اوراق استلام النيو صنى

**gamalnassef** · 29-12-2012 03:27 PM

السلام عليكم ورحمه الله وبركاته.
مودرن كلمونى انهارده وقالولى ان ميعاد استلامى يوم الخميس الجاى (بعد 3 شهور حجز). قالولى ادفع واستلم العربيه وبعدين هنديلك ورق العربيه بعد يومين تلاته. انا محتاج رأيكم فى حكايه الورق بعد يومين تلاته دول. هو ده العادى مع الزيرو ؟ (اصل طول عمرى بشترى مستعمل). وكمان لو تكرمتوا ايه الحاجات اللى المفروض استلمها مع العربيه؟

**D . a .\ AYMAN** · 29-12-2012 04:19 PM

آه ياباشا .. ما تقلقش ده العادي في أي عربية زيرو .. لأن انت بتشتري الأول وتاخد الفاتورة .. وبعد كدة بيطلع الورق باسم المشتري بناء على الفاتورة .. عشان كدة لازم تشتري الأول قبل صدور الأوراق .. وبعد كدة الورق يطلع باسمك للمرور التابع لمحل سكنك

بالنسبة للي تاخد بالك منه وانت بتستلم ... المفروض إنك تراجع على كل اللى يخطر بالك .. تشغل العربية تشوف الأبواب والزجاج وتستنى تسيبها شغالة لغاية ما المروحة تشتغل وتفصل

وأهم حاجة تاخد لفة حواليها وتبص عليها من كل الزوايا ولو ليك ملاحظة تسأل عليها

ما أعرفش إيه اللى المفروض تستلمه معاها أعتقد ملاك العربية يفيدوك أكتر

بس بيكون في غالبا شنطة العدة الصغيرة اللى بيكون فيها مفتاح العجل ومفك مثلا وبنسة .. والكتالوج .. وممكن يكون معاها طقم دواسات تسأل عليه ولو من غير جنوط يبقى بيكون معاها طاسات مثلا ... كدة يعني

**saint2011** · 29-12-2012 06:52 PM

بتستلم مع العربية الأتى :
1-شنطة عدة 3 قطع
2-ضمان السيارة
3-ضمان البطارية
4-ضمان الكاسيت
5-كتالوج السيارة
6-أريال السيارة
ومبروك مقدما

**gamalnassef** · 30-12-2012 12:18 AM

ألف شكر على التوضيح.

**S O P H O S** · 30-12-2012 03:18 AM

ان شاء الله تستلم علي خير ..

**HaNo_ELBeh** · 31-12-2012 11:38 AM

دة طبيعى ياباشا ان حضرتك هتدفع الفلوس وتطلع الفاتورة باسم حضرتك وبعد كدة هايقولوا لحضرتك تعال كمان يومين او تلاته علشان تستلم ورق العربية
واهم حاجة ان حضرتك هتستلم الخميس مبرووك مقدما ويارب يديلك خيرها ويبعد عنك شرها
اما بالنسبه للاستلام حضرتك خلى بالك من
1-كل الضمانات الموجوده فى العربية
2-كتالوج العربيه
3-كتيب الصيانة
4-حضرتك بص على العربية من الخارج على اللون وعلى العجل وعلى الفامية لو هى سوبر صالون وعلى النور والكشافات امامى وخلفى
5-شغل الموتور واسمع صوتة وشوف المروحه هتفصل
6-شوف الشنطة والعدة بتاعت العربية والاستبن
وانشاء الله موفق