معلش سؤال بس انا عندى الكاست دة بس انا كنت عايز اعرف لو جبت عدة صوت هتشتغل عادى واداء عالى ولا لازم اجيب حاجة غيرة
عرض للطباعة
معلش سؤال بس انا عندى الكاست دة بس انا كنت عايز اعرف لو جبت عدة صوت هتشتغل عادى واداء عالى ولا لازم اجيب حاجة غيرة
أنا عندي الكاسيت حالياً شغال مع 4 سماعات .. أتنين ف الأبواب وأتنين ع الرف الخلفى .. السماعات اللى ع الرف سونى XS - GTX6931 وطبعا السماعات دى الكل عارف إنها محترمة جداااا والـ RMS بتاعها 100 وات .. وبالرغم من كده عاملين شغل جامد جداااا من غير جي إم ... طبعا أنا عارف إنهم شغالين كده يمكن بربع طاقتهم وقوتهم بس الأداء فعلا ممتاز بالنسبة لكاسيت زى ده ..
وأنا بصراحة محتار نفس الحيرة بتاعتك .. هل أجيب جي إم وأشغل عليه السماعات وأزود بازوكا معاهم ف المستقبل مع عدم تغيير الكاسيت !!! ولا أغير الكاسيت وهتفرق الخطوة دي !!!
بس أنا ف إعتقادي إن الكاسيت تغييره مش هيفرق ف حاجة طالما هتركب عدة صوت وهتعتمد ع الجي إم .. ده حتى كان معايا كاسيت سوني الإيكولايزر اللى فيه 7 باند وكنت بلعب ف الباند بتاع البيز والتريبل وبسسسس ... يعني برضو مش شايف ان تغيير الكاسيت هيفرق ف حاجة .. وكمان فى عربيات كتير عاملة عدة صوت محترمة ع كاسيت الفابريقة اللى فيها اللى أعتقد ان اداءه متواضع بكتير عن كاسيت زي السوني والبايونيير .. ولكن ننتظر أراء الأعضاء أفضل :tumb:
كلامك تمام بس عايزين حد من الخبراء يعرفنا الدنيا فيها اية
طب اخر كلام
موجود فين و سعره كام علشان ننزل نشترى بقى :)
انا جبته من أرخصهم ف التوفيقية بـ 180 جنيه .. فى ناس جابته بـ 190 اليومين دول .. بس ف النهاية عاوز أقول إن فى تقريبا 4 موديلات من الكاسيت ده كانوا هناك وكلهم نسخة من بعض مفيش اى فرق بينهم غير ف الشكل الخارجي فقط ... يعني مش لازم تجيب موديل m9 بالتحديد .. الشكل الخارجي مسألة زوق مش أكتر - لكن الأساس والإمكانيات والمميزات كلها واحدة
لو ملقيتهمش فى التوفيقيه انزل شارع الازهر محل العالم العربى وسط ميدان العتبه اول شارع الازهر رابع محل عاليمين ولو احتاجت توضيح اكتر وانت فى العتبه كلمنى 01068568209
نسيت اقولك انهم 3 موديلات ام 5و8و9 كلهم واحد والفرق الوحيد بينهم هو شكل الزراير فقط لا غير
طبعا انا بشكر جدا صاحب الموضوع الجامد جدا دا علي تعريفنا بالكاسيت , انا شايف ان الكاسيت مناسب جدا لعربيتي , بس انا عندي استفسار انا دلوقتي معايا كاسيت سوني بشرايط كده وسمعتين بيضاوي سيمفوني , دلوقتي رأيك اغير الكاسيت بادريان ولا اغير السماعات بسماعات انضف , المشكله ان الميزانيه كلها 400 جنيه فقط , تاني حاجه انا عايز واحد يركبلي الكاسيت في منطقه الدقي او اي منطقه قريبه , ياريت حتي تقولولي لو حد هيركبلي سماعات او كاسيت ياخد كام علشان ميبقاش اضحك عليا , وشكرا ليكو كلكو مقدما .
للأسف 400 جنيه مش هيكون مبلغ كافى إنك تجيب كاسيت سوني أو بايونيير أو كينوود بيشغل فلاشات وسيديهات .. وبالتالي هقترح عليك إقتراح ..
إيه حالة السماعات السيمفوني اللى عندك ؟؟ هل راضي عنهم أو لسه بحالتهم ولا مستهلكين ؟؟
وكمان هل إنتا راضي بالشرايط و ولو عاوز تشغل فلاشة بالموديليتور بتبقى مبسوط ؟؟
أنا شايف إنك تجيب الكاسيت الأدريان لو عاوز تشتغل بفلاشة وكارت ميموري أو حتى توصل الموبايل أو اى جهاز بالـ AUX وتسمع صوت نقى بدل العك بتاع الموديليتور والشرايط .. ومعاهم طقم بيضاوي أدريان برضو بدل السيمفوني لو السيمفوني تعبوا منك .. وأتفرج ع الأداء هيكون عامل إزاي مع العلم إن الكاسيت + السماعات + التركيب هيكونوا كلهم فى نطاق الـ 400 جنيه اللى معاك :049:
أنا جربت قبل كده السماعات الأدريان البيضاوية من فترة كبيرة وكانت ممتازة جداا وبتعمل شغل عالي أوووى .. فأنا بقترح عليك تنزل تجيب الكاسيت ومعاهم الطقم الأدريان البيضاوي وبعد كده تنزل ع شارع المطبعة ف الهرم عند المحلات بتاعة الصوتيات زى أدريان والمحلات الكتير اللى جنبه .. هيركب الكاسيت ويحطلك السماعات الجديدة بدل القديمة وكفاية اووووووووووي عليه 20 أو 25 جنيه مصنعية وهتدعيلي :bravo: .. انا كنت ركبته عند محل إسمه "البرديسي" وكان عنده كهربائي شاطر اوووى ..
السلام عليكم
انا دورت امبارح على الكاسيت. فى التوفيقية ملقتهوش ولاقيت موديلات جديده m1 _ m2
منين اقدر اشترية