الموضوع: محتاج نصيحة

المشاركة الأصلية كتبت بواسطة midooo_119

مبروك ياباشا عالعده و هنستنى منك احلى تقرير

الله يبارك فيك ياباشا ان شاء الله بليل اركب الحاجة واقلكم على النتيجة ادعولى بس اعرف اروح من الشغل الجو صعب قوى

موفق .................................................. ..

الحقونى مبقتش اسمع بيز خالص
روحت للراجل اللى انا دايما بتعامل معاه علشان يركبلى الكاسيت الجديد والجى ام او ما ركب الكاسيت اشتغل حلو قوى قوى وبيزة كان جامد فحت
اول ما ركب الجى ام البيز بقى حاجة تقرف وانا اصلا مش عارف اظبط بيز الكاسيت نفسه وكان وانا قاعد ومعلى الكاسيت سامع صوت زنة ولما برعش بيبقى فى صوت تكة فى السماعات مع ترعيش النور المهم دا كان اخرة رحت لواحد تانى قالى هنركب فلتر ركب 2 فلتر واحد ورا الكاسيت والتانى فى الكابل اللى واصل من البطارية للجى ام وقالى ان وصلة ال ر سى اللى راكبة مش كويسة فياريت اغيرها واجيب وصلة يبانى رجحت اشتريت واحدة ب 40 جنية
هو الزنة راحت بس لما برعش بسمع تكة بس خفيفة قوى قوى
وسعات مش بتكون موجودة بس فى حاجاة هو قالى ان الافندى اللى ركبلى الكاسيت الاول كان المفروض فصل سلوك السماعات الورانية طالما هيا راكبة على الجى امن وعمل كدا
بس للأسف بسمع بيز لما بعلى الصوت بس اعمل ايه
انا حاسس ان الاتنين مبيفهموش وبيفتو وخلاص

المشاركة الأصلية كتبت بواسطة salah_86

الحقونى مبقتش اسمع بيز خالص
روحت للراجل اللى انا دايما بتعامل معاه علشان يركبلى الكاسيت الجديد والجى ام او ما ركب الكاسيت اشتغل حلو قوى قوى وبيزة كان جامد فحت
اول ما ركب الجى ام البيز بقى حاجة تقرف وانا اصلا مش عارف اظبط بيز الكاسيت نفسه وكان وانا قاعد ومعلى الكاسيت سامع صوت زنة ولما برعش بيبقى فى صوت تكة فى السماعات مع ترعيش النور المهم دا كان اخرة رحت لواحد تانى قالى هنركب فلتر ركب 2 فلتر واحد ورا الكاسيت والتانى فى الكابل اللى واصل من البطارية للجى ام وقالى ان وصلة ال ر سى اللى راكبة مش كويسة فياريت اغيرها واجيب وصلة يبانى رجحت اشتريت واحدة ب 40 جنية
هو الزنة راحت بس لما برعش بسمع تكة بس خفيفة قوى قوى
وسعات مش بتكون موجودة بس فى حاجاة هو قالى ان الافندى اللى ركبلى الكاسيت الاول كان المفروض فصل سلوك السماعات الورانية طالما هيا راكبة على الجى امن وعمل كدا
بس للأسف بسمع بيز لما بعلى الصوت بس اعمل ايه
انا حاسس ان الاتنين مبيفهموش وبيفتو وخلاص

بص يا فندم اولا اظبط صوت الكاسيت ودي من اساسيات السوني انك تظبط صوته عشان يطلع صوت حلو
1 خلي الايكواليزر علي custom وواحد واحده كده ابدا اظبط باند باند وخلي التلاته باند اللي في النص سوالب واول واخر باند عاليين والباقي علي زوئك

2 خلي ال dm+ : off

3 اتك تكه طويله علي زرار السيليكت وخلي loudness :high _ hpf:off_ lpf:50
وال hpf & lpf sloope علي زوئك وهما علي 3 صوت البيز هايبقي عالي

4 وطي الجين خالص بتاع الجي ام وخلي الكسيت علي 35 وابدا علي الجين بتاع الجي ام واحده واحده لحد ما الصوت يبدا يبوظ ويبقي كافي كده والجين اللي هوا الفوليم بتاع الجي ام ودا هتلاقيه جنب اللمبه اللي منوره اخضر فيه وجنب زرار lpf وبتعليه بمفك في السوني

5 اعمل حسابك ان الجي ام السوني صوته ناعم شويه وقدام حتحاجه لما تجيب جي ام قوي وصب ودا اللي حصل معايا لما جبت جي ام سوني 350 وكنت زعلان في الاول لكن بعد كده عرفت ان الجي ام ده له ميزه وعشان كده رشحتلك الكينوود والبايونير طالما مش عايز صب

بسم الله الرحمن الرحيم
بعد دوخة وقرف وزهق وتعب وضيقة نفس من اللى حصل
كلمت صاحبى اللى معاه عدة صوت محترمة وقلتلة يودينى للراجل اللى بيتعامل معاه
روحت للراجل دا وكانت نفسيتى زى الزفت
الراجل دا طلع استاذ بجد
بدا يظبط الصوت واحدة وحدة وبعدين شالى وصلة ال ار سى ايه اليابانى كلام وصينى فى الحقيقة وشالى الفلاتر اللى الافندى دا ركبهالى وضحك وقالى دى قديمة وسلوكها ضعيفة وكان ممكن تفصل وتعملك قافلة فى الجهاز
والجهاز والجى ام يبوظو
المهم ظبطلى صوت السماعات الخلفية وفكلى فرش الابواب الامامية وركبلى السماعات بتاعتى القديمة اللى هيا 16 بوصة 190 وات ريتد باور 40 وات
مكان السماعات الفابريكة بتاعة العربية لقيت السماعات الفابريكة 15 وات على فكرة
بس الراجل قالى هما بيزهم هيبى اعلى من السونى بتوعك بس هما مش هيستحملو الكاسيت بتاعك اقوى منهم قوى ( معرفش الحتة دى صح ولا غلط )
وقفلى الابواب وكيسلى السماعات الفابريكة وخدتهم البيت
وظبطلى البلوتوث وعملت كام مكالمة منه تمام وسمعت كام اغنية تمام برضة وعلى فكرة مكنش محتاج ميكروفون علشان الصوت صوته كان حلو هو الجهاز مش جاى معاه ميكروفون بس ليه وصلة من ورا ودورت على ميكروفون كتير ملقتش غير بتاع الجوامع وخفت اشترية ميركبش مع انه من الصغير اللى بيتعلق فى القميص
بس لما شغلتة واتكلمت نفضت لان صوته كان واضح وقلت بلاش اسلاك كتير
ورجعت البيت وظبط اليكولايزر زى ما دك حودا قال بس باستثناء ال دى ام خلتها اون
والصوت ظبط تمام بس انا بحس ان السماعات الخلفية اعلى حبتين من اللى ورا
واكملكم بقى خد فى دا كله 40 جنية
ورحت رجعت الوصلات للبيه اللى اشتغلنى امبارح الفلترين والار سى ايه هو كان محاسبنى على الفلتر الواحد ب 20 جنية والوصلة ب 40 جنية يعنى كدا 80 جنية وخد مصنعيه 20 جنية
المهم ادانى 60 جنية وبليل هعدى علية زى ما قال يدينى 20 جنية ----- وانا طبعا مش هاخد مصنعيته دا اشتغل برضة
وبخصوص الافندى الاولانى اللى فتى عليا وقالى ان السماعات ال 16 القديمة اللى عندى مش هتركب وخلانى اشترى سماعات 13 من ارخصهم ب 120 وطلع اصلا اللى بيكربوا فى الباب اكبر من 16 خد السماعات ال 13 وادانى 70 جنية
يعنى اخد 50 جنية ملحوظة هو بيبعها ب 145 جنية
يعنى انا دفعت 50 جنية للأولانى الفتاى و20 جنية للفتاى التانى يبقى كدا 70 جنية و40 جنية للاستاذ الاخير يبقى كدا 110
دا فى حالة ان البية الفتاى التانى يرجعلى 20 جنية بليل
غلطتى من الاول انى كنت بثق فى واحد فتاى وكان مفهمنى انه بيفهم
المهم الحمد لله انها جت على قد كدا

اما الجى ام يادكتور حودا معرفتش اظبطة لانى ببساطة والحمد لله جالى مزق فى كتفى الشمال ومعرفتش اوطى وادخل الشنطة
بليل هصورلكم الجى ام والكاسيت
على فكرة السماعات ال 16 بتاعتى مكنتش راضية تركب لانها اقل فى المساحة بس مش كتير الولد ظبطها وجابلها زى ورد كدا علشان تركب عليها ومتقعش مع اى مطب

رحت لبتاع الكاسيت التانى علشا اخد باقى المبلغ اللى هو 20 جنية قعد يقولى معييش وبكرة وانا عارف هيدوخنى فاستعوضت ربنا ومشيت
ورحت غسلت العربية وفرحان بقى والاقيلك واحد بموتوسيكل وانا واقف فى اشارة بيعدى ما بينى وبين عربية تانية والمسافة مستحيل تجيبة
وسمعت حك عندى فى الباب اللى ورا نزلت لقيت الباشا حكلى الباب اللى ورايا نص خفيف ونص تقيل خط كدا دعكت لحد ما دراعى خدل بالبولش والكمبوند راح النص الخفيف اما النص التقيل دا مش راضى رحت للبوهيجى قالى دا حلة المعهولك واحطلك قلم بوية بلون العربية علية
وشكلى هنام النهاردة برضة متنكد

يا باشا فداك كل العربيات وعدد الصوت اللي في الدنيا ربنا يديك خيرها ويكفيك شرها

السماعه الاصليه بتبقي 15 وات فعلا وده ال rms وهتلاقي السوني ال 190 دي ال rms بتاعها حوالي 40 وات

وانا ركبت عندي ال16 الجديد بحلقات برده وفعلا فتحه البومه 17

اما بالنسبه للجي ام فهوا فيه 2 تحكم بس واحد بتاع الجين (الفولييم) والتاني زرار وظيفته يفصل النغمات كلها ويسيب البيز بس

ولو انتا عايز تعلي بقي في العده دي مقدما ان شاء الله تقدر تجيب كمان جوز بيضاوي وتشغله علي الجي ام بيييز بس عن طريق زرار الفلتر اللي في الجي ام وتشغل الجوز القديم علي الكاسيت عادي ويبقي كده جوز بيطلع بييز وجوز بيطلع صوت وهيبقي الصوت خرافي وهمي .وانا عملت الخطوه دي عندي بنفس الجي ام والكاسيت وكنت منبهر بالنتيجه
موفق ان شاء الله