مطلوب حد خبير في تركيب التوربو ورفع الأداء محترف وآخر إحترام

**saddam** · 27-08-2013 09:38 AM

كويس إن لسه فيه حد بيرد علينا ولكن خلاصة الخلاصة لسه محدش جاب من اﻵخر ورشحلك واحد يبنيلك توربو ويوفق عشان عربياتي معظمها ملهاش كيت وكمان بما يرضي الله يعني عربية تتكلف ألف فهي فعلا ألف حتتكلف 20 ألف حدفع برضو بس يكون فعلا الحاجة دي بعشرين ألف يعني من غير إشتغالات وياخد اللي هو عاوزه بس من غير ميقوللك ده مش عايش معانا في الدنيا فنشطب على جيبه أوام أوام والغاوي ينقط بطاقيته أنا بحب أصرف على عربياتي آخر قرش في جيبي بس مبحبش الحوارات وهنا كل ما تكلم حد بتاع تعديل توربو يقلك هات العربية وأبص تروحلو.يطلع سوبر ضياع عايز يجيب كيت جاهز من بره ويركب ويمشي وأنا طلبي واضح وبسيط حد.فاهم أوي لدرجة واثق من نفسه يقوللك هاتها والله لو تكتك حخليهولك 300 حصان حد كده واثق من نفسه ومؤدب إبن ناس مش شوارعي ويطلب المصنعية اللي نفسو فيها وأنا عربياتي من أول موديل 1958 ولغاية 2011 كاربريتير وإنجكشن فيه حاجات مطلوب هورس باور بسيط زيادة 100 حصان ولا حاجة بس فيه عربيتين وحده عايز أزودها 200 حصان ووحده عايز أزودها 300 حصان محركان تويوتا 6 سلندر 2800 سي سي إنجكشن ووحده موتور ميتسوبيشي 2400 سي سي دفع رباعي بس 4 سلندر بس اﻷثنين عاوز أغيرلهم فتايس أوتوماتيك أكبر عشان المكن مش مستريح ولسه حيتعدل
والواحد بصراحة محبط في مصر من بتوع تعديل المواتير ﻷن إحنه المصريين طلعنا كلام كتير وكفته مفيش إنما زمان لمل كنت بره الصنايعية مثلا في العراق أو تركيا أو حتى دبي كانوا بيعدلوا حتى لو عربية فولكس وبيسوو الهوايل إنما في مصر ضعاف في تعديل المواتير والتحوير أنا بفضل الله عندي خبرة في تعديل كل مسمار في السيارة من ناحية برسم وأصمم بنفسي وأحط أفكار جديدة واأعلم اﻷسطوات إزاي يعملوها في عربياتي بس لغاية دلوأتي متعرفتش بشخص من عالم تعديل المواتير بيكون على هواك وشبعان وإبن ناس دايما بتسمع عن واحد إبن ناس مثلا من سنتين فتح ورشة وبيعدل تروحلو بعد فترة تلاقي زمايلنا من اللي مامتو بتديه فلوس وجايبالو السيراتو ولا إلانترا سابقينك هناك والحاجة أم ألفين بيركبها بخمسة فطبعا خلاص المهندس بيقلك أديهم على دماغهم فإحنه الناس اللي الفلوس بتجيلنا بطلوع الروح بنضيع أنا صح معايه 8 عربيات وبتفاوض عالتاسعة والعاشرة بس مضحي في حاجات تانية بالمقابل زي مثلا فاسخ خطوبة 3"مرات بسبب العربيات والدتي مش مبسوطة بحياتي و أنا مبقتش أحب أقعد مع ناس مبتحبش العربيات
اﻷخ بتلع اﻹبيزا قلبي معاك وإنته شخصية وطنيه بس غلطة عمرك من اﻷول إختيارك العربية دي تصرف عليهاأنا لما بشتري عربية مش أي عربية والسلام بس الفرق بيني وبينك إنك بتصرف كل اﻷي في جيبك على عربيتك أنا بقه بصرف اﻷي في جيبي وكمان اﻷي حيخش جيبي لبتاع سنتين قدام
اﻷخ كريم إنزو بتاع الكماليات شخصية مؤدبة و وعدني يوديني بنفسو لواحد ويشرف عليها فالواح طلب يشوف العربية فأنا كده مش متفائل
فيا ريت حد يقرا الموضوع ده ويكون بيعدل ويقول أنا اﻷي بتدور عليه ويا ريت زمايلنا اللي داخلين يتريقوا يبعدوت عن سكتنا واللي مش عاجبو الموضوع فميعلقش والسلام

**saddam** · 27-08-2013 08:04 PM

المشاركة الأصلية كتبت بواسطة samchips

حضرتك لازم تحدد السيارات انواعها اىه عشان اعرف اساعدك.

اﻷخ الطيب المحترم تم مراسلتك على الخاص برجاء اﻹهتمام لحل المشكلة وجوزيت عني خيرا ودمتم

**Ayman_Aly** · 28-08-2013 03:35 PM

المشاركة الأصلية كتبت بواسطة saddam

مش حقول أسماء العربيات بس حقول هموميات عشان أنا دايما بحب أخلص العربية وبعدين بتكلم وأنا بطيء جدا جدا لأني لما بفتح شغل في عربية تلاقيني وسط الشغل بتعجبني عربية وأروح مزنق على نفسي وبحوش وأستغنى عن كماليات وأساسيات كتيرة في حياتي عشان أشتري العربية وده السبب اللي خلاني من شهر 1 في 2010 كانت أول عربية ليا في مصر لغاية النهارده بقوا 7 عربيات بمعدل سيارة كل 6 شهور والحقيقة أنا فضلت في أول سنتين معايه 3 عربيات بس وحده كلاسك و2 زيرو ثم بعدها فتحت معاية من ساعة الثورة والواحد كاره الشغل وكاره الدنيا فبسلي نفسي في عربياتي وعلى فكرة أنا عندي عربية بقالها عند البوهيجي والسمكري مثلا سنتين ووحده يقالها سنة وشوية والتالتة بقالها 6 أو 7 شهور و2 كنت خلصتهم تعديلات فخمة وهاند ميد ثم رفعتهم من سنة وهم مرفوعين قررت أعدل عليهم تعديلات جذرية كمان وبكده أنا في دوامة مش عارف أخرج منها ومفيش جنيه غير ورايح عى عربياتي يعني الخلاصة السبع عربيات 4 منهم موجودين فعلا في ورش التعديلات والإصلاحات ووحده راكبها بس برضو عايزة شغل مستني أخلص وحده بس وأدخلها مكانها وهكذا بس لما تكون الفلوس محدودة لازم تعرف تناور بين السمكرية والبوهيجية والميكانيكية والرسامين وبتوع الفيبر وبتوع قطع الغيار بطريقة متخليش حد يزعل منك وده موضوع مش سهل عامة أنا حقول عموميات عن عربياتي

الأولى 2300 سي سي ألماني ( الأصلي كان 1900 سي سي وغيرته ب 2300 سي سي وحركبلو توربو )
الثانية 2400 سي سي ( تعديلات موسعة قريبا توربوهات وكرونة وفرامل وعفشة وفتيس وغيرها )
الثالثة 2000 سي سي
الرابعة 1900 سي سي ألماني
الخامسة 5000 سي سي أمريكي
السادسة 1500 سي سي ألماني ( حيتغير ويركبلها موتور شبح 500 عدد 8 سلندر )
السابعة 2800 سي سي ياباني

ودي العربيات اللي عندي وفاضل أجيب لكزس إل إس 400 موديل 93 وشوفرلية فان رحلات وعربية جي إم سي دوبل كابينة ثمانينات شاسيه طويل ومازدا 929 موديل 90 من غير قوايم وتويوتا كراون 99 ومرسيدس 560 أس إي سي كوبيه موديل 91 إن أمد الله في عمري ورزقني عشان دلوأتي العملية مزنقة عالآخر لدرجة مش عارف أتجوز بسبب العربيات وكل ما أخطب توقف بسبب هوسي بعربياتي وربنا يصلح حالي وحال الناس كلها

أنا قرأت لك أكتر من موضوع ومشاركات كثيرة ومعجب بعزيمتك واتقانك فى موضوع تعديل السيارات
وأتخيل لو كنت تضع هذه الرغبة العارمة والشغف القاتل فى شىء يفيدك ويفيد المجتمع... كنت ستحقق بالتأكيد الكثير بهذه العزيمة

ربنا سيسألك عن عمرك فيما أفنيته ومالك فيما أنفقته.... فاحرص على أن لا تكون إجابتك أفنيتهما الاثنين فى تعديل السيارات

**saddam** · 29-08-2013 12:08 PM

المشاركة الأصلية كتبت بواسطة ayman_aly

أنا قرأت لك أكتر من موضوع ومشاركات كثيرة ومعجب بعزيمتك واتقانك فى موضوع تعديل السيارات
وأتخيل لو كنت تضع هذه الرغبة العارمة والشغف القاتل فى شىء يفيدك ويفيد المجتمع... كنت ستحقق بالتأكيد الكثير بهذه العزيمة

ربنا سيسألك عن عمرك فيما أفنيته ومالك فيما أنفقته.... فاحرص على أن لا تكون إجابتك أفنيتهما الاثنين فى تعديل السيارات

جزاك الله خيرا ولكن ليس كل ما في الصدر يباح ولكن سأبوح لك بسر واحد لولا هوسي وحبي للسيارات كنت إنحرفت من زمن بعيد فأنا ولله الحمد بعشقي للسيارات لم تترك لي مجال ﻹرتكاب أي محرمات ولا عاكست بنات ولا شربت الخمور ولا حتى دخنت ملئت كل فراغ في حياتي فأنا أدين بالفضل لها ولا تقلق إني راض عن نفسي جدا أمام الله تعالى ولا أقصر بأي عمل أو.إحسان أبتغي به وجه الله تعالى ثم يا أخي المتقي إن للدعوة واﻹرشاد منبرا ومكانا وميدانا أما هنا فهذا منتدى للسيارات والمفروض أنه لعاشقين السيارات فقط فأرجو أن لا يتحول الموضوع من تعديل محركات إلى توسعات أخرى تخلينه نحرق بنزين عالفاضي وأنا أثمن نصيحتك ودمت بخير

**Ahmed Nasser** · 02-09-2013 12:29 AM

استنى الاستاذ محمد ممدوح وهو هيجبلك من الاخر ان شاء الله

**aw2100** · 02-09-2013 01:02 AM

المشاركة الأصلية كتبت بواسطة saddam

جزاك الله خيرا ولكن ليس كل ما في الصدر يباح ولكن سأبوح لك بسر واحد لولا هوسي وحبي للسيارات كنت إنحرفت من زمن بعيد فأنا ولله الحمد بعشقي للسيارات لم تترك لي مجال ﻹرتكاب أي محرمات ولا عاكست بنات ولا شربت الخمور ولا حتى دخنت ملئت كل فراغ في حياتي فأنا أدين بالفضل لها ولا تقلق إني راض عن نفسي جدا أمام الله تعالى ولا أقصر بأي عمل أو.إحسان أبتغي به وجه الله تعالى ثم يا أخي المتقي إن للدعوة واﻹرشاد منبرا ومكانا وميدانا أما هنا فهذا منتدى للسيارات والمفروض أنه لعاشقين السيارات فقط فأرجو أن لا يتحول الموضوع من تعديل محركات إلى توسعات أخرى تخلينه نحرق بنزين عالفاضي وأنا أثمن نصيحتك ودمت بخير

انا شايف انك ممكن تتبنى مشروع جديد لو امكانياتك تسمح وهو ورشة تعديل عربيات على الأصول والصح على اسس علمية وتجمع فيها خبراء من الفنيين والميكانيكية ومش ضرورى يكون كل العاملين فيها من مصر ممكن تستعين بخبير اجنبى يدير ليك الورشة دى وهنا حتحول هوسك بالعربيات والتعديلات لمشروع مفيد ليك ولكل اللى بيحب يعدل عربيته صح وحتستفيد انك حتشتغل فى حاجة انت بتحبها ده مجرد اقتراح ؟؟؟

**saddam** · 02-09-2013 09:30 AM

المشاركة الأصلية كتبت بواسطة aw2100

انا شايف انك ممكن تتبنى مشروع جديد لو امكانياتك تسمح وهو ورشة تعديل عربيات على الأصول والصح على اسس علمية وتجمع فيها خبراء من الفنيين والميكانيكية ومش ضرورى يكون كل العاملين فيها من مصر ممكن تستعين بخبير اجنبى يدير ليك الورشة دى وهنا حتحول هوسك بالعربيات والتعديلات لمشروع مفيد ليك ولكل اللى بيحب يعدل عربيته صح وحتستفيد انك حتشتغل فى حاجة انت بتحبها ده مجرد اقتراح ؟؟؟

مئات الناس بتقوللي كده بس أنا دي هواية عندي يعني مش عايزها تكون شغلانتي فأكرهها ثم أنا أناني شوية محبش اتعب في فكرة.غريبة أو تصميم وأديها لغيري ده أنا صور عربياتي مبحبش أرفعها عشان محدش يعمل عليها كوبي وكمان حضرتك شايف طبايع الشعب المصري خدلك لفة بالمنتدى وشوف وحتعرف قصدي الحاجات دي مكلفة جدا جدا وهنا عندنا ناس بتركب حاجة ب 150 كأنهم إشتروا البشر ثم مصر للأسف تفتقر لقطع غيار التعديل يعني أنا بوفق وبجيب من بره وبتطلع عيني ثم التعديل بياخد وقت أنا عندي عربية قعدت 3 سنين ونص بشد فيها ودلوأتي في المراحل اﻷخيرة ثم هناك حاجات مكلفة جدا يعني مثلا عندك نوع بوهية ب 32"ألف جنيه وفيه نوع جنوط بالكاوتش يكلف 35"ألف وعندك سيستم صوت بالكاميرات والشاشات والحساسات يكلف 23 ألف فعندنا الشعب المصري لما يسمعك عامل كده في عربياتك على طول من غير نقاش حيحطك في منزلة كفار قريش ودمتم للنضال وشكرا برضو عالنصيحة وأهلا بيك في جمعية الآلاف اللي نضحتني أحول هوايتي لشغل وهم مش فاهمين نوعية شغفي وأنا بره مصر وفي الخليج وأوريا وأمريكا فيه آلاف زيي هو بس في مصر الناس مستغربة بسبب غﻷء السيارات وإن معظم عربياتنا في مصر لا تصلح للإستهلاك اﻵدمي ومحسوبة علينا سيارات بسبب جماركتا الوطنية الفاشلة

**AHMED1718** · 02-09-2013 03:39 PM

اول حاجة ربنا يزيدك

بس سؤال محيرنى انا مش عايز اعرف العربيات نوعها ايه ولا انتا صارف ايه

السؤال الملح بالنسبالى انتا هتعمل ايه بالاسطبل ده ؟؟
لو احنا مش ف مصر كنت هقولك هتدخل معرض بيهم

بس الواضح انك مش من هواة الاتوكروس او ماشابه
واللى عايز يركب حاجة 500 حصان وانتا طالع اكيد مش كل هوايته توب سبيد

من الاخر كده سؤالى يتلخص انت بتعمل التورك ده كله بالعدد ده لايه ؟

اخر تنويه وعتاب ،،
مش كل واحد راكب هيونداى ولا سيراتو بيبقا حاسس انه فوق البشر ب 150 الف
ولا مامى اللى جايبهاله

كتير اوى اللى اتجه للكورى او رابش صناعة السيارات كان سببه هوا واقعنا العملى ،، انا اتجوزت وخلفت وشغال وبسافر ومبقتش فاضى اروح اعمل واعدل وازود هورس باور ،،ومش عايز كولر يضرب منى ف حتة ولا غيره من مشاكل الطرق ،،عايز عربية تفضل اربع خمس سنين ميتحطش فيها غير صيانات وتكون مشاكلها ممنوعة الا باذن ربنا ،، بس كده وانا سعيد بموهبتك واوعى حد يقنعك تغيرها ،،بس الواقع بردو يقولك لو خليت عربياتك دى اربعة بدل سبعة ممكن تفتح مشروع محترم وهتبقا دى المتعة انك بتشتغل حاجة هيا هيا نفس هوايتك وموهبتك عاليا فيها

سلام عليكم

**saddam** · 02-09-2013 05:59 PM

المشاركة الأصلية كتبت بواسطة ahmed1718

اول حاجة ربنا يزيدك

بس سؤال محيرنى انا مش عايز اعرف العربيات نوعها ايه ولا انتا صارف ايه

السؤال الملح بالنسبالى انتا هتعمل ايه بالاسطبل ده ؟؟
لو احنا مش ف مصر كنت هقولك هتدخل معرض بيهم

بس الواضح انك مش من هواة الاتوكروس او ماشابه
واللى عايز يركب حاجة 500 حصان وانتا طالع اكيد مش كل هوايته توب سبيد

من الاخر كده سؤالى يتلخص انت بتعمل التورك ده كله بالعدد ده لايه ؟

اخر تنويه وعتاب ،،
مش كل واحد راكب هيونداى ولا سيراتو بيبقا حاسس انه فوق البشر ب 150 الف
ولا مامى اللى جايبهاله

كتير اوى اللى اتجه للكورى او رابش صناعة السيارات كان سببه هوا واقعنا العملى ،، انا اتجوزت وخلفت وشغال وبسافر ومبقتش فاضى اروح اعمل واعدل وازود هورس باور ،،ومش عايز كولر يضرب منى ف حتة ولا غيره من مشاكل الطرق ،،عايز عربية تفضل اربع خمس سنين ميتحطش فيها غير صيانات وتكون مشاكلها ممنوعة الا باذن ربنا ،، بس كده وانا سعيد بموهبتك واوعى حد يقنعك تغيرها ،،بس الواقع بردو يقولك لو خليت عربياتك دى اربعة بدل سبعة ممكن تفتح مشروع محترم وهتبقا دى المتعة انك بتشتغل حاجة هيا هيا نفس هوايتك وموهبتك عاليا فيها

سلام عليكم

متشكر لتعليقك الجميل وأنا متقلقش محدش يقدر يغير هوايتي و هوسي في عالم السيارات وأنا من كام سنة أصلا كنت مستورد سيارات في سوريا واﻷردن والعراق واﻹمارات ولكتي مبحبش أعدل لحد بتاتا ﻷن اﻷفكار محدودة وبتاخد وقت وأحيانا أرسم سبويلر وأنفذه وبعد كام شهر طورت الفكرة وزودت تعديل لنفس السبويلر يعني مثلا لما أشتري عربية أول حاجة بفتحلها سجل مصاريف وأرميها عند السمكري يرجعها زيرو وأبتدي ألم النواقص ثم أبتدي أشتري الكناليات المشتركة اﻷساسية الموحدة مع كل خواتها من السيارات بتاعتي ثم أبتدي أرسم وأحياتا في أول التعديل أبتدي أقول حعمل للعربية دي مثلا 30 تعديل ولما تيجي تخلص ألاقيها معدية ال 100 تعديل وده كله ﻷني بطول في العربيات جدا أحيانا أشتغل في عربية بتاع 4 سنين وأم أربع سنين دي ممكن 6 شهور وتخلص بس أما تخلص تقدر تقول صاروخ متنقل ولو إتسابت لوحدها مفيش حد إلا وحيحلول يخربشها أو يسرق منها حاجة في الشارع فربك ستار أما ححطهم فين زمان لما كانوا 5 كنت حاططهم كلهم تحت بيتي جنب بعض ومتغطيين بغطاء جلد أمريكي تفصيل ضد الماء والنار بس بعد الثورة وإنتشار خناقات المولوتوف بقيت أوزعهم فحطيت وحده راكبها وبنفس الوقت أعدل فيها والباقي مرقوعين أو محطوطين في ورش بتتعدل في القاهرة وفاقوس ومتونس بيهم أما ححطهم فين فأنا بلم نفسي خلال السنتين القادمة للإنتقال في أكتوبر قرب مول العرب بدور أرض قسط 500 متر وأبنيها على راحتي وحنظم العربيات في الدور اﻷرضي بطريقة فنية كلانك داخل متحف ومتقلقش أنا مش حفضل عمري كله ألم عربيات أنا ناقصني من أحلام الطفولة 6 أو 7'عربيات وخد بالك أنا مبشتريش عربيات أم مليون دي كلها حاجات بسيطة وأنا مبشتريش غير قسط دلوأتي والحند ﻷه بقت ناس كتير بتثق فيا وكلهم بيبيعولي قسط أما كلامي عن بتوع السيراتو فده ضرب مثل بحالات كثيرة في المجامع غير مقصود منه أسيء لحد واﻷمانة تحتم عليا أقول أنا بعدل عربيتين لناس أصحاب فضل عليا وأنا مش مبسوط مبحبش أدي تصميماتي لحد بس دول كل واحد منهم جابلي عربية نادرة بالقسط وبعهالي بألف جنيه في الشهر مقابل أطور عربية على ذوقي لكل واحد فيهم وواحد جاب 35 ألف والتاني جاب 50 ألف وكان شرطي 7 شهور محدش يسألني على عربيتو ولا يكلمني وخلصت نصهم ولو حضرتك خدت بالك كرامتي مسمحتش ليا آخد منهم أجر يعني أنا عملتهم في قصاد خدمة التقسيط فقط وكله بيتدفع من جيبي أول كل شهر وأرجو نسيب الموضوع ده ونرجع لموضوغنا اﻷساسي مفيش ولاد ناس شبعانة عندنا في مصر لسه بيعدلوا مواتير ولا خلاص بقوا كلهم في شعبة اﻹستغلال الوطني

**AHMED1718** · 02-09-2013 08:57 PM

المشاركة الأصلية كتبت بواسطة saddam

متشكر لتعليقك الجميل وأنا متقلقش محدش يقدر يغير هوايتي و هوسي في عالم السيارات وأنا من كام سنة أصلا كنت مستورد سيارات في سوريا واﻷردن والعراق واﻹمارات ولكتي مبحبش أعدل لحد بتاتا ﻷن اﻷفكار محدودة وبتاخد وقت وأحيانا أرسم سبويلر وأنفذه وبعد كام شهر طورت الفكرة وزودت تعديل لنفس السبويلر يعني مثلا لما أشتري عربية أول حاجة بفتحلها سجل مصاريف وأرميها عند السمكري يرجعها زيرو وأبتدي ألم النواقص ثم أبتدي أشتري الكناليات المشتركة اﻷساسية الموحدة مع كل خواتها من السيارات بتاعتي ثم أبتدي أرسم وأحياتا في أول التعديل أبتدي أقول حعمل للعربية دي مثلا 30 تعديل ولما تيجي تخلص ألاقيها معدية ال 100 تعديل وده كله ﻷني بطول في العربيات جدا أحيانا أشتغل في عربية بتاع 4 سنين وأم أربع سنين دي ممكن 6 شهور وتخلص بس أما تخلص تقدر تقول صاروخ متنقل ولو إتسابت لوحدها مفيش حد إلا وحيحلول يخربشها أو يسرق منها حاجة في الشارع فربك ستار أما ححطهم فين زمان لما كانوا 5 كنت حاططهم كلهم تحت بيتي جنب بعض ومتغطيين بغطاء جلد أمريكي تفصيل ضد الماء والنار بس بعد الثورة وإنتشار خناقات المولوتوف بقيت أوزعهم فحطيت وحده راكبها وبنفس الوقت أعدل فيها والباقي مرقوعين أو محطوطين في ورش بتتعدل في القاهرة وفاقوس ومتونس بيهم أما ححطهم فين فأنا بلم نفسي خلال السنتين القادمة للإنتقال في أكتوبر قرب مول العرب بدور أرض قسط 500 متر وأبنيها على راحتي وحنظم العربيات في الدور اﻷرضي بطريقة فنية كلانك داخل متحف ومتقلقش أنا مش حفضل عمري كله ألم عربيات أنا ناقصني من أحلام الطفولة 6 أو 7'عربيات وخد بالك أنا مبشتريش عربيات أم مليون دي كلها حاجات بسيطة وأنا مبشتريش غير قسط دلوأتي والحند ﻷه بقت ناس كتير بتثق فيا وكلهم بيبيعولي قسط أما كلامي عن بتوع السيراتو فده ضرب مثل بحالات كثيرة في المجامع غير مقصود منه أسيء لحد واﻷمانة تحتم عليا أقول أنا بعدل عربيتين لناس أصحاب فضل عليا وأنا مش مبسوط مبحبش أدي تصميماتي لحد بس دول كل واحد منهم جابلي عربية نادرة بالقسط وبعهالي بألف جنيه في الشهر مقابل أطور عربية على ذوقي لكل واحد فيهم وواحد جاب 35 ألف والتاني جاب 50 ألف وكان شرطي 7 شهور محدش يسألني على عربيتو ولا يكلمني وخلصت نصهم ولو حضرتك خدت بالك كرامتي مسمحتش ليا آخد منهم أجر يعني أنا عملتهم في قصاد خدمة التقسيط فقط وكله بيتدفع من جيبي أول كل شهر وأرجو نسيب الموضوع ده ونرجع لموضوغنا اﻷساسي مفيش ولاد ناس شبعانة عندنا في مصر لسه بيعدلوا مواتير ولا خلاص بقوا كلهم في شعبة اﻹستغلال الوطني

طلبك.صعب شوية تلاقيه ف مصر. .. بس هجتهد واسأل اصحاب ثقة. ..بس بردو مقلتليشبتعمل بيهم ايه