الموضوع: أرجو المساعدة -المكنة خفيفة-

السلام عليكم
معايا عربية لانوس2 2002 عاملة 206،000 كم
بقالى فترة كل شوية خرطوم من دورة التبريد يتخرم وأروح للميكانيكى يغيره وأقوله إيه السبب يقولى الخرطوم دايب عادى المهم الموضوع إتكرر كذا مرة فى فترة صغيرة وكذا واحد قالى إنه جوان وش سلندر فى أوله المهم أخر مرة علبة الرادياتير هى اللى ضربت ولقيت طرمبة المياه بتسرب غيرت الطرمبة وسير الكاتينة وبلية كاتينة وتانى يوم طلعت على التوكيل فتح غطا الزيت -كان فيه بخار - قالى دا جوان وش سلندر وشاور على مكان وقالى وطبة مياه كمان قلتله شوف اللازم واعمله المهم غير جوان وش سلندر وجوان مانفول الهوا وجوان مانفول الفرن -أنا مش عارف أقرأ الأسامى - وجوان شكمان وبوجيهات وخرطوم بخار زيت وطقم وش كاتينة وزيت وفلتر زيت ورادياتير والماكينة صوتها بقى هادى شوية المهم تانى يوم لاقيت لمبة الزيت بترعش ولما أزود بنزين تطفى والموضوع ده بيظهر بس لما الحرارة تعدى أول شرطة والحرارة قبل النص علطول ومابتنزلش رجعتله تانى قالى السبايك خفيفة وغيرها ونفس المشكلة زى ماهى وصوت المكنة بقى عالى وبتكتك وفيها رجة قالى بس إمشى بيها يومين على الهادى عشان بتلين والسبايك لسة هطبع وأنا لحد دلوقتى صرفت 2000 جنيه ومش عارف أعمل إيه :(

المشكلة عندك فاللمبة الى بت بربش ان الزيت الى غيرهولك فالتوكيل كان مضروب فقط ولا سبايك ولا غيرو غير الزيت وحط زيت دلفاك ام اكس تربو ديزل وما تتخضش من كلمة ديزل انا بحطو لعربيتى ولزباينى الزيت ده مش تخين بس بيتحمل الحرارة العلية و زحام البلد وبيمشى خمس تلاف ك هتلاقى البربشة راحت ان شاء الله بس وانت بتعمل كده فك كابل البطارية ربع ساعة او اكثر عشان الكنترول يعيد ترتيب نفسو تانى وشكرا