ضبط المرايات

**elrasy** · 26-11-2008 12:50 AM

المشاركة الأصلية كتبت بواسطة MMamdouh

MMamdouh

بس علشان اخلى المرايات الجانبية فى وضع عمودى مع العربية , دة مش هيخلينى اشوف جزء من عربيتى اللى بيخلينى اعرف انا فين من العربية اللى جنبى!!!

**HRH_Sameh** · 26-11-2008 10:11 AM

مناقشة جميلة وكلام ممتاز يا شباب
بالنسبة لي انا شاري مراية للصالون عريضة ومقعرة من التوفيقية بـ 9 جنيه
الصراحة فرقت جامد لأنها بتجيبلي اللي ورايا بزاوية جميلة وواضحة جدا تكاد تغنيني عن مرايتين الجنب
اضف على كده مرايتين صغيرين مقعرين الواحدة بجنيه ونص ملزوقة على مرايتين الجنب ودي فرقت معايا قويييييييييييييي في الركن :wacko:

**MMamdouh** · 26-11-2008 10:59 AM

المشاركة الأصلية كتبت بواسطة elrasy

بس علشان اخلى المرايات الجانبية فى وضع عمودى مع العربية , دة مش هيخلينى اشوف جزء من عربيتى اللى بيخلينى اعرف انا فين من العربية اللى جنبى!!!

لو العربية جنبك اوى ووراك حتبان فى مراية الصالون... و لو هى مش وراك حتلمحها بطرف عينك و مش حتحتاج مراية الجنب

لو ضبط مراية الجنب بحيث عربيتك تبان فيها مش حتشوف اى عربية جنبك بس مش لازقة فيك... حصلت معايا مرتين على طريق السويس و كنت حتسفلت

MMamdouh

**msobhy** · 26-11-2008 11:52 AM

طبعا مفيش اى اضافة ممكن اقولها غير حاجة واحده انك تسوق بالمنطق بمعنى
انا ماشى على الشمال يبقى مش محتاج ابص فى المرايا الشمال بكون محتاج اليمين واللى فى النص نسبيا
لو انت فى ملف وواحد مغطى عليك كل حاجة فى ناس بتقف لكن بالعكس انا باعتمد على الشخص ده بنسبة 100% لو هو ماشى صح مش هايحصلنا حاجة ولو هو ماشى غلط عربيتة هاتتكسر وانا مش هايحصل لى حاجة ومش بطبق ده على الطرق السريعة
لو هاتتنقل من حاره لحاره لازم تلف بعنيك على المريات مرتين / المره الاولى بتشوف الطريق كله علشان تحدد احتمالاتك وتعرف ايه اللى هايكون فى المناطق العمياء - والمره التانية علشان تبدأ تنفذ قرارك
اسهل سواقه وانا اسف انى اقول احقر سواقة هيه انك تمشى بسرعة اكبر من سرعة كل اللى حواليك فى اللحظة ديه نسبيا وانا بقول نسبيا انت مش محتاج مريات خالص لأن اى مكان فاضى فى الطريق هو ملك لك لكن المشكلة دايما فى اللى جاى وراك

**firstknight216** · 01-03-2009 02:56 AM

في مشكلة صغيرة متهيألي ان مفيش حد اتكلم فيها
وهي في حالة الدوران إلى اليمين حتى لو مفيش مرايا (طبعا انا معرفش اسوق من غير المريات لأنها مهمة جدا)
1- السيارة المتجهة إلى اليمين مفترض انها بتحضر للإتجاه (باستخدام الإشارات) من قبل الدوران بحيث انها في حالة الدوران بتكون بالفعل في اقصى اليمين من الطريق
2- في حاجة اسمها الذوق وسلوكيات الطريق وللأسف الشديد ده مش متواجد عندنا مفترض السيارة القادمة من الخلف لما ترى أن السيارة التي أمامها بتعطي اشارة اتجاه إلى اليمين يبقى من الذوق انتظار السيارة حتى تأخذ وضعها السليم وبعد كده تكمل الطريق واعتقد ان ديه اهم نقطة لأن لازم بتعتمد على خطأ الغير ديه وجهة نظري والله اعلم

**MMamdouh** · 01-03-2009 01:18 PM

كلام سليم بس فيه ملاحظة.... مينفعش ادى اشارة انى داخل يمين قبل الدخلة اليمين ب 2 سنتى و اتوقع ان الناس تاخد بالها... ممكن ببساطة يبقى فيه جنبى واحد على اليمين و انا ادى اشارة يمين و احود و اخش فية و بعد كدة اقول " ما انا مديك اشارة"...

طيب الراجل الغلبان دة حيعمل اية بالاشارة بتاعتى و هو فى نص عربيتى؟؟ يطلع على الرصيف ولا يطير فى الهوا عشان يوسعلى؟؟... كمان لما انا داخل يمين... لية ممسكتش يمين من بدرى طالما داخل يمين؟؟

فى بقى ناس تانية اظرف من كدة بكتير... تلاقية ماشى بسرعة السلحفاة و وراك بكتير... و اول ما تدى اشارة انك داخل يمين يبقى عايز يحشر نفسه على يمينك و يعدى منك... طيب ما انا مديك اشارة من 3 سنين... بقى حلو اليمين دلوقتى لما انا جيت ادخل فيه؟؟

الموضوع فى الاخر سلوكيات و بديهيات... ناس كتير سلوكياتها زفت و ناس تانية موصلتش لمستوى الذكاء الكافى لاستيعاب البديهيات

MMamdouh

**MMamdouh** · 01-03-2009 03:42 PM

افتح المراية اكتر من كدة... مش لازم جزء من عربيتك يبان فى المراية لان المنطقة دى متغطية بمراية الصالون... لما تفتح المراية لبرة حتجيب مساحة اكبر لليمين و تكشف اللى ماشى فى الحارة اللى على يمينك

فى الوضع الحالى لازم اللى ماشى يمينك يبقى لازق فيك عشان يبان... و تحس بالموضوع دة لما تبص فى المراية متلاقيش حاجة و لما تحود يمين تلاقى عربية داخلة فى الباب بتاعك

MMamdouh

-

-

الموضوع: ضبط المرايات

LinkBack

أدوات الموضوع

عرض

-

-

-

-

-

المواضيع المتشابهه

المرايات ضم ؟

زرار المرايات ب ١٥٠ جنيه٠ حد عنده بنسة نظبط المرايات بيها

حد عارف المرايات دى ؟

جوز المرايات كهربي

المرايات اتكسرت

الكلمات الدلالية لهذا الموضوع

المفضلات

المفضلات

ضوابط المشاركة