فيشة الاوكتان هل تجعل العربية سحب جبار ؟؟؟

**mahmoud_anwar** · 26-12-2012 05:02 PM

السلام عليكم ورحمه الله وبركاته
انا غيرت فيشة الاوكتان وعملتها علي 95 ولم اشعر حتي الان بي اي فرق جبار زي ما الاخوة كانه بيقولة هنا لم الاحظ ان العربية فرقت معايه اني اقدر اخطف غرزة بي سرعة برضة هيا هيا الدايو في التجميع تنتظر لغاية لما تجمع وبعدين تسحب احتمال اكون لحظت انها علي الاول بقت تسحب ومابقتش تجعر مع الغيار مش عارف هل ده طبيعي ام ممكن اكون لما فولت بنزين وحطيط منظف انجكشن من بتاع بنزينة شيل كتم العربية مش عارف ايه شعوركم

**Ahmod** · 26-12-2012 05:35 PM

هي الفكرة كلها ان الفيشة دي بتحسن اداء العربية مع التكييف

**mahmoud_anwar** · 26-12-2012 06:09 PM

المشاركة الأصلية كتبت بواسطة ahmod

هي الفكرة كلها ان الفيشة دي بتحسن اداء العربية مع التكييف

قولتلي مع التكيف لكن مش هجيب ال100 مش عارف علي كام ثانية والكلام ده
طيب استهلاكها ايه في البنزين هيكون عالي ولا مظبوط زي ماهو الاستهلاك الي كانت عليه الفيشة في الاول

**swimmer25** · 27-12-2012 11:03 AM

لو بتعمل صيانة دورية وكله عندك تمام يبقي جرب تفصل البطارية لمدة 10 دقائق وركبها تاني وإعمل أيدل ليرن

**mahmoud_anwar** · 28-12-2012 03:37 PM

المشاركة الأصلية كتبت بواسطة khaled lanos

[size=4][color=navy]
بصراحة انا ظبتها على 95 وطول عمري بستعمل بنزين 92 محسيتش بأي فرق غير إلا مع التكييف مبتبقاش ميتة..وتقريبا السحب اتحسن حاجات بسيطة خالص لكن التجميع والغرز هي هي مفيش فرق..والإستهلاك تقريبا هو بردو..

يعني بإختصار ملقتيش سحبها بقى جبار زي ما انا كنت متوقع.

طيب ماهو ده الي انا فعلآ حاسس بيه يعني لا محتاج تغير بوجيهات ولا اغير فلاتر لي ان سلك البوجيهات وفلتر البنزين والهواء معملتش بيهم غير 1200 كيلو يعني
سلك البوجيهات والبوجيهات المفروض اغيرهم علي كام كيلو ؟
وفلتر البنزين والهواء علي كام كيلو برضه ؟

**mahmoud_anwar** · 28-12-2012 03:40 PM

المشاركة الأصلية كتبت بواسطة swimmer25

لو بتعمل صيانة دورية وكله عندك تمام يبقي جرب تفصل البطارية لمدة 10 دقائق وركبها تاني وإعمل أيدل ليرن

عملت ايدل ليرن بعد ماغيرت الفيشة
اصلها نزله من شركتها بتقول من صفر لي 100 في كام ثانية
لو غيرت الفيشة هاتسحب من الصفر لي 100 في اقل من ثانية
اكيد طبعآ كلام مش صحيح

**mahmoud_anwar** · 28-12-2012 03:43 PM

المشاركة الأصلية كتبت بواسطة lanos2004

الانوس عربيه عاديه ومش هينفع معاها لافيشه اوكتان ولا فيشه المكواه حتى----
لانوس 8 صباب-لازم تستحملها وخلاص-هيه معقوله بس مش بتاعت جرى وشد

بس انتا كده جبت المفيد

**agaty1st** · 28-12-2012 05:35 PM

المشاركة الأصلية كتبت بواسطة mahmoud_anwar

السلام عليكم ورحمه الله وبركاته
انا غيرت فيشة الاوكتان وعملتها علي 95 ولم اشعر حتي الان بي اي فرق جبار زي ما الاخوة كانه بيقولة هنا لم الاحظ ان العربية فرقت معايه اني اقدر اخطف غرزة بي سرعة برضة هيا هيا الدايو في التجميع تنتظر لغاية لما تجمع وبعدين تسحب احتمال اكون لحظت انها علي الاول بقت تسحب ومابقتش تجعر مع الغيار مش عارف هل ده طبيعي ام ممكن اكون لما فولت بنزين وحطيط منظف انجكشن من بتاع بنزينة شيل كتم العربية مش عارف ايه شعوركم

بص باشا
عشان متتعبش نفسك
الظبطه دي زي ما انتا قولت بتاعت ال 95 و انتا بتحط 92
لو فاكر ان الفرق 3% بس تبقى غلطان

بنزين 92 لو الـ Patch طلعت أسطوريه بيكون الأوكتان 90 لكن المتوسط بيكون 88 أوكتان
أما بنزين 95 عشان يوصلوه ل95 فده ليه معالجه معينه عشان يوصل للرقم ده لازم معاها يبقى فعلا 95
مثال : بنزين الطائرات المروحيه أسمه أيه ؟
أسمه AV GAS 100LL يعني (low lead) يعني لابد من أضافة الرصاص لرفع بسبة الأوكتان ل100% فبالتالي مينفعش يضاف الرصاص و الأوكتان مايعلاش
و بنزين 95 هوه الوحيد في مصر رقم الأوكتين بتاعه مظبوط زي مابتشتريه و الدليل فرق السعر
بالتالي لو عاوز تحس الفرق جرب ببنزين 95 قبل و بعد ظبط فيشة الأوكتان
و الكلام ده أنا متأكد منه بنسبة مليون %