الموضوع: حد ليه تجربه مع البوتجاز built in

المشاركة الأصلية كتبت بواسطة w-m-a

حضرتك هو ممتاز جدا فى توفير المكان كشعل
لكن الفرن برضه بيأخذ نفس المساحه تقريبا
ولا يوضع اسفل الشعل
لكن يفضل انه يوضع بارتفاع من 70 سم الى 90 سم
لاستخدامه من وضع الوقوف ولرؤيه اوضح للصوانى
الرخام هو المسئول الاول عن الشعل لازم المقاس يكون مضبوط 100%
ويعزل بسليكون حرارى او عالى الجوده اسفل الاطار لمنع تسريب الدهون والماء
ويقوم النجار بفتح القرصه لو كانت موجوده ويفضل عدم وجود قرصه ابلاكاج وانما تخانه الشاسيه
اما النجارة لاتشكل اى اهميه للشعل سوى ان يكون المقاس مريح
اى اكبر من الشعل ب 10سم او 15 سم على الداير
`
واى حاجه انا تحت امرك

المشاركة الأصلية كتبت بواسطة amrelsha3er

تمام الله ينور عليك
شويه استفسارات لو تسمح
فى منه سيراميك وفى منه استلس عادى السيراميك ده عملى؟!! لانه هعجبنى اكتر
فى ماركه معينه ترشحهالى لو عندك علم بالماركات؟
يعنى اجيب الفرن واخليه على كده على الرخامه مخلهوش تحت مش كده؟؟؟ عشان المكان فعلا يااما منبقاش عملنا حاجه

المشاركة الأصلية كتبت بواسطة friendship7897

أنا شخصياً مجربتش السيراميك - اللي عندي ستانلس ودا عملي جداً وبيلمع من أقل تنظيف - واللي عندي أوليمبيك ومش غالي أوي وصيانة كويسة - رغم عدم إحتياجي له
أما بالنسبة للفرن فدا مش بيكون على الرخامة دا وأنت بتعمل المطبخ بتعمل حسابه بين الدولاب بحيث يكون إرتفاعة أعلى من الفرن العالي وفي مستوى الرؤية ، وبيكون فيه مطابخ جاهزة عاملة حساب الفرن .

المشاركة الأصلية كتبت بواسطة bunsh_fox

السلام عليكم ورحمة الله وبركاتة

ربنا يوفقك وتخلص على خير ..
بالنسبة للبوتجــــــاز البلت ان حضرتك قايل اتك محتاج 4 شعلة *60سم* والافضل طبعـــــا الاستلس وبالنسبة لافضل ماركة :
+ اريستون .
+ البــــــا .
+ والبـــــاقى .

طبعا الترتيب من حيث توافر الصيانة وقطع الغيار.

الاخوة الاعضاء ردوا تمام
انا فى الحقيقه معنديش بلت ان لكن بركبه فى شغل المطابخ
انا بصمم وانفذ الموبيليا والمطابخ
ومن واقع عملى الاستنلس افضل
والغاز فقط عملى وغير مكلف
الزجاج والسيراميك ركبتهم بس صراحه معرفش عنهم حاجه احتمالهم نظافتهم
الفرن بيكون داخل الوحده
وساعات فى زبائن بيخلوا التلاجه والفرن والميكروويف والمجفف فى ضلع واحد توفيرا للمكان
بس اكتر حاجه شوفتها الاريستون والاكسبير والبا ويونفرسال
بالتوفيق ان شاء الله

المشاركة الأصلية كتبت بواسطة w-m-a

الاخوة الاعضاء ردوا تمام
انا فى الحقيقه معنديش بلت ان لكن بركبه فى شغل المطابخ
انا بصمم وانفذ الموبيليا والمطابخ
ومن واقع عملى الاستنلس افضل
والغاز فقط عملى وغير مكلف
الزجاج والسيراميك ركبتهم بس صراحه معرفش عنهم حاجه احتمالهم نظافتهم
الفرن بيكون داخل الوحده
وساعات فى زبائن بيخلوا التلاجه والفرن والميكروويف والمجفف فى ضلع واحد توفيرا للمكان
بس اكتر حاجه شوفتها الاريستون والاكسبير والبا ويونفرسال
بالتوفيق ان شاء الله

الف شكر يابشمهندس
مشكور على نقل المعلومات والافداه :)