الموضوع: تم منح الشركة المصرية للاتصالات رخصة تقديم خدمات المحمول

المشاركة الأصلية كتبت بواسطة forever.leo

تحليل : منح رخصة افتراضية للمصرية للاتصالات يجبرها على التخلى عن حصتها بفودافون

أموال الغد :: تحليل : منح رخصة افتراضية للمصرية للاتصالات يجبرها على التخلى عن حصتها بفودافون

عشان ميبقاش فى تضارب مصالح..... خليهم يبيعوا الفرخة اللى بتبيض لهم بيضة دهب..... و يروحوا يشتروا سمك فى مية..... و عشان بس نفهم الليلة..... المصرية للاتصالات مش هتبنى شبكتها الخاصة.... على الاقل مش من البداية..... انما هتتسنكح على الشبكات اللى شغالة فعليا فى مناطق معينة تاخد منها فائض سعة و ترددات فى مناطق معينة تبيع هى التغطية و الخدمات فى المناطق دى بأسمها و كودها الخاص و شرايحها اللى هتبقة بكود 015..... يعنى من الاخر هتبقى مقاول من الباطن..... و تبقى المأساة الازلية مع العميل..... ليه؟ لانه اذا كان الواحد فى التعامل المباشر مع شبكات المحمول الحالية احيانا لا يجد نجاح فى حل مشاكله بسهولة.... تخيل بقى انك لو عندك مشكلة تغطية فى منطقة سكنك..... هتكلم المصرية للاتصالات تشتكى.... ردهم هيكون هنبحث المشكلة و بعد ايام و اسابيع بل و ممكن شهور عديدة هيرجعوا يقولولك بأبتسامة صفرا.... معرفناش نحل المشكلة مع الشبكة التانية..... و على المتضرر القاء شريحة المصرية للاتصالات فى اقرب زبالة

المشاركة الأصلية كتبت بواسطة forever.leo

شركة الارضي هتقدم محمول .. و شركات المحمول هتقدم ارضي !

«تنظيم الاتصالات» يطرح الرخص المتكاملة النصف الأول 2013 على مرحلتين

«تنظيم الاتصالات» يطرح الرخص المتكاملة النصف الأول 2013 على مرحلتين - مباشر

ما هو دى اللقمة اللى رموها لشركات المحمول عشان يسيبوا المصرية للاتصالات ترمى بلاها على شركات المحمول..... بس اللقمة دى مسمومة بالنسبة لشركات المحمول او على احسن الفروض لقمة ناشفة اوى لان العائد على الاستثمار فى شبكات التليفون الارضى ضعيف بالاضافة الى المقابل الخرافى اللى هتطلبه الحكومة كمقابل للتراخيص بتاعة الخدمات دى ..... صحيح لنهم عندهم امل فى حاجة اسمها المشغل المتكامل او التريبل و الكواد بلاى يعنى الشركة الواحدة تقدم صوت و انترنت و تلفيزيون كمان..... بس الكلام ده كبير اوى على سوق زى بتاعنا..... اما نشوف اخرة العك بتاعهم ايه

المشاركة الأصلية كتبت بواسطة forever.leo

فعلا عك .. السؤال الحقيقي .. هو التوقيت الحالي .. من اقتصاد متدهور .. هو الوقت المناسب لمغامرات من هذا النوع ؟! .. بالمناسبة .. المصرية للإتصالات .. تستحق الدخول بالموسوعات العالمية .. مش محوق فيها .. لا ثورة و غيره .. تتغير الانظمة .. و تبقى المصرية للإتصالات !

الليلة دى كلها من اولها لاخرها سببها ان الحكومة بتعامل شركات المحمول بمنطق السبوبة..... يعنى ايه؟ كل شوية اختراع حاجة معينة يبقى ليها ترخيص ليه مقابل خزعبلى بالمليارات تدفعه شركات المحمول..... فاكرين ال 17 مليار اللى دفعتهم اتصالات مصر كمقابل للرخصة التالتة؟ دى كانت اللقمة اللى اتسعرت الحكومة بسببها و من ساعتها و عمالة تنهش فى فلوس تراخيص من شركات المحمول..... اشى ترددات و اشى نطاقات ارقام و اديهم هيلبسوهم قريب ترخيص التليفون الثابت فى مقابل المليارات و بعده الجيل الرابع بمليارات المليارات و هلم جرا..... نفس تعامل الدولة بمنطق الجباية مع الشعب بتعمله الحكومة مع الشركات...... و العميل تايه فى وسط الزحمة و العك ده كله بمستوى الخدمة الذى لابد ان يتدنى بسبب تحميل التكلفة على العميل برضه فى النهاية ان لم يكن بشكل مباشر فسيكون بشكل غير مباشر فى صورة خدمة سيئة او غير مرضية

خلاصة الكلام..... طول ما المصرية للاتصالات هتفضل تتبع الحكومة و ادارتها حكومية بالية..... بالبنية التحتية المتهالكة بتاعتها و موظفينها التعبانين..... انسى انها تبقى شركة محترمة بتقدم خدمات ناجحة

طيب يحسنوا الخدمات الزبالة و النت اللى زى الزفت الأول و بعد كده يضيعوا الفلوس براحتهم

Sent from my android kitchen machine using Forum Runner