الموضوع: كيفية استخدام الكوريك للنيو صنى

بسم الله الرحمن الرحيم

الموضوع ده طلبه منى العضو الكريم Moh.El Saady


عندنا فى النيو صنى اماكن لرفع العربية بالكوريك زى ما احنا شايفين كده









و زيهم بالظبط الناحية التانية

و الكوريك بيبقى بالشكل ده




و الفتحة اللى معمول عليها دايرة دى فى الكوريك نحطها تحت الاماكن اللى معمول عليها دايرة فوق



علشان يبقى المنظر عامل كده




و من ضمن الحاجات اللى ح نستخدمها مفتاح الكاوتش



اللى فيه فتحة بالمنظر ده



اللى ح نحط فيها مقبض الرفع بالمنظر ده





و نركبهم فى الكوريك بالمنظر ده




و لرفع العربية اللف مع عقارب الساعة و خفضها اللف عكس اتجاه الساعة

تحياتى

تسلم ايدك و يارب ما حدش يحتاج له ابدا

المشاركة الأصلية كتبت بواسطة land_cruiser

تسلم ايدك و يارب ما حدش يحتاج له ابدا

يا رب يا باشا بس الواحد لازم يبقى عارف يعمل ايه ساعتها علشان ما يزنقش و يعمل حاجة غلط

تحياتى

المشاركة الأصلية كتبت بواسطة khaled25_9

شغل عالى عالى عالى..... تسلم ايدك يكبير.
الصراحه الواحد اتعود على التمساح ونسى الكوريك ده كان بيشتغل ازاى :)

و انا كمان متعود على التمساح علشان كده قلت الواحد يتعرف على ده علشان لو مش كويس الواحد يجيب التمساح

تحياتى

المشاركة الأصلية كتبت بواسطة the_air_devil

ماشاء الله عليك ياباشمهندس ... تسلم إيديك بجد ربنا يجازيك كل خير

هو نفس الكوريك كان موجود في الرينو 12 وكان حاجة كدة فرنساوي جميل ... يعني ده بالنسباله ولا حاجة بس ربنا يقدره ويرفع العربية لو حصللها حاجة لا قدر الله :)

أحب بس انوه ان فيه قاعدة مرورية بتقول لازم تسيب بينك وبين الرصيف 15 سنتيمتر علشان لو العجلة نامت وانت راكن تقدر تغيرها من غير أضرار على الكاوتش والعربية , لأنك مش هاتعرف تدخل الكوريك في مكانه صح لو انت لازق في الرصيف


مجهود ممتاز وتصوير كويس وتسلسل منطقي جميل وربنا يزيدك ويزيدنا علماً

تحياتي

يا احمد باشا ما يجيش حاجة من اللى استفدته منك

و شكرا على المعلومة بس انا اللى قالقنى مش ال 15 سم اللى بين العربية و الرصيف اللى قالقنى ال 15 سم اللى بين العربية و العربية اللى جامبى اللى الناحية التانية

تحياتى

المشاركة الأصلية كتبت بواسطة Sehsss

تسلم إيدك، بس متهيألي في الصورة الأخيرة المفروض مفتاح ربط العجل الجزء اللي بيربط الصامولة لازم يبقى للخارج مش في اتجاه السيارة علشان تعرف تلف كويس

اه انا خدت بالى بعد ما نزلت الموضوع و كنت ح انزل اصورها تانى بس كسلت الصراحة

تحياتى