحمد لله بخير بس الاطفال اتوفوا اكيد انتوا متخيلين هو احساسه انه قتل اطفال و دمر عيله ملهاش اي ذنب علشان سبب تافه اني عايز اتبسط بالجري و متخيلين لما يقف قدام الوالدين هيقولهم انا قتلت ولادكوا ليه ؟ ، انا ساعت لما قرأت الموضوع ده بصراحه اتأذمت و خلاني افكر في ان جريي مش حريه شخصيه ليا بس لا ده برضه انا باجي علي اي حد من اللي حواليا في الطريق و كان ابسط مثال الدائري لو حد جرب يمشي فيه ٧٠ او ٦٠ مثلا هيلاقي خلق الله كلهم بيعملوا عليه غرز و طبعا ممكن يتبرجل او ميعرفش يركز تبقي مشكله ،،، و من ساعتها قررت ان جري الغرز مفيييييييييييييش بس يعني الطريقه العاقله العاديه اللي متخضش حد دي تمام و الجري في اماكن مفتوحه مفيهاش حد برضه عادي ، و انا فاكر ان من فتره كان في مجموعة شباب كانوا عاملين event سباقات غرز علي طريق ال NA في وقت يبقي فيه زحمه بسيطه و كانوا عايزني اجي و رفضت اني اجي و قعدت كمان اناقشهم ان بلاش النوعيه دي من السباقات علشان منجيش علي حد و معرفش بعد كده عملوه ولا اقتنعوا و لغوه .
المفضلات