الموضوع: تسريب زيوت ولا عادي ؟؟؟؟؟؟؟

يا جماعة انا عندي مشكلة في اني بالاقي زيوت على كل الأجزاء المتحركة في العربية

1- المتور : بيكون في زيت عليه وطالع من المكان اللي بنملى فيه الزيت (المكان اللي بيعوز جوان باين جوان تاكيهات او حاجة زي كده ) وكل ما باصلحه مش بيكمل شهر وبيسرب تاني ، لكن الزيت مش بيقل من مقاس المتور .

2- بالاقي زيت على الفتيس ( جوه الكابوت ) ومتجدد باستمرار يعني بيكون بيلمع زي ميكون لسه طالع طازة بس مش عارف بيطلع منين وبيكون الزيت على الحتة الحديد اللي فوق الفتيس اللي بتتحرك لما باخد غيارات من جوه العربية.

3- في بقايا او اثار زيت موجودة تحت دواسة السائق ومش عارف هل في عطل ولا ده زيت لما كنت باصلح حاجة واتكب زيت في الحتة دي ولا ايه ؟

4- في زيت بيكون على القطعة الجلد اللي جوه العربية طالع منها حديدة الدريكسيون لبره ومش عارف ده طبيعي ولا ايه ؟

5- بألاقي زيوت على القطع الجلد أو الخراطيم العادية اللي بتوصل بين كل قطعة والتانية زي اللي موصلة القطعة اللي بتاخد هواء من الفلتر الى المتور.

مع العلم ان الزيوت مش بتنقص عندي (زي المتور والفرامل والباور ) مفيش غير الباور بيقل حاجة بسيطة جدا يعني اقل من ربع المسافة بين الحد الأدنى والأقصى كل شهرين او لما باكون مشيت 8000 كيلو تقريبا مش عارف ده طبيعي ولا ايه ؟

فهل الزيوت دي كلها طبيعية وبتطلع عادي ؟؟؟؟؟؟؟؟؟؟؟؟ ولا ليها تصليح جذري ولا دي كل شوية تتصلح وتسرب تاني ؟
وأنا مش باحب الحلول اللي اصلح وبعد شهر او اتنين المشكلة ترجع زي ما هي باحب اصلح الحاجة حتى لو غالي بس انساااااااااااااااااها سنتين تلاتة أو أكتر حسب الإستخدام
وأنا طفشت من الميكانيكية علشان عايزيني اكون عندهم كل يوم وأنا مش باحب التصليح يعني احب اصلح بالمرة وباشتري أغلى حاجة بس افضل فترة كبيرة حرررررر من غير تصليح علشان مش فاضي

كان عندي نفس العيب وكان الزيت مغرق تحت الدواسه عند السائق وعلي علبه الدريكسيون وعلي التابلوة من تحت وبصراحه احتارت علي العيب فين واكتشفت بمعرفه واحد كهربائي جدع ان الزيت جاي من التابلوة من عند الخرطوم اللي داخل علي لمبه الزيت في العدادات وهو اللي كان مغرق الزيت جوة وقال لي قبل اصلاحه اما ان العيب من الخرطوم او تكون عاوزة جلب