الموضوع: تجربى مع محمد علام الميكانيكى

كان من حوالى شهر اخويا عايز يسقط موتور 1600 اتوماتيك فى الاسترا 2002 المهم دورت كتير على 1600 فى السوق مش موجود نهائى كل اللى موجود 1800 و 1400
المهم عرفت اجيب حاجة نص شمال اتوماتيك
المهم المشكلة عندى انى جايب نص كامل فابلنسبة ليا عايز مكان يكون ورشة كبيرة و ينفع احط جواها النص علشان ميتبهدلش المهم
دة اللى خلانى ابعد عن محمود اوبل لان الورشة اللى عندة صغيرة جدا و النص ملوش مكان فيها و هيتبهدل
فمفيش غير محمد علام و هيثم الاول هيثم زحمة جامد فاموضوع قولت هيطول و علشان الحاجة متتبهدلش
بس اللى خلانى اروح لعلام ان الورشة فضية خالص و فى كوريك رفع و قلت الموضوع هنا هيبقى كويس لان الورشة كبيرة اوى وفضية و النص هيبقى موجود محدش هيقرب منة و بعيد عن البهدلة
المهم روحت قبل ما اشترى النص اتفقت معاه انى هجيب نص امامى وهنركب ماتور اتوماتيك وقالى تمام اتفقت معاه على المصنعية يوميها قولتلة علشان منختلفش المهم هو قال 1500 والدى قالة لا 1200 و هو قال بالنص خلاص مش هنختلف و مش هتفرق وتم الاتفاق على كدة
المهم واحنا بنجيب النص قولتلة خالى الناس اللى عند التاجر تفك قالى لا علشان مفيش حاجة تضيع هاتة عليا جيبت النص علية وفك وبدء يركب قولتلة مش هتعمل سرفيس و المكنة على الارض قالى لا لازم ادور الاول علشان اشوف الموتور (مع انى كنت هيثم بيعمل السرفيس برة الاول ) النقطة دى مهم فى الاخر
بعد كدة جرب وعملنا سرفيس المهم كن غيرنا الضفيرة بتاع التبلون علشان بتاعت الاتوماتيك بتختلف عن المانيوال المهم جيبت استلم العربية لقيت الكاست مش ركب و الجمجمة القديمة فيها ودن اتكسرت وللاسف الجديدة اللى فى النص متركبش عندى لان الجديدة متحركة و اللى عندى سبتة
وقالى روح ركب الكاست برة ازاى يا عم قالى مش هعرف قولتلة ماشى قالى روح عندة احمد الكهربائى اللى جنبة حسبتة قبل ما يخلص العربية وساعت الحساب جة قولتلة 1200 المصنعية اللى احنا متفقين عليها و 100 للواد اللى اشتغل فى العربية قال كدة يبقى فى 300 جنية كمان لية يا عم قالى خلع الموتور من النص و خلى السرفيس عليه قولتلة فك موتور 300 جنية لية و انا اصلا متفق معاك المهم من هنا لهنا حسبنا 70 جنية
بقيت 150 جنية لان باقى شغل فى العربية روحت اركب الكاست وانا بركب لقيت و احد اسمة عم سيد جى ورايا جرى سيد دة مشرف الورشة
بيقول اية اللى خلاك تاخد العربية من الورشة و ازاى تاخدة و تمشى من غير ما تقول مع انة كان واقف سعت ما طلعت من الورشة و بيتكلم اكنى سرق العربية و معلى صوتة فى الشارع و الناس ابتديت تتلم و كلة افتكر انى سرق العربية روحت مزعق معاه و معلى صوتى وانت مالك اخد العربية ولا لا دى عربيتى انت عايز اية سكت و قالى انت دفعت المصنعية قولتلة انت مالك روح اسأل صاحب الورشة مع ان الصنايعى اللى كان شغال فى العربية هو اللى مسلمنى العربية علشان اركب الكاست وارجع لان العربية فيها شغل كتير فنش لسة مخلصش
لما رجعت بقول لعلام على اللى حصل لقيتة بيبرر الكلام و بيقول فى ناس كتير بتاخد العربية و تمشى من غير ما يدفع مصنعية قولتلة مش انت واخد المصنعية قبل ما اخد العربية بيومين قاعد بيبرر اللى حصل بردة
المهم بعد الفينش كان عايز 150 زيادة علشان بعد ما خلص السرفيس بتاع المكنة طلع ان فى بلية تانية هى و طرمبة المية عيزين يتغيرو طبعا هو كان عارف بس للاسف هو بيحب يفنط الحاجات على حاجات كتير طبعا قلتلة لا دفعت ال 150 القدام ومشيت قلتلة كفاية انى روحت اشتريت جمجمة تانية ب 150 جنية و ركبت الكاست برة ب 50 جنية مع انك المفروض تركبة انت
المهم اصلا و احنا شغلين كان اى حاجة تتفك من النص او من العربية كنت باخدها اروحها البيت و هو و عم سيد بيبقوا متضيقين جدا اكنى باخد الحاجة بتاعتهم و عم سيد يقولى ياباشا سيب الحاجة للاخر قلتلة لا

الموضوع لية باقية كتير