أخيييييراً تم تغيير طقم الكاوتش لميجي الحبيبة

**abdo_2812** · 24-01-2013 05:14 AM

السلام عليكم ورحمة الله وبركاته

وحوشنا الحبايب حبيت أشارككم تجربة تغيير الكاوتش الجديد
تم بحمد الله تعالى تغيير الكاوتش بعد أن وصل إلى حالة يرثى لها والمحفظة كانت بعافية شويتين فماكنتش عارف أغيرهم خالص الفترة اللي فاتت لكن في الآخر الظروف حكمت واضطريت أتصرف وأغيرهم.

المهم ... الحمدلله تم شراء طقم كاوتش Continental ألماني تاريخ إنتاجه في منتصف 2012 تقريباً والحمدلله، وسعر فردة الكاوتش الواحدة بـ 650ج (المفروض إن السعر ده مميز جداً بفضل الله لأنه من واحد حبيبي جداً )

وكان المجموع 2600 ج بالتركيب والترصيص والحمدلله.

زي ما قلت حبيت أشارككم التجربة ولي سؤال صغير: حد هنا يعرف في أنواع الأجهزة اللي بتتوصل على الولاعة وتستخدم لنفخ الكاوتش؟؟ أنا عرفت إنها عملية جدا لكن الأنواع الموجودة في مصر أغلبها رديئة جدا فياريت لو حد يتكرم ويفيدنا بأنواع أو أسعار حاجات محترمة، وجزاكم الله كل خير مقدما :)

**egyptiandiver** · 24-01-2013 05:43 AM

Good luck

**S O P H O S** · 24-01-2013 09:27 AM

مبروك الكاوتش ..

**haythamkmal** · 24-01-2013 11:15 AM

مبروك على الكاوتش بس اعتقد السعر عالى شويه ، انا سألت علية من شهر كده "بس مقاس 15" كان ب 550 جنيه الفرده عند اشرفكو مدينة نصر

بالنسبة للمنفاخ ، فهو ممتاذ وعملى جدا ، النوع اللى عندى لونه اسود وفى المقدمة جزء احمر وتحته لمبة ، وفى نوع تلنى برده كله حديد فى حديد مع واحد صاحبى ممتاذ ، بس هو بطئ شوية فى النفخ الا لو رفعت العربية على كوريك ، بيبقى سريع

**MohammedAladel** · 24-01-2013 04:57 PM

تعيش وتغير يا با شا ألف مبروك السعر كويس
المنفاخ أغلب الانواع صينى بالفعل بس يا أستاذ هانى جبته منين وبكام ؟؟

**solly1979** · 24-01-2013 06:10 PM

المشاركة الأصلية كتبت بواسطة haythamkmal

مبروك على الكاوتش بس اعتقد السعر عالى شويه ، انا سألت علية من شهر كده "بس مقاس 15" كان ب 550 جنيه الفرده عند اشرفكو مدينة نصر

بالنسبة للمنفاخ ، فهو ممتاذ وعملى جدا ، النوع اللى عندى لونه اسود وفى المقدمة جزء احمر وتحته لمبة ، وفى نوع تلنى برده كله حديد فى حديد مع واحد صاحبى ممتاذ ، بس هو بطئ شوية فى النفخ الا لو رفعت العربية على كوريك ، بيبقى سريع

يا باشا أكيد دة ال ١٩٥/٦٥/١٥ انا لسه شاريه للعربيه النترا ب ٥٢٠ المانى v
لكن أكيد المقاس دة ١٦ طالما ب ٦٥٠

**speed_magnum** · 24-01-2013 06:30 PM

لسه شاريه من شهر
كونتيننتال الماني كونتي بريميوم 2 مقاس 205/55r16الفردة ب 610. تاريخ حديث

**ahmed_hanafi** · 24-01-2013 09:30 PM

ألف مبروك

**abdo_2812** · 25-01-2013 09:40 PM

جزاكم الله كل خير جميعاً على المرور الجميل :)

المشاركة الأصلية كتبت بواسطة speed_magnum

لسه شاريه من شهر
كونتيننتال الماني كونتي بريميوم 2 مقاس 205/55r16الفردة ب 610. تاريخ حديث

بالفعل المقاس عندي 16 وهو نفس المقاس اللي حضرتك كاتبه بالظبط وسرعة V
لو اللي حضرتك جبته نفس المواصفات دي وألماني والسرعة v ونفس السعر اللي حضرتك قلته ده يبقى ماشاء الله راااائع وربنا يباركلك فيه

وبخصوص المنفاخ أنا بتمنى لو حد يعرف ماركة أو نوع معين يدلني عليه

وحاجة كمان حابب أنبه عليها، الغطاء بتاع البلف اللي بتوع الكاوتش بيرموه أو ياخدوه ده مهم جدا جدا وبيحمي البلف والإبرة بتاعة البلف، تاني يوم ما ركبت الكاوتش عجلة نامت ولقيت المشكلة من الإبرة بتاعة البلف فرحت غيرتها واشتريت شوية غطيان بلف كملت اللي ناقص عندي وشلت الباقي في العربية علشان طبعا محدش هايسيبه راكب في حاله يومين على بعض !!