نويت اشتري ميجان ان شاء الله و بدور علي واحدة

**MoH.SaLaDiN** · 31-12-2012 06:20 AM

والله انا سمعت ان افضل موديل 2007 والله اعلم

**haythamkmal** · 31-12-2012 11:07 AM

انا جايب ال 2006 بقالها معايا شهرين تقريبا ، وبسم الله ما شاء الله عربية فةق الممتاذه وتستاهل كل قرش ادفع فيها ، توكل على الله
بس اهم حاجة تجيب حاله كويسه

**mouraddesk** · 01-01-2013 12:23 PM

نصيحة اخ اياك و عدم الكشف فى التوكيل، اكشف فى التوكيل اكشف فى التوكيل اكشف فى التوكيل و هيبان اخر صيانة اتعملت على كام الف و من فترة قد ايه علشان لو العداد ملعوب فيه انا كان معايا واحدة و ندمت اشد الندم انى بعتها و ربنا يوفقك لواحده زيها.

**solly1979** · 02-01-2013 02:20 PM

المشاركة الأصلية كتبت بواسطة mouraddesk

نصيحة اخ اياك و عدم الكشف فى التوكيل، اكشف فى التوكيل اكشف فى التوكيل اكشف فى التوكيل و هيبان اخر صيانة اتعملت على كام الف و من فترة قد ايه علشان لو العداد ملعوب فيه انا كان معايا واحدة و ندمت اشد الندم انى بعتها و ربنا يوفقك لواحده زيها.

حضرتك ندمت ليه انك بعتها ؟
علشان بس الى معاة ميجان نضيفه يحطها فى عنيه ههههههه

**Marlboro011** · 12-01-2013 08:02 PM

وانا كمان بدور على ميجان واتصلت بالتوكيل قالولى انهم بيبيعوا مستعمل بس السؤال هل المستعمل من التوكيل بيبقا نضيف وسعره زى سعر السوق كدا ومكشوف عليها طبعا وهل تتعامل معامله الجديده ولا ايه انا مش فاهم

**MohammedAladel** · 12-01-2013 08:31 PM

سعرها هيبقى أغلى من السوق

المفروض إنك واخد عربية منهم سليمة مفيهاش عطل مش معنى كدا إنها عمرها ما اتخبطت مثلا لا ممكن تكون فيها حتت راشة

ممكن تكون مغيرة حاجة كله وارد

بس المفروض إنك بتاخد عربية بحالة ممتازة

بس فيه ناس هنا شافت عربية فى مركز معتمد مش فاكر الميكانيكيون العرب ولا إيه بالظبط

كانت حالتها مش تمام ولسة هيتعمل فيها شغل وتتظبط وتتباع !!!!

بصراحة مفيش أحسن من أن الواحد يشتريها من مالك ويروح يكشف عليها فى التوكيل

**MoH.SaLaDiN** · 15-01-2013 02:48 AM

المشاركة الأصلية كتبت بواسطة haythamkmal

انا جايب ال 2006 بقالها معايا شهرين تقريبا ، وبسم الله ما شاء الله عربية فةق الممتاذه وتستاهل كل قرش ادفع فيها ، توكل على الله
بس اهم حاجة تجيب حاله كويسه

طب نصيحة عشان اخوك مقبل على شراء سيارة وكنت محتار فى اكتر من عربية ومنهم الميجان لو معايا من 65000 الى 70000 وعايز ميجان تكون كيلووات مش اكتر من 80 الف كم و حالة كويسة ويفضل الهاى لاين فالسعر ده يجيب موديل كام عشان انا بسمع اسعار متفاوتة بشكل كبير ومش عارف ايه الصح بصراحة اكيد انت عندك خلفية عن الاسعار بحكم انك شارى مستعمل قريب