الموضوع: مطلوب حد خبير في تركيب التوربو ورفع الأداء محترف وآخر إحترام

المشاركة الأصلية كتبت بواسطة Ahmed A.Maksoud

العفو يا باشا

انا كنت بتعامل معاهم و أنا فى مصر و لفترة مش قليلة...........و هما بسم الله ما شاء الله فاهمين كويس.

و للأسف معرفش حد غيرهم هما و TPS و أعتقد كان فيه حد كمان بس مش فاكر أسمه تحديداً بس أسمع عنه بس.....و أعتقد Formulator عارفه برضه........بس على ما أسمع أنه كان بيعدل كنترولات......معرفش ليه فى تركيب تربو ولا لأ.

لو أحد العربيات اللى معاك بي أم ممكن تشوف واحد أسمه منصور فى شارع متفرع من جسر السويس.......برضه على ما أذكر أنه كان ممتاز مع أني أخر مرة أتعاملت معاه كان من حوالي 10 سنين.

بالتوفيق إن شاء الله.

ما اعتقد حضرتك تقصد سامح اللى هو sam chips على ما اذكر سامح كنترولات بس وبالنسبة للمهندس احمد الوكيل دة شغله معروف ومعظم العربيات الجبارة اللى فمصر هو اللى عاملها زى الأيفو بتاعت عدلى 600 حصان وعربية احمد طارق البى ام اللى فيها موتور السوبرا 700 2JZ وعربية خالد امام اللى فيها موتور النيسان السلفيا SR20 DET ودة رقم تليفون المركز بتاعه 01000776541_ 01003336222
ودة رابط بيدج الفيس :
http://www.facebook.com/pages/EVO-CL...ref=ts&fref=ts

المشاركة الأصلية كتبت بواسطة saddam

مش حقول أسماء العربيات بس حقول هموميات عشان أنا دايما بحب أخلص العربية وبعدين بتكلم وأنا بطيء جدا جدا لأني لما بفتح شغل في عربية تلاقيني وسط الشغل بتعجبني عربية وأروح مزنق على نفسي وبحوش وأستغنى عن كماليات وأساسيات كتيرة في حياتي عشان أشتري العربية وده السبب اللي خلاني من شهر 1 في 2010 كانت أول عربية ليا في مصر لغاية النهارده بقوا 7 عربيات بمعدل سيارة كل 6 شهور والحقيقة أنا فضلت في أول سنتين معايه 3 عربيات بس وحده كلاسك و2 زيرو ثم بعدها فتحت معاية من ساعة الثورة والواحد كاره الشغل وكاره الدنيا فبسلي نفسي في عربياتي وعلى فكرة أنا عندي عربية بقالها عند البوهيجي والسمكري مثلا سنتين ووحده يقالها سنة وشوية والتالتة بقالها 6 أو 7 شهور و2 كنت خلصتهم تعديلات فخمة وهاند ميد ثم رفعتهم من سنة وهم مرفوعين قررت أعدل عليهم تعديلات جذرية كمان وبكده أنا في دوامة مش عارف أخرج منها ومفيش جنيه غير ورايح عى عربياتي يعني الخلاصة السبع عربيات 4 منهم موجودين فعلا في ورش التعديلات والإصلاحات ووحده راكبها بس برضو عايزة شغل مستني أخلص وحده بس وأدخلها مكانها وهكذا بس لما تكون الفلوس محدودة لازم تعرف تناور بين السمكرية والبوهيجية والميكانيكية والرسامين وبتوع الفيبر وبتوع قطع الغيار بطريقة متخليش حد يزعل منك وده موضوع مش سهل عامة أنا حقول عموميات عن عربياتي

الأولى 2300 سي سي ألماني ( الأصلي كان 1900 سي سي وغيرته ب 2300 سي سي وحركبلو توربو )
الثانية 2400 سي سي ( تعديلات موسعة قريبا توربوهات وكرونة وفرامل وعفشة وفتيس وغيرها )
الثالثة 2000 سي سي
الرابعة 1900 سي سي ألماني
الخامسة 5000 سي سي أمريكي
السادسة 1500 سي سي ألماني ( حيتغير ويركبلها موتور شبح 500 عدد 8 سلندر )
السابعة 2800 سي سي ياباني

ودي العربيات اللي عندي وفاضل أجيب لكزس إل إس 400 موديل 93 وشوفرلية فان رحلات وعربية جي إم سي دوبل كابينة ثمانينات شاسيه طويل ومازدا 929 موديل 90 من غير قوايم وتويوتا كراون 99 ومرسيدس 560 أس إي سي كوبيه موديل 91 إن أمد الله في عمري ورزقني عشان دلوأتي العملية مزنقة عالآخر لدرجة مش عارف أتجوز بسبب العربيات وكل ما أخطب توقف بسبب هوسي بعربياتي وربنا يصلح حالي وحال الناس كلها

لقيت مجنون بالعربيات زيى .. انا زيك بصرف كل ما أملك عالعربيات تقريبا بس الحمد لله انا معايا إبيزا 94 ومسقطلها 2000 2E بس إوعى وشك .. العربيه بسم الله ما شاء الله أدائها زفت :(
انا عمال أقرأ هنا عن أسامى ناس فى التعديلات وحاجات مش فاهم أغلبها
ياريت لو حد يدلنى على إسم مكان أروحه يظبطلى العربيه إللى خربت بيت أهلى دى
حرام لما تبقى إبيزا موديل 94 تبقى متكلفه 55 ألف وفى الآخر أدائها يبقى زفت :(
كله بيقولى بالمبلغ ده كان زمانها بقت عربيه خرافيه .. قدر الله وما شاء فعل .. إتضحك عليا وإتعمل الصح معايا فمش حفضل أبكى على اللبن المسكوب .. بس عايز ورشه يكونوا إللى شغالين فيها أساتذه ومش بينصبوا ويستغلوا إن إللى قدامهم مش فاهم حاجه :( :(
إللى إتقالى إن المشاكل عندى تتلخص فى
1 - ال Air Flow Meter بتاع ال 1800 BB مش بتاع ال 2000 2E
2 - ترمبة البنزين بتاعة 1300 CC
3 - طقم الدبرياج ناس تقولى كويس وناس تقولى ضايع وانا مش عارف مين صح
4 - ضفيرة العربيه مش معموله كويس
الأربع حاجات دول لو حيتظبطوا ظبطة فنان ويكون بيراعى ربنا .. يبقى يتكلفوا كام ويتعملوا عند ميين ؟؟؟؟؟