الموضوع: كيفية استخدام الكوريك للنيو صنى

المشاركة الأصلية كتبت بواسطة youssef.awad

شكرا على الافادة والموضوع التعليمى ده ..

بالنسبة للاعضاء اللى بيفضلوا كوريك التمساح لعدة اسباب
احب اقول معلومة وهى ان استخدام الكوريك المعين أأمن وافضل واقوى تحمل من التمساح لأنه يعمل بطريقة ميكانيكية ويتحمل الاوزان وكمان له اماكن مخصصة فى عتب السيارات لرفع الجهة اللازم تغيير اطارها فقط وييجى بعده او فى نفس المرتبة كوريك المسمار العمودى
عكس الكوريك التمساح فهو يعمل على ضغط زيت واخطار استخدامه اكتر بدءا من تسريب الزيت الى ارضية الشنطة او شغل حيز تخزين اكبر فيها علاوة على احتمال التفويت اذا لم تربط مسمار رجلاش الضغط باحكام ومن ثم قد يتسبب فى نزول السيارة - لا قدر الله - اثناء فك وربط واستبدال العجلة مما قد يسبب اذى بدنى قد يصل الى كسر (حصلت وبتحصل)
بالاضافة الى صعوبة اختيار مكان الرفع وقد يتسبب فى اضرار للعفشة او العتب او كارتيرة الزيت
كما يصعب تعديل الوضع اثناء الرفع عكس المعين المخصص له مكان دون غيره
لذا لزم التنويه .. لأن شركات السيارات فى العالم اجمع مش بتختار اى حاجة اعتباطا ولا رخامة على اللى بيشترى عربياتها
وكلها ان ماكنش اغلبها بتحط الكوريك الميكانيكى (المعين او المسمار او العمودى) وليس الهيدروليكى (التمساح) الذى يعد اختراع محلى مستمد من الورش لكن بحجم اصغر

جزاك الله خير انا كنت بفكر اشترى واحد تمساح لكن انا اقتنعت بكلامك