الموضوع: تاخير استلام النيو صني مع اوتو ايجيبت

انت حجزت منين

اصل انا حجزت من فرع نيسان اسماعيليه وقالى ان التلسيم كمان

١٠ ايام

مدينه نصر

انا حاجز من المهندسين و قالولي المفروض التسليم الاسبوع ده. انا حاجز من 21 يونيو.

بص ياسيدي

انا هاقولك المشكله فى التأخير سببه ايه

انت رحت حجزت من توكيل نيسان فرع مدينه نصر مثلا

الفرع ده استقبل حجوزات على العربيه بمعدل مثلا ١٠٠ حجز

كل فرع ليه حصه سيارات من المصنع

طبعا فرع مدينه نصر عليه اقبال عالي جدا والحصه محدوده علشان كدا بيضطر يأجل استلام باقى الحجوزات للحصه القادمه

طبعا هاتقولى عرفت منين

انا رحت كذا فرع لنيسان فى القاهره ولاقيت معدل الاستلام شهر او اكثر

لكن لما رحت فرع اسماعيليه لاقيت الاستلام بعد ١٠ ايام او اسبوعين بالكتير
وفهمنى الموضوع الى اتكلمت عليه

حجزت من 1-7 وقالوا الاستلام 1-8 وفى واحد اعرفة حجز من 15-6 ولسة وقالوا الاستلام بيختلف من حيث اللون الخارجى والفرش

انا حاجز تاني يوم العربيه نزلت رسمي السوق 12 يونيو واخترت 3 الوان اي واحد فيهم هخده وروحت المعرض من 10 ايام قلولي قدامك 15 واحد واحنا بنسلم 5 عربيات في اليوم وكبيرك اسبوع, لما كلمت المندوب قلي اصل احنا بقالنا فتره مجلناش عربيات واتصل اعمل شكوى على 16666 عملت الشكوى قالو 48 ساعه ونرد ومحدش رد والنهارده اتصلت تاني قالولي ساعه ونرد عليك برده محدش رد, اللي بسال عليه هو فعلا المصنع موقف تسليم للمعارض؟؟ طيب ازاي والعربيه موجوده في كل حته بسعر 102000 فوري يعني الناس دي بتجيب عربيات منين ولا دي سياسه علشان يبيعوا باوفر برايس

ياجماعة أعتقد ان ده بسبب الاقبال على العربية ودى حاجة تفرحكو برضه بس انا عارف شعور انك تكون مستنى عربيتك لفترة طويلة كده بالذات لو كان معكش عربية عشان كده انا توكلت على الله ورحت اشتريت من سمير ريان ب 102000 بعد الفصال عشان ما اتذلش الذل ده بس لو ماكنتش مستعجل كنت هستنى الصراحة 2000 جنيه مش شوية بالاضافة ل 300 جنيه مصاريف ادارية
معلش اصبروا و ان شاء الله هانت