الموضوع: عبوه رفع نسبه الاوكتان

المشاركة الأصلية كتبت بواسطة mahmoud ghanem

معقول فلتر الهواء او البوجيهات بيأثروا على السحب بالشكل الملحوظ دة ؟؟؟؟

انا عندى العربية بصراحة بعد ما استعملت stp الاسود محستش بفرق ملحوظ فى السحب .. وانا عندى العربية حاسس انها فعلا مكتومة و تجميعها بطيء
موضوع الفلتر والبوجيهات لو اتغيروا تفتكر هيبقى فى فرق بالنسبة للسحب او بطء التجميع ؟؟؟

ايوه يا فندم البوجيهات لو فيها رطوبه مش هتخللى البنزين يتحرق كويس و معاها فلتر الهوا بيأثر برضه على حرق البنزين لانه بيبقى مسدود بالتراب فمبيدخلش هواء كفايه و طبعا البنزين لو كان مغشوش او مخلوط بمياه برضه يخللى العربيه مخنوقه و ما بتسحبش. على فكره من علامات البنزين المغشوش ألواضحه ان حضرتك هتلاقى المؤشر بتاع البنزين بينزل ببطء اكتر من الطبيعى و ما بيتحرقش بسرعه و فى نفس الوقت دة بيبقى مرتبط بأن العربيه تقيله و ما بتسحبش و آخر سبب لو كان لاقدر الله فى مشكله فى الديسك او الأسطوانة لو كانت العربيه مانيوال بس دى بتبقى العربيه محجره و مش عايزه تتحرك و بتسمع معاها أصوات غريبه مع النقلات