معلش تاعبينك معانا :)
مابيقلبش يعني مش بيتنقل بين الفولدرات انما بيعرض اللي على الفلاشة كله مرة واحدة .. صح؟
زيه زي ad -09 ؟؟ ولا مختلف؟
عرض للطباعة
تعبك راحة ولا يهمك :36_2_46[1]: ... كل موديلات أدريان مختلفة ف الشكل الخارجي فقط ولكن مضمونها واحد .. وبالتالي الكاسيت بيعرض اللى ع الفلاشة بكل فولدراتها وفيه إمكانية إنك تقدم 10 أغانى مرة واحدة كل ما تدوس ع الزرار بتاع الوظيفة دي ف الريموت وكمان ترجع 10 اغانى برضو مع كل مرة .. وإمكانية إنك ترجع لنقطة البداية ف الفلاشة - لكن مفيش تقليب فولدرات
الراجل لما ركبلى الكاسيت أول مرة كنت لما اطفى العربية كل الاعدادات اللى عملتها بتروح ولما يبتدى ما يشغلش اخر حاجة كنت عندها ... افتكرت انى لازم اطفى الكاسيت قبل ما اطفى العربية بس برضو كل حاجة بقت بتروح رجعت للراجل تانى قالى معلش انا نسيت اظبطلك الحتة دى .... بعد ما عملها دلوقتى حتى لو طفيت العربية والكاسيت شغال على حاجة اول ما ادور ابتدى من عندها تانى وكل الاعدادات بقت محفظة على الجهاز
شكرا للاستاذ مصطفى اللي دلنا على الكاسيت دا
جبت ad-m9
وبالمناسبة هو بيقلب فولدرات..
عن طريق الضغط على الزر +10 لعدة ثواني هايظهر كلمة dir وبعدين يكتب اسم الفولدر-لو حروف انجليزية- وبعدين يشغل اول ملف صوت في الفولدر دا.. وهكذا..
وزر -10 بيجيب الفولدر السابق..
اما الازرار<< و >> عند الضغط عليها ضغطة طويلة بتتحرك داخل الملف الصوتي وبيظهر الثواني على الشاشة..
يا جماعة الجهاز فعلاً بيقلب فولدرات عن طريق الضغط على 10+ ضغطة طويلة هيقلب الفولدرات الأتية مع كل ضغطة والضغط على 10- ضغطة طويلة وهيقلب الفولدرات السابقة مع كل ضغطة ... معلش هو إكتشاف متأخر شوية بس هيفرق مع كل الناس :affection:
هل كل الموديلات بتعمل كدا ولا 9 فقط؟ لان في ناس مش بتلاقي غير موديل 8 أو 5 فايبقوا عارفين ان فيهم نفس الامكانية ..
ياريت اللي معاه 8 أو 5 يفيدنا في الموضوع دا؟
انا لسه شارى واحد النهاردة 180 جنيه من العتبة
كويس جدا انك لقيته بالسعر دا.. لان في التوفيقية رفعوا السعر ل 230 وفي ناس بتبيع ب 270 في اماكن تانية..
انت جبته من شارع الازهر بقى..صح؟
اه من ش الازهر من محل العالم العربى من اول ش الازهر امبارح