الموضوع: عجزت عن حل مشكلة الفرامل واليكم التفاصيل كاملة واليكم حل مؤقت

اولا بسلم على كل اعضاء المنتدى وبشكرهم على كل كلامهم ليا واشكر بجد اوى اوى اوى المهندس عصام والمهندس محمد اصحاب توكيل عصام وصفا على كل المجهود اللى عملوة معايا وتعبهم بصراحة ناس فى منتتهى الاحترام وتعبو معايا جدا انا لو مكانهم كنت زهقت منى يعنى بجد .
طبعا انا بتاع حادثة البرسونا اليجانس 2012 العربية اتصلحت والحمد للة والمهندس عصام جابلى كل حاجة جديدة وركبهالى ماعدا الاكصدام جبتة استيراد لان زى منتو عارفين مفيش جديد لا فى التوكيل ولا برة المهم وركبت كمان الفوانيس الليدات الجديدة شكلها تحفة وحبقى اتزلكو الصور بتعاتها انشاء الله بعد ما خلصلت العربية قولت لاستاذ عصام شوفلى بقى موضوع الفرامل المهم قالى التيل ورا عايز يتغير ركبت البوش وطلعنا جربنا ولا فرقت حاجة لازلت العربية مع الفرملة الفوجائية بتسحف لمسافة كبيرة حوالى 6 متر او 7 متر المهم حطلى العربية على الجهاز ودخلنا على الاية بى اس كل المنظومة شغالة تمام ودخلنا على الاية سى يو مفيش اى مشكلة فى العربية المهم كنت مغير التيل لسة من حوالى الفين التيل الامامى وكنت مركب الماليزى اللى مكتوب على بروتون دة المهم قولتلة طيب بص نركب البوش برضو قالى مش حتفرق حاجة قولتلة معلش نجرب وركبت البوش وطلعنا نجرب تخيلو العربية سحفت اكتر من المرة الاولى لما جربنا وكتر خيرة راح شايلة ومركبلى القديم ومرديش يدهونى قولتلة طيب انا شاكك فى الماستر العمومى قالى مستحيل قولتلة مهو دى اخر حاجة المهم جابلى ماستر من عندة قديم لان مفيش جديد وطلعنا جربنا بصو بصراحة حسيت بفرق بسيط يعنى العربية بتسحف بس حاسس ان المسافة اقل شوية يعنى بدل مثلا 6 متر او سبعة بقت 5 متر حاجة كدة بس هو راح طالع مجرب وقالى انا مش حاسس بفرق خالص ويمكن يكون احساسى غلط بس انا حقولكو برضو حاسس بفرق لية اول لما بنزل الصبح كان بيبقى البدال واطى شوية وبعد دوستين فرامل كدة بيعلى شوية فدى فعلا حاجة فى الماستر عندى فعلا فقالى حيغيرهولى ربنا يكرمة المهم قولتلة طيب برضو انا مش راضى عن الفرامل نعمل اية تانى بصو راح مقلل رجلاش الفرامل شوية بتاعة الايد علشان الفرامل متعملش لوك بسرعة والاية بى اس يشتغل بسرعة لانو بصو المشكلة فى الفرامل بالظبط احنا حددناها فى العربية المشكلة تتلخص فى ان لما بتدوس فرامل مفأجاة العجل بيعمل لوكينج بسرعة فبيدى امرى لل اية بى اس انو يشتغل وانتو طبعا عارفين وظيفتة انو بيقفل ويفتح على الطنابير بسرعة ودة بيخلى ان العربية تأخد مسافة اطول فى الوقف لاكن لو اخرنا وظيفتة شوية حيشتغل متأخر شوية فالعربية حتقف اسرع وعملنا تجربة انا وهو تانى طلعنا على سرعة 100 وفرملنا فرملة مفأجاة يعنى دوسة جامدة اوى العربية سحفت ووقفت بعد فترة كالعادة وجربنا تانى بس مش تدوس فرملة مفجأة يعنو دوسنا على الفرامل بس بنظام التحميل يعنى حمل رجلك على الفرامل وابتدى زود فى الضغط واحدة واحدة لحد ما تجيب اخر البدل بس تدريجى لقينا العربية وقفت اسرع وفين وفين لما الاية بى اس اشتغل وعايزكو كلكو تجربو الموضوع دة وتقولولى صح ولا لاء بس فرامل الايد ليها رجلاش بسيط يعنى مش حنقدر نلعب فى الرجلاش تانى وبرضو الواحد بيكون محتاج فرامل مفجأة ساعات فى حالة الخطر او لما تكون محتاجاها فصعب جدا انك تدوس واحدة واحدة ويجيلك اعصاب لكدة لحد ماتوقف العربية وخصوصا لو وقفت عربية قدامكو مرة واحدة زى ما حصل معايا فى الحادثة شوفو بقى كمية المجهود اللى عملو معايا الراجل دة بجد ربنا يكرمة وفى الاخر راح قايلى هو دة نظام فراملها ساعاتها اتكتمت معرفتش ارد اقولو اية مهو مش هو اللى مصنع العربية والراجل بجد طلع عينة معايا تعب ومجهود الصراحة .

نيجى بقى للحل اللى قولتلكو علية محدش يدوس فرامل بقوة الدوسة تكون بتدريج على الفرامل العربية حتقف اسرع صدقونى وجربو عن انكو تدوسو دوسة مفجأة واسف طولت عليكم وياريت لو حد وصل لحل يفيدينا ارجوكم .

المشاركة الأصلية كتبت بواسطة card44

باشا اللينك مش شغال ياريت تتأكد منة وتبعتهولى تانى لو سمحت

بعتلك علي الخاص يا باشا