ههههههههههههههه
واللله ضحكتنى ايه ياعم ده انت روبين هود جالك قلب ياجدع تعمل الفيلم ده
ده انت جامد اووى ههههههههه
انت المفروض دللوقتى تمسك منصب فى البلد على الدماغ ده هههههههههههههههه
اجمل اللحظات كانت بعد اخر امتحان و خلاص هناخد اجازة اخر السنة
مدرستي الابتدائي كانت فترتين
فيه حاجه مش فاهم كنا بنعملها ليه
وهي حرب البسوس ههههههههههه
بين الفترتين
كانها حرب العرب واليهود
احنا كنا عصابة حوالي 15 واحد
والفترة التانية كانو عصابة تقريبا نفس العدد
كان لازم كل كام يوم تقوم معركة حربية بينا قدام المدرسة
والمدرسة كلها تتفرج علينا ونخلص ونجهز نفسنا للمعركة القادمة
هههههههههههههههههه
فكرتنى بالذى مضى .... مش بذكريات المدارس .. لأن من الاخر ماكنشى فيه حب فى فتره المدرسه
لأن انا كنت فى مدرسه اسلاميه (اخوانيه تحديدا :) ) و طبعا ماكنتشى مختلطه
و كان اول اختلاط فى الكليه ... و حبيت واحده بيضاء و عنيها خضرا و محترمه جداااا
و طبعا لأنى خجول و خبرتى صفر فضلت العلاقه بالنظرات و الابتسامات كده من بعيد لبعيد
و مكنتش بفوت محاضره علشان اشوفها
لغايه لما وصلنا سنه ثالثه -- قررت انى اصرحلها بحبى بعد تشجيع الناس اللى كنت بعمل معاهم شات (ايام شات مصراوى و 0777 )
المهم استنيتها و هى جايه مره على الكليه و كانت لوحدها و نطيت مره واحده قدمها و من شدة احراجى كنت بدحك اوى زى الاهبل و قولتلها "انا معجب بيكي" هى قالتلى طيب و سابتنى و مشيت ....
طبعا شكلى كان زباله و فضلت اسبوع ما اروحشى الكليه من كسوفى لكن استمرت علاقتنا بالنظرات من بعيد لبعيد
فى الاخر الموضوع طلع على فاشوش ... لأنها اتعينت معيده فى القسم بتاعها
و انا طلعت الثالث فى القسم بتاعى و ما اتعينتش للاسف .. و انا ماكنتش اقبل انى اتجوز واحده اعلى منى حتى لو بحبها ده غير انى كنت بدور على شغل اصلا
و اللى زاد و غطى انى دخلت الجيش و عقبال ما طلعت منه كنت ناسى اسمى و هى كمان اتجوزت بعدها بسنتين ... ربنا يوفقها
ياااااااااااااااااااااااا ه فكرتنى انت بحاجات يا شنووووو ... :]
ولما الناس هنا حكوا عن مواقف عليهم فى الابتدائى انا فتكرت موقف عملته فى مدرس عندنا خلتيه من درس كمبيوتر لمدرس دين .... تسألنى ايه العلاقه اقولك معرفش ... :]
اخلص بس حاجه ورايا وأجى احكى الموقف
مرة بقى أيام الجامعة فى الحقيقة أنا كنت معجب ببنت معايا فى الدفعة وكان أكتر حاجة تلفت النظر فيها هى عينيها خضرا لافتة للنظر جدا بس ما كانش فيه أى وسيلة للكلام ولا التعارف لأنها كمان كانت فى مجموعة تانية غير مجموعتى وماكانش بقى النت ولا الموبايلات منتشرة . وأنا كنت دائم النظر ليها ومركز على عينينها علشان ألفت نظرها لحين ما تجيلى الجرأة وأروح أكلمها .
فضلت على الموضوع ده كتير ؟؟؟؟ ييجى سنتين .
وبعدين فى مرة كدة واقف لوحدى فى المدرج لقيتها جاية تقوللى : إحنا مش نتعرف ببعض بقى وكفاية كده نظرات؟
ساعتها والله ارتبكت جدا وخلاص حيغمى عليا (أصل أنا طول عمرى مش واخد إنى أكلم بنات وكده)..... هيه ... أيام
((طبعا الموضوع باء بالفشل الذريع بعد كده))
انا افتكرت موقف...
كنت في ثانوي وكان عندنا حصة حاسب آلي والمدرس بحبه والدنيا بيس...
مفتكرش اني كنت شقي لكن اليوم ده كانت الحصه الأخيرة وقرفانين وعايزين نروح...
كنت شايل معايا صباع طباشير وكل شوية اكسر حته واحدف على حد من اصحابي والمدرس بيكتب حاجة عالسبوره...
المهم
جيت ارمي على صاحبي قدام مني وهو اول بنش ورميت والواد اتحرك وهوب الطباشيره جت في قفا المدرس لا وجت متنشنه..... ما علينا
الراجل راح باصص...
مين اللي عمل كده؟؟!
اصلا محدش خد باله من الطلبه ومحدش فاهم غيري انا وكم واحد من اصحابي...
مين اللي عمل كده؟؟ هو لو قاصد او مش قاصد يقول مايخافش...
محدش قال..
شويه راح بص لواحد ورايا قاله قوم...
ليه عملت كده؟؟
ههههههههههههههههه الحقيقة مستحملتش ان حد يتاخد في الرجلين كده والواد بيقوله عملت ايه انا معملتش حاجة...
رحت واقف وقايله انا يا استاذ....
انت؟!!
قلتله اه...
قال ليه عملت كده؟؟
قلتله غصب عني كنت برميها فقفا فلان...
راح باصص وقالي طيب اقعد
فاعتذرتله وانا مش متخيل ده حصل ازاي
ههههههههههههههههه وحرمت اعمل حاجة كده تاني...
تحياتي
Sent from my SE Arc S using Forum Runner
انا عندى مواقف كتيييييييير فى المدرسة بس اقول لكم عليها يوم الاحد ان شاء الله
مره فى الابتدائى كنت جايب كتاب رياضه جديد فضلت طول الليل اقلب فيه ومردتش احط قلم فيه ونيمته فى حضنى لسه زيرو d: اخدته تانى يوم معايا المدرسه حطيته فى الشنطه طلعت فسحه وجيت ملقتش الكتاب d: ههههههههه