الموضوع: بشتري أول عربية ليا ومحتاج مساعدتكم ! ! !

المشاركة الأصلية كتبت بواسطة dr_muhad 3araf

السلام عليكم ورحمة الله وبركاته

إزيكم يارجالة ؟ ؟ ؟

كنت عايز استفسر تاني معلشي قدامي هوندا سيفيك موديل 96 اوتوماتيك كاملة ملاكي بورسعيد اللون زيتي فابريكة جوا .

بالاضافة انهم بيقولولي ان صاحبها مدلعها يعني هتلاقي جنوط وزينون وكاسيت وسماعات وغيرة أنا ماعرفش بالتفصيل ؟ ؟ ؟ لأني لسه هشوفها بكرة بإذن الله . ولكن اللي خضني سعرها لأنه بيتكلم في 65 الف ! ! ! ! ! ! مع إنها موديل 96 فقولت اسال الأول ؟ ؟ ؟

إيه رأيكم ؟ وبالنسبة للكماليات والمواصفات هعرفها بكرة ده إذا قولتولي السعر مناسب ولا لأ وتستاهل أشوفها ولا مبالغ فيها ؟ ؟ ؟

عشان تبقى عارف فئات الجيل السادس ثلاثة

lxi : ودية اقل فئة وبتكون تكييف وباور بس وفيها منها من غير باور , واتوماتيك , وماتورها 1500 سى سى انجيكشن وسعرها بيبدأ من 48 الف الى 52 الف maximium

exi : الفئة التانية ( half option ) ودية بيبقى فيها كل الاوبشن ماعدا فتحة السقف ومافيش فيها airbag ,abs , وماتورها بردة 1500 سى سى انجيكشن وسعرها من 55 الف الى 58 الف جنية

vti : اعلى فئة ودية بيبقى فيها كل الاوبشن بالاضافة الى فتحة سقف - محرك 1600 سى سى كامة واحدة vtec - ايرباج واحدة وسعرها من 58 الف جنية الى 63 الف جنية اخرها

SiR : ودية اعلى فئة رياضى : فيها كل الاوبشن + abs ومحرك 1600 سى سى 2 كامة vtec قوتة 160 حصان وسعرها بيبدأ من 63 الف الى 68 الف جنية اعلى حاجة

دية الاسعار والفئات وهتلاقى الاسعار دية من موديلات 96-98

لكن موديلات 99-2000 بتزيد شوية لان العربية اتعملها facelift خلى شكلها احلى من الاول وكمان تم تعديل جزئى فى التابلوة تحديدا فى الكاسيت ووحدة تحكم التكييف . وسعرها هو اللى ممكن يوصل ل70 الف جنية عشان بس قليلة ومش كتيرة