check geerbox megane 2008

**Ahmed Selim** · 01-01-2013 02:59 PM

المشاركة الأصلية كتبت بواسطة haythamkmal

كلام زى الفل ، بس اعتقد ان اى ضمان مرتبط بالكيومتر بيبقى محدد المده
يعنى 100 الف كيلو او خمس سنوات ايهما اقرب

تمام بس فى حالة هادي هو مكملش 100 ألف كم و العربية موديل 2008.........بالإضافة أنهم فى التوكيل مقالوش ليه أن العربية دي خرجت برة الضمان.....لأ قالو له أن الكلام ده أتغير......و ده مش من حقهم.

**solly1979** · 02-01-2013 02:15 PM

يا شباب الفتيس ضمانه 100 الف كيلو وملوش دعوة بالسنه ولا عدد السنين
بشرط وحيد انك تعمل صيانات كل 10 الاف فى التوكيل او مركز خدمه معتمد
ودة كلام من التوكيل نفسه

**elnager** · 05-01-2013 08:42 PM

لو سمحتولى اشارك معاكم لاني نفس المشكلة الخاصة بالفتيس موجوددة معايا بس انا المشكلة دية بتظهر معاايا مرة او مرتين علي الاكثر بعد ما بدور العربية الصبح واطلع بيها اسمع صوت هابدة ولاقىcheck gear box ظهرت علي الشاشة اطفى العربية ودور الاقى العربية زى الفل وما يتكررش تانى مش عارف اية السبب زيت او سولونويد او كويلات

**Hady** · 08-01-2013 03:51 PM

المشاركة الأصلية كتبت بواسطة ahmed a.maksoud

بص يا باشا........أنت شاري العربية بمزايا معينة........منها أن ضمان الفتيس 100 ألف كيلو..........مجرد ما التوكيل طلع العربية من عنده بالميزة دي ملهوش حق يرجع فى كلامه و يغيرها إلا لو هيغيرها لحاجة أحسن.........كمثال ضمان الفتيس فى الأول كان 60 ألف و علوه ل 100 ألف........دي مفيهاش مشكلة.

عموماً أنت واضح أنك مشيت من هناك......و واضح كمان انك أخدت الكلام منه و سكتت........و ده مش صح :)

أنت تروح التوكيل تاني.......بدون حجز أو حاجة.......تطلب تقابل مدير خدمة ما بعد البيع المهندس عمرو أبو الفتوح أو مدير الورشة المهندس حسام شهاب و تقولهم على اللى حصل.

إن شاء الله المشكلة تتحل مع حد منهم...........بس بفرض أنها متحلتش

هتوضح لهم بالذوق أن العربية ساعة الشراء كان ضمانها 100 ألف كم و أن مش من حقهم يغيروه لأقل من كده.......و تلفت نظرهم أنك بتفكر تروح جهاز حماية المستهلك.

بعد المقابلة دى لو الموضوع متحلش يبقى قدامك حلين ممكن تمشي فيهم
1- جهاز حماية المستهلك
2- رينو فرنسا

بس لازم قبل أى واحد من دول تكون عارف تاريخ صيانات العربية كويس......يعني عارف أنها كلها معمولة فى التوكيل أو مراكز الخدمة المعتمدة........مفيش صيانة عدت بدون ما تعملها حتى صيانات ال 5 الآف....الخ.

و الأهم ضمان الفتيس 100 ألف كم محدد بمدة معينة ولا لأ......أنا مش فاكر بصراحة.

عموماً حتى لو الضمان لسه خلصان أنت ممكن برضه تبعت لرينو فرنسا و هما ممكن يعملوا حاجة من أتنين..........يا يتحملوا تكاليف الإصلاح بالكامل للمحافظة على العميل أو يتحملوا جزء و أنت جزء.........الأتينين تحت بند السمعة الحسنة و معروف أنهم كتير بيعلموها.

برضه مفيش مانع أنك تذكر فى المقابلة بتاعة التوكيل أو في الأيميل الموجهة لرينو فرنسا أن والدك أو أخوك أو نسيبك كان بيفكر يشتري عربية جديدة و كنت لسه بترشح له الفليونس أو الميجان أو أو.......بس بعد الموضوع ده هتعيد نظر.

و على أسوء الفروض...........الموضوع ممكن يتعمل برة التوكيل فى حدود 500 جم.

معلش بالنسبة لموضوع التليفون أنا مش فى مصر.

السلام عليكم رحمة الله:
اولا أحب أشكر كل الوحوش اللي شاركت
ثانيا: حبيت بس أنقل تجربتي حتى يستفيد الجميع و هي كالأتي:
انا عملت بنصيحة الوحش الكبير أ.أحمد عبدالمقصود و رحت التوكيل و وصلت لأحد المسئولين في الورشه " م. ياسر و هو راجل ذوق جدا و أخلاق ....حكيت له الحكاية رد عليه باجابة شافية وافية.. ان لو الفتيس لسه في الضمان سواء كيلومتر او عدد سنين هايتصلح في الضمان من غير اي مشاكل
والحمد لله غيرولي سنسور فتيس + زيت فتيس و استلمت العربية يوم السبت اللي فات و الحمد لله العربية بقت تمام

شكرا أحمد باشا عبدالمقصود و شكرا لكل الوحوش و شكرا ل رينو- مصر