حاجة غريبة والله

**mohamedadelemam** · 27-12-2012 05:47 AM

السلام عليكم..مبدئيا والدتى معاها رينو ميجان 2 موديل 2005 مانوال هاتشباك جايباها من الزيرو وهى عاملة الآن حوالى 25000كم وماشاء الله بحالة ممتازة..المهم انها فكرت فى البيع وجاء واحد يشترى بعد ما اتفرج قبل ما نتكلم فى سعر يقول لى انى غشاش ولاعب فى العداد لأن موديل 2005 لازم على الأقل تكون عاملة 150000كم وشكل الموتور نضيف مفيش زيت والعلب سليمة فى مكانها احتمال اكون مغير نص العربية وبضحك عليه وقال لى دى تخوف اى حد واخرى ادفع 40 ألف فيها..يا جماعة هو ذنب والدتى ان استعمالها قليل جدا للسيارة وبتبيعها وهى لسه جديدة عشان عايزة تجيب حاجة اوتوماتيك واوسع؟!!!..وقبل كدا واحد يقول لى متساويش دى مانوال وهاتشباك يعنى مش مطلوبة والله خسارة فيهم مش هبيعها واخليها استعملها فى مشاويرى الصغيرة لأن عربيتى كبيرة واستهلاك البنزين مقارنة بالميجان مفترية

**S O P H O S** · 27-12-2012 06:54 AM

معلش يا باشا
انت عارف قيمة عربيتك كويس
مش تستعجل فالبيع وهيجي الي يقدر العربية ومدام العربية ما شاء الله نظيفة كده
يبقي هيجي الي يقدرها بيع علي مهلك وانسي كلام الناس الي عاوز تموت العربيات علشان المكسب
وموفق ان شاء الله ..

**mohamedadelemam** · 27-12-2012 07:05 AM

يلا الحمدلله ومتشكر اوى لحضرتك بس بجد اتنرفزت جدا يعنى هى لازم العربية تبقى مخلعة وموتورها مبهدل عشان تعجب اشكالهم!!!

**AlGazar2** · 27-12-2012 08:28 AM

معلش يا باشا تلاقيهم تجار او ملهمش فى الميجان

**p r i n c e** · 27-12-2012 09:01 AM

يا باشا انا ممكن اشتريها منك انا بدور على ميجان ياريت حضرتك تقولي طالب فيها كام و لون العربية ايه و راشة حاجة برا ولا لأ و ياسلام لو رفعتلي كام صورة ليها

**mohamedadelemam** · 27-12-2012 09:10 AM

أنا اسف حضرتك مش بعرف ارفع صور بس هى كالزيرو تمام زى ما اشتريناها والحمدلله مفيش ولا خدش ومطلوب 85 ..

**p r i n c e** · 27-12-2012 09:19 AM

اوكي ياباشا شكرا على سرعة الرد بس للأسف المبلغ المطلوب اكتر من امكانياتي بس واضح إن العربية نضيفة و تستاهل
ربنا يوفقك ف البيع :-)

**akmm** · 27-12-2012 09:28 AM

متزعلشى وفعلا فيه ناس بتحافظ على العربيه جدا ولايبان انها مستعمله لأنهم دى طبيعتهم فى الإستخدام ... على العموم موفق ........................

**mohamedadelemam** · 27-12-2012 09:48 AM

أكرمكم الله وربنا يرزق حضرتك بأحسن منها تقبل تحياتى

**p r i n c e** · 27-12-2012 09:56 AM

تسلم يا باشا و ربنا يوفقك ف بيعها

الموضوع: حاجة غريبة والله

LinkBack

أدوات الموضوع

عرض

-

المواضيع المتشابهه

والله بلد غريبة !! عايشين فيها (( عن شركة دامسون للاجهزة الرياضية اتحدث ))

حاجة تحزن والله.....

حاجة غريبةحصل معايا حاجة غريبة جدا...كنت مسافر الاربعاء بالليل و فجاءة طوبة كبيرة عا

مبقتش فاهم حاجة والله

والله حاجة تكسف ياخصارة الشيفورلية

الكلمات الدلالية لهذا الموضوع

المفضلات

المفضلات

ضوابط المشاركة