سؤال لملاك العربيه 128 ومعلومه غريبه

**Elsebily** · 29-12-2012 03:27 AM

الموضوع وما فيه اني كنت قاعد مع واحد صاحبي امبارح وكان هيشتري عربيه 128 المهم انه كشف عليها عند واحد سمكري المهم انها طلعت فيها لحامات شاسيه والسمكري قاله انه عادي وان تقريبا كل ال 128 كده وفيها لحامات شاسيه وانا بصراحه كنت قاعد فاستغربت وقلتله ازاي المفروض اني الشاسيه ده اساس العربيه قالي لا هي ال 128 مش زي العربيات التانيه فحبيت استفسر منكم وهل الموضوع ده حقيقي ولا مجرد سمكري بيفتي او عاوز ينصب ؟؟؟

**ابو لؤى** · 29-12-2012 01:20 PM

للاسف فعلا علشان كده بينصحو بموديل فوق 90

**Ahmed A Rahman** · 29-12-2012 03:38 PM

طبعا فيها لحامات

عربية بقالها بتاع 30 سنة
اكيد احتاجت مرمات
اكيد احتاجت لحامات

انا عربيتي القديمة كنت عامل لها لحامات وتقويات وكل ميكانيكي كان بيشوفها كان بيتهبل عليها ويعرض يشتريها

مفيش عربية مجالهاش برومة

**aw2100** · 29-12-2012 09:37 PM

المشاركة الأصلية كتبت بواسطة elsebily

الموضوع وما فيه اني كنت قاعد مع واحد صاحبي امبارح وكان هيشتري عربيه 128 المهم انه كشف عليها عند واحد سمكري المهم انها طلعت فيها لحامات شاسيه والسمكري قاله انه عادي وان تقريبا كل ال 128 كده وفيها لحامات شاسيه وانا بصراحه كنت قاعد فاستغربت وقلتله ازاي المفروض اني الشاسيه ده اساس العربيه قالي لا هي ال 128 مش زي العربيات التانيه فحبيت استفسر منكم وهل الموضوع ده حقيقي ولا مجرد سمكري بيفتي او عاوز ينصب ؟؟؟

دة اكبر عيب فى ال 128 علشان كدة انا بيعتها من سنة علشان قرفتنى لحامات شوية شاسية قدام حبة شاسية ورا هى عربية جميلة وشعبية وقطع غيار رخيصة لكن عاوزة سمكرى سيارات تربطة وراها وخصوصا فى مصرنا الحبيبة والمطبات الطبيعية والصناعية فى كل مكان علشان كدة مانصحش بشراء ال 128 حتى لو كانت زيرو موديل 2013 مطب جامد كافى لفتح الشاسية الأمامى وربك المستعان !!!