الموضوع: التمويل العقاري و موقفه من الشرع

يا ريت اللي من الاخوة له تجربة في موضوع التمويل العقاري يقولنا ايه اجراءاته بالتفصيل و هل الشركات اللي بتقول انها بتطبق النظام الشرعي هي فعلا بتطبق النظام ده و لا هي يافطة و السلام
اللي انا اعرفه ان الشركات اللي بتطبق النظام الاسلامي بتقول انها بتطبق نظام البيع بالاجل بمعني ان شقة مثلا قيمتها 200000 حاليا هما حيقولولك انها سعرها 300000 علي 20 سنة و ده طبعا مثلا عكس النظام التقليدي اللي معتمد علي نسبة الفايدة
انا عندي ميعاد مع شركة الاولي الاسبوع القادم ان شاء الله و لما اعرف معلومات اضافية حقول لحضراتكم لكن طرحت الموضوع عشان اعمل over view علي ابعاد الموضوع و الكل يدلي بدلوه اللي خاض التجربة و اللي عنده استفسار ممكن نعرضه عليهم في الشركة و في النهاية ما خاب من استشار


محمد فهمي