المشاركة الأصلية كتبت بواسطة mesaharaty
وإحنا فى تالتة ثانوى
كنا واقفين فى طابور الصباح والدنيا حلوة ومرة واحدة ألقالكم الولد اللى واقف قدامى اتدور وبص لى وقام رازعنى بوكس فى وشى بس كان بوكس خلاصة الخلاصة .
أنا طبعا فوجئت واندهشت جدا لأنى ماعملتلوش أى حاجة فعلا ده لوحده كده .
المهم أول ما طلعنا الفصل لقيته برضه جاى عاوز يكمل ضرب فما كان منى إلا إنى خدت الديسك اللى بنقعد عليه وظرفته بيه فى دماغه من الآخر ، طبعا الولد نزل على الأرض مغمى عليه تماما (ماحطش منطق) ودماغه اتفتحت وشفته اتعورت .
العبد لله بقى تلاعبت بى الظنون ساعتها
ودماغى لفت ... يا ترى مات ، جاله شلل ، عاهة مستديمة
الواد مابيتحركش خالص
والعيال عمالين يقولوا قتلته ... اهرب ... ضيعت مستقبلك
والمدير جه وكان يوم طوييييييييييييييل وجابوا دكتور وليلة سودا