بشتري أول عربية ليا ومحتاج مساعدتكم ! ! !

**khaleddapino** · 30-12-2012 12:02 AM

معروضه فيين ديه يا باشا علشان انا شوفت كل العربيات الكوبيه الى فى بورسعيد و ممكن اجبلك حكايتها !

اهم واحده تبعد عنها لو قبلتها فى طريقك هوندا سيفيك كوبيه سودا و فيها كراسى ريكارو...دوخلها اخضر و فيها جنط انكى ابيض :) و شكراااا

**dr_muhad 3araf** · 30-12-2012 01:36 AM

المشاركة الأصلية كتبت بواسطة semsem kane

اولا الف مبروك وربنا يباركلك فيها ويجعلك نصيب فيها لو نظيفة

بالنسبة للعربية مافيش فتيس اوتو خمس سرعات , هو كلة اربع سرعات دة مبدأيا

ثانيا : السيفيك الكوبية ماتورها وعفشتها وفوانيسها وكل حاجة متوافرة ليها لانها زى ال سيفيك الجيل الخامس بالظبط

الحاجات اللى قليلة ومش موجودة , الشنطة الخلفية , الابواب الامامية , فتحة السقف
وان شاء الله ماتحتاجلهومش , بس العربية دية ماشاء الله عليها تحفة

بالنسبة لكود الماتور ياريت تقولة عشان فية مواتير كتير بال vtec بتكون ( 1500و1600)

وركز كويس اوى عشان ممكن العربية تكون نصين ركز كويس جدا فيها

وخلى بالك سعرها بردة قليل شوية

وافينا بالاخبار دية وان شاء الله خير

ربنا مايسرش في العربية والميكانيكي قاللي بلاااااااش العربية رشة برا وده طبيعي لكن كان فيها مشكلتين كبار : محتاجة مصاريف جامدة وتظبيطات والحاجة التانية ان الشنطة بتاعتها مش فابريكة يعني واخدة حادثة محترمة من ورا ,

وعلى فكرة العربية كانت من نوع الهاتشباك يعني الشكل الاجمل ولكن للاسف مفيش نصيب. . .

المشاركة الأصلية كتبت بواسطة mohamedrabia

بالتوفيق في الشراء وسيارات هوندااا رقم واحد باليابان

شكرا ياباشا . . .

المشاركة الأصلية كتبت بواسطة s o p h o s

ربنا يوفقك
عربية جميلة وان شاء الله تكون نظيفة ..

الف شكر ولكن مفيش نصيب . . .

المشاركة الأصلية كتبت بواسطة buddha

فعلا انا قولت بردة ان السعر قليل جدا على المواصفات ال مكتوبة

المشاركة الأصلية كتبت بواسطة ahmedeihab

+1111111

و ركز اوى فى حته نصين دى

خصوصا ان حضرتك بتقول العربيه ملاكى و ب 45 ألف

لو منطقه اقولك ماشى لكن ملاكى يبقى فيها كلام تانى

^_^

المشاركة الأصلية كتبت بواسطة mhmdz

بالتوفيق إن شاء الله وتكون هونداوى والمكنة اوتو ولا مانيوال؟؟؟

اوتوماتيك .

**dr_muhad 3araf** · 30-12-2012 01:42 AM

المشاركة الأصلية كتبت بواسطة aw2100

انا شايف انك تشترى عربية المانى سكودا او فولكس جولف افضل من اليابانى من ناحية القوة والعمر الطويل للعربية وبراحتك !!!!

متفق معاك ياباشا وكلام مظبوووط ولكن أنا مش محدد النوع أنا سايبها حسب تساهيل ربنا جت الماني جت ياباني او حتى كوري مش مشكلة المهم حالة العربية وده اللي أنا وصلتله في الآخر من كتر الزهق واللف والدوران . . .

المشاركة الأصلية كتبت بواسطة khaleddapino

معروضه فيين ديه يا باشا علشان انا شوفت كل العربيات الكوبيه الى فى بورسعيد و ممكن اجبلك حكايتها !

اهم واحده تبعد عنها لو قبلتها فى طريقك هوندا سيفيك كوبيه سودا و فيها كراسى ريكارو...دوخلها اخضر و فيها جنط انكى ابيض :) و شكراااا

الف شكر يابرنس . هيا كانت في اسماعيلية . والحمد لله مفيش نصيب .

لو قدامك حاجة محترمة للبيع في بورسعيد منطقة أو ملاكي لحد ال 50 الف بلغني , . . شكراااا

**S O P H O S** · 30-12-2012 03:04 AM

معلش يا باشا
ان شاء الله ربنا يعوضك بعربية احسن ..

**Moratoz** · 30-12-2012 02:51 PM

شوف a4 او بورا وطبعا بردة السيفك والفيصل الحاله
والحمد لله انك مش مستعجل في الشراء علشان متدبس

**ahmedeihab** · 02-01-2013 11:19 PM

المشاركة الأصلية كتبت بواسطة dr_muhad 3araf

السلام عليكم ورحمة الله وبركاته

إزيكم يارجالة ؟ ؟ ؟

كنت عايز استفسر تاني معلشي قدامي هوندا سيفيك موديل 96 اوتوماتيك كاملة ملاكي بورسعيد اللون زيتي فابريكة جوا .

بالاضافة انهم بيقولولي ان صاحبها مدلعها يعني هتلاقي جنوط وزينون وكاسيت وسماعات وغيرة أنا ماعرفش بالتفصيل ؟ ؟ ؟ لأني لسه هشوفها بكرة بإذن الله . ولكن اللي خضني سعرها لأنه بيتكلم في 65 الف ! ! ! ! ! ! مع إنها موديل 96 فقولت اسال الأول ؟ ؟ ؟

إيه رأيكم ؟ وبالنسبة للكماليات والمواصفات هعرفها بكرة ده إذا قولتولي السعر مناسب ولا لأ وتستاهل أشوفها ولا مبالغ فيها ؟ ؟ ؟

اعرف يا باشا تفاصيلها تمام التمام و قولنا نقولك العربيه دى تمام ولا غاليه و اهم حاجه تعرف المكنه اللى فيها ايه من الكود

غير كده احنا يبقى بنتكلم على سمك فى مياه

^_^

**dr_muhad 3araf** · 02-01-2013 11:25 PM

المشاركة الأصلية كتبت بواسطة ahmedeihab

اعرف يا باشا تفاصيلها تمام التمام و قولنا نقولك العربيه دى تمام ولا غاليه و اهم حاجه تعرف المكنه اللى فيها ايه من الكود

غير كده احنا يبقى بنتكلم على سمك فى مياه

^_^

تمام كلامك والف شكر ياباشا .

**aw2100** · 02-01-2013 11:58 PM

المشاركة الأصلية كتبت بواسطة dr_muhad 3araf

السلام عليكم ورحمة الله وبركاته

إزيكم يارجالة ؟ ؟ ؟

كنت عايز استفسر تاني معلشي قدامي هوندا سيفيك موديل 96 اوتوماتيك كاملة ملاكي بورسعيد اللون زيتي فابريكة جوا .

بالاضافة انهم بيقولولي ان صاحبها مدلعها يعني هتلاقي جنوط وزينون وكاسيت وسماعات وغيرة أنا ماعرفش بالتفصيل ؟ ؟ ؟ لأني لسه هشوفها بكرة بإذن الله . ولكن اللي خضني سعرها لأنه بيتكلم في 65 الف ! ! ! ! ! ! مع إنها موديل 96 فقولت اسال الأول ؟ ؟ ؟

إيه رأيكم ؟ وبالنسبة للكماليات والمواصفات هعرفها بكرة ده إذا قولتولي السعر مناسب ولا لأ وتستاهل أشوفها ولا مبالغ فيها ؟ ؟ ؟

انا شايف ان اغلب العربيات اللى صاحبها مدلعها بتبقى ملعوب فيها ومتوششة علشان الزبون يتضحك علية نصيحة اخوية خليك فى العربية الغشيمة حتى لو مش نضيفة اوى ودلعها على مزاجك انت وتبقى اهم حاجة عربية خواجة او فبريكة وباين عليها وربنا يوفقك اهم حاجة اشترى دون استعجال !!!!!