اول مره اشوف طفل بيحب فى كتاب دراسى !!!!!!!!
بصراحه احسننننننننننننننننننن
لو حنتكلم على شقاوة المدرسه
فالواحد ليه صولات و جولات و اجمل ذكريات
لأننا كنا فى المدرسه تقريبا من اولى حضانه لغايه لما خلصنا ثانويه عامه
و كل فصل ليه فتواته اللى بيتخانقو للدفاع عن اصحابهم او مع فتوات الفصول التانيه
و طبعا اول ما الخناقه تبداء تلاقى المتفرجين عملو حلقه و انطلق الهتاف الشهير "we will we will rock you "
لأ اسف مش هو ده احنا كنا بنقول "عاوزين دم عاوزين الناس تتلم" .. بس بنفس الحماسه
انا كنت فتوة الفصل لغايه خامسه ابتدائى و بعد كده خت علقه من واحد اسمه "اسلام عبد الرحمن" اتهزمت فيها و بعد كده اعلنت اعتزالى
و فى مرحله فى اعدادى كنا عاملين عصابتين و كل عصابه ليها مقر لها (اللى فاكره مقر عصابتنا كان فى حته وراء الجامع اللى كان فى حوض المدرسه)
وكل عصابه تعمل غاره على العصابه التانيه
غير ماتشات الكوره و اللى كنت بحب اقف جون على عكس الناس كلها
كانت ايام ... طبعا انا دلوقتى فى القاهره و صلتى اتقطعت بزملاء الطفوله
لكن ربنا يخلى الفيس بوك جمعنا تانى
وسبحان الله تشوفنا دلوقتى استحاله تقول ان المجموعه دى كانو زملاء طول فترة المدرسه (من اولى حضانه الى ثانوى)
فعلا لما افكر فيها الاقى اننا مجموعه متباينه جداااااااااا دلوقتى
فمننا اللى طلع دكتور و مهندس و الظابط و اللى شغال فى بنك و اللى مش لاقى شغل
و اللى شغال لسه فى اسيوط و اللى فى القاهره و اللى بره مصر (ماليزيا - دبى - السعوديه - الكويت - البرتغال.... )
مننا الثورى و اللى من ابناء مبارك و اللى من الاخوان و مننا كمان شهيد
شهيد معروف هو النقيب احمد جلال اللى استشهد على الحدود الاسرائليه بنيران طائره اباتشى فى رمضان 19 أغسطس 2011.
أسيوط تودع شهيد مصر علي الحدود
سبحان الله
أنا فاكرة مواقف كتيرة منها عادية ومنها عاطفية
1) نبدأ بالعادية لما كنت في رابعة أبتدائي - ميس الدين قالت لنا : يلا نتوضى علشان الصلاة ، وأنا بتوضى وقع مني الخاتم في الحوض - قاعدت أعييط :crying1:- أعييط لاغية لما الميس جت وأنا بعيييط:crying1: ، لاغية لما وكيلة المدرسة جت ، وأنا بعييط :crying1:لاغية ما ناظر المدرسة جه ( علشان مدرستنا كانت مشتركة حتى الثانوية العامة ) فكان الناظر راجل ، وأضطروا يطلبوا سباك بسرعة علشان يفكوا الحوض ويلحقوا الخاتم ، والحمد لله تم العثور على الخاتم في كوع الحوض ، راحت المدرسة والوكيلة والناظر بصوا لي حتة دين بصة - فقلت لهم أيه ؟ :Copy of new: أصل كان الخاتم أكسسوار مش دهب :POINTIy2[2]: .
فاصل ونعود للمواقف العاطفية :Copy of makeup:
ههههههههههههههههههههههههه ههههههههههههههههههه اكسسوار هههههههههههههههههههههههه
دة لو دهب كنت حتلاقى وزير التعليم ذات نفسه ماسك مفتاح 17 وبيفك الحوض علشان تسكتى هههههههههه
هههههههههههههههههههههههه
مش عارف ليه افتكرت الاغنيه دي
لما قريت كلامك
‫مين سرق العمود.wmv‬‎ - YouTube
فكرتني ياقرصان بأول جواب حب كتبته لبنت في ورقة كراسة 9 أسطر والخط كان نازل يشرب طالع يروي وكمان كان في كام خرم في الورقة نتيجة استخدام الاستيكة ( جوما بالاسكندراني ) وكنت مموه الخط عشان مايبنش انه خطي عشان انا كان خطي جميل وانا صغير ومعروف للمدرسة ( أبله كوكب ) وحطيت الجواب للبنت في شنطتها البنت كان اسمها " مي " وابوها كان ظابط شرطة جه تاني يوم للفصل وقلب الدنيا وكانت النتيجة ان الولاد اللى في الفصل كلهم كل ولد أخد عصايتين محترمين على ايده والبنات كانت بتضحك علينا
اما اكتر المواقف المضحكة كنت في الاعدادية اولى اعدادي ومعايا كام عيل كنا عصابة اشقياء بس كنا محبوبين وبعضنا من الشطار وكنا معروفين للمدرسين والمدير فمرة كنا مزوغين من الحصة اللى بعد الفسحة وبنلعب في الحوش لمحنا الناظر قادم علينا من بعيد قمنا دخلنا مسجد المدرسة ووقفنا صف وعملنا ان احنا بنصلي دخل الناظر ضربنا كلنا في مسجد المدرسة تخيلوا السبب ايه على الرغم انه ماشفناش واحنا كنا بنلعب ...؟؟!!!
السبب كان معانا واحد صاحبنا في الشلة مسيحي اسمه هاني عياد الناظر كان يعرفه فبعد ما الناظر ضربنا قلنا انا ضربتكم عشان انتم شوية اغبية والسبب ( انه لو كان هاني على طرف الصف كنت قلت انه شافني فدخل الصف وعمل انه بيصلي كنت ضربته هو لوحده وانتم لاء .... انما ده واقف في نص الصف يعني هو وقف وانتم عملتم صف على يمينه وشماله ) تبقوا كلكم كنتم بتلعبوا ولما شوفتوني عملتم انكم بتصلوا يا كلاب