فتيس السيينا..

**magic girl** · 27-12-2012 02:36 PM

السلام عليكم..

من كام يوم لقيت العربية مطلعة زيت كده, فأول ما فضيت النهاردة وديتها عند الميكانيكي, قالي عايزة جوان وش سلندر.. و قريت بعد كده انه مش حاجة خطيرة و سألت ملقيتهوش غالي فهاعمله بكرة إن شاء الله..

و انا عنده قلت بالمرة اقوله على الفتيس, عندي الفتيس سايب بشكل عبيط, يعني و هو على المور بيتطوح في جميع الإتجاهات, و هوا واخد أي غيار نفس الحكاية.. و مؤخراً بقة ساعات فيه صعوبة في النقل خاصة و انا طالعة على الأول "مش عارفة اسمها نتشة ولا ايه:.. فقلت للميكانيكي عليه بص و قالي دي عصاية الفتيس عايزة تتغير, و اني اجيب عصاية فتيس كاملة..

اتصلت بيوسف محمد يوسف بتاع قطع الغيار قالي انها كاملة هاتعمل 1100 جنية.. و الكيلاني مكانش عنده

السؤال اللوزعي, هيا فعلاً هتحتاج تتغير ولا ممكن تتصلح مثلاً او تتربط مثلاً او اي حاجة؟

**misry** · 27-12-2012 03:27 PM

أنا عندي مشكلة زي اللي عندك وهي الصعوبة في الغيار الاول ... بس ده بيحصل في اول طلعة بس

لكن وانا سايق بيبقى عادي جدا ...؟؟!!

وبما ان العصاية طلعت غالية كده , فاعتقد اني هسيب الحال كما هو , الا لو حد عنده حل عملي ورخيص شوية

**semsem_uno** · 27-12-2012 03:29 PM

موضوع الزيت ده مش شرط يبقى جوان وش سلندر لأن في كذا حاجة ممكن تعرق زيت.. يمكن قصده جوان وش التاكيهات و ده مش غالى.. لأن جوان وش السلندر لو بايظ بيبقى ليه تأثيرات سلبية كتير على العربية و ممكن متمشيش اصلا

و بالنسبة للعصاية ممكن تسألي عليها استيراد في الوكالة و اكيد هتبقى ارخص من كده بس ياريت يبقى حد معاكى.

**magic girl** · 27-12-2012 03:38 PM

المشاركة الأصلية كتبت بواسطة semsem_uno

موضوع الزيت ده مش شرط يبقى جوان وش سلندر لأن في كذا حاجة ممكن تعرق زيت.. يمكن قصده جوان وش التاكيهات و ده مش غالى.. لأن جوان وش السلندر لو بايظ بيبقى ليه تأثيرات سلبية كتير على العربية و ممكن متمشيش اصلا

و بالنسبة للعصاية ممكن تسألي عليها استيراد في الوكالة و اكيد هتبقى ارخص من كده بس ياريت يبقى حد معاكى.

ايوة انا قصدي جوان وش تلكيهات معلش كتبت غلط :)

و لأسف مفيش حد ينفع ييجي معايا في حوار الإستيراد فعشان كده هادوس في واحدة جديدة لو حكمت عشان ماتدبسش في حاجة بايظة.. :(

**magic girl** · 28-12-2012 04:44 PM

المشاركة الأصلية كتبت بواسطة misry

أنا عندي مشكلة زي اللي عندك وهي الصعوبة في الغيار الاول ... بس ده بيحصل في اول طلعة بس

لكن وانا سايق بيبقى عادي جدا ...؟؟!!

وبما ان العصاية طلعت غالية كده , فاعتقد اني هسيب الحال كما هو , الا لو حد عنده حل عملي ورخيص شوية

لا انا عندي ممكن تحصل كذا مرة لما باجيب الأول.. ده غير انه سايب فمش عارفة مفروض اغيره ولا استنى ممكن يتصلح..

**youssef_u** · 28-12-2012 07:02 PM

قبل كده بيضة الفتيس سابت و كان الفتس في الهوا و بيتحرك بسهوووله في جميع الاتجاهات و العربيه مكانتش بتدي غيارات بس لما غيرتها اتظبط وبقا تمام

**macdiv** · 30-12-2012 10:46 AM

العربيه عايزه طقم حشو عصايه الفتيس ..... مجموعه بلاستيكيه بتيجي تحت العصايه ... ممكن تلاقي قاعده العصايه و الحشوه في طقم على بعضه وممكن تلاقي طقم الحشوه لوحده و غيري الميكانيكي اللي ققلك العصايه عايزه تتغير و روحي لحد تاني يفكلك الجراب الجلد اللي حوالين العصايه و يقولك محتاجه الحشوه فقط ولا القاعده و الحشوه . ...والطقم على بعضه ان لم تخدعني الذاكره في حدود ٢٥٠ جنيه

**bobbozo4b** · 30-12-2012 12:21 PM

متابع
نفس المشكلة

**magic girl** · 31-12-2012 04:55 AM

المشاركة الأصلية كتبت بواسطة macdiv

العربيه عايزه طقم حشو عصايه الفتيس ..... مجموعه بلاستيكيه بتيجي تحت العصايه ... ممكن تلاقي قاعده العصايه و الحشوه في طقم على بعضه وممكن تلاقي طقم الحشوه لوحده و غيري الميكانيكي اللي ققلك العصايه عايزه تتغير و روحي لحد تاني يفكلك الجراب الجلد اللي حوالين العصايه و يقولك محتاجه الحشوه فقط ولا القاعده و الحشوه . ...والطقم على بعضه ان لم تخدعني الذاكره في حدود ٢٥٠ جنيه

ماهو فعلاً كان شال الجراب اللي حوالين الفتيس و قالي انها تتغير, و الميكانيكي كويس بصراحة و قريب مني كمان فمش سهل اني اغيره :(

بس عامة الف شكر على الرد, هسأله تاني على حوار طقم الحشو و لو المسكلة ممكن تتحل لو اتغير لوحده :)

**eng_ghazaly** · 06-01-2013 10:56 PM

انا قبل كده كان عندي مشكلة في عصاة الفتيس كانت بحس انها مايعة و سايبة ,,, و كنت قلت الميكيانيكي يبقى يبصلى عليها وسط شغل تاني ,, و ربطها ,,, ربط ايه بقى الصراحة مش عارف ,, و يمها حتى مجبش حاجة للفتيس هو بس ربطه

الموضوع: فتيس السيينا..

LinkBack

أدوات الموضوع

عرض

فتيس السيينا.. - انشر الموضوع فى :

-

-

-

-

-

المواضيع المتشابهه

نصحية تغير فتيس مانيوال الى فتيس اتوماتيك

معلومات عن زيت فتيس السيينا ...

رجة فى السيينا

حد غير فتيس شيرى قبل كداااا؟؟؟ يركبلها فتيس جولف ولا لا؟؟

سؤال فى السيينا

الكلمات الدلالية لهذا الموضوع

المفضلات

المفضلات

ضوابط المشاركة