أجيب ياريس وألا لانسر ؟؟ الله يكرمكم أنصحوني

**ouba2** · 18-10-2008 11:41 PM

هات اليارس واتوكل علي الله

**abou_ruqi** · 19-10-2008 12:24 AM

المشاركة الأصلية كتبت بواسطة ouba2

هات اليارس واتوكل علي الله

شوفوا يا جماعة
أنا كنت بأسأل علشان أجيبها لحمايا لأنه قصدني أفكر معاه
وفي النهاية جبنا أوبترا للأسباب الأتية

أرخص 10.000 على الأقل
موتورها أكبر بكتير
قطع غيارها أرخص
توكيلها أكبر
فيها أوبشن أكتر زي التلاجة و تظبيط الكرسي من حيث الإرتفاع

دي مزايا الأوبترا , عيوب العربيتين بقه

اللانسر , بتحك جامد في المطبات و أنت مركب ناس وبلدنا كلها مطبات
المصري منها فقرانة قوي مفهاش حتى كاسيت
توكيلها مش حلو وقطع غيارها نار نار نار بدون أي مبرر

اليارس عربية خفيفة بشكل ملحوظ وثباتها فيه كلام , وحجم الخسارة في التصادمات البسيطة فادح وتمنها أغلى شوية من اللي مفروض تكون عليه

ده اللي فكرنا فيه ساعتها قد نكون على خطأ ولكن الأهم في كل الحالات , إن ربنا يبارك

شكراً يا أخوة على المساهمات

**AOMARA** · 19-10-2008 12:47 AM

السلام عليكم:

الف مبروك و ربنا يبارك فيها و يزدكم من خيرها و يكفيكم شرها.

بعد ما أشتريت اللانسر 1600 أتوماتيك، بصراحه العربيه ممتازه و في نظري أأمن من الياريس بكتير ، بس ال 1600 أتوماتيك حريقة بنزين بكل المقاييس، وليه واحد صاحبي بيبيع عربيته 1600 أتوماتيك سبورت علشان البنزين و هي لسا مكملتش 5000 كيلو.
الجميل جدا فيها الفتيس CVT و دا أكتر من رائع و بيحسسك بنعومه حلوه قوي.

الياريس في الصدمات الخفيفه بتبقى الخسائر كبيره، و واخدا 3 نجوم في أختبار السلامه، بس أستهلاك البنزين قليل جدا لأن -على ما أعتقد- المكيف بتاعها كهربه على البطاريه، وممكن حد من ملاكها يأكد كلامي.

**hoda9999** · 19-10-2008 07:27 AM

why you get optra bad bad no tecnolgy in moror or any thing
all just cheap plastics
can not be compared with yaris in every thing
also do not be confused with1600 cc motor
it just 7hp over yaris
just like swift
fuel hungary of course
bad choice

**waled369** · 19-10-2008 11:06 AM

مبروك اختيار موفق
ربنا يعطيك خيرها و يكفيك شرها

**mohamedway** · 19-10-2008 11:55 AM

الانسر أفضل من اليارس لو الانسر 1600 فقط

**M.Osman** · 06-11-2008 09:59 PM

المشاركة الأصلية كتبت بواسطة mody_abou_halawa

بس الياريس مبتشفش اخر الكابوت ولا اخر الشنطة

انا بجد اليارس من العربيات اللى بحب شكلها من الخارج جدا ... لكن لما تدخلها من جوة بتحس انك راكب مركبة فضاء ( زي الأفيو كدا ) و يا سلام لو انت قصير ..ههههههه

مش هتعرف تسوقها .. انا بجد مش عارف ليه تصميم العربيات ماشي فى الإتجاه الغريب ده ... نفس الحكاية فى التيدا كمان ..متعرفش تشوف اولها :(

انا افضل اللانسر .. انا شايف ان اليارس مبالغ فى سعرها

**mahmoudzaied** · 07-11-2008 12:19 AM

انا هقول رأيى من واقع تجربة
اللانسر ال 1300 تتركب مانيول الاوتوماتيك فيها سحبو ضعيف
ليه؟!
عشان فيه علبة بيئة فى الشكمان اسمها المحول الحفاز دى بتقلل من سحب العربية عشان العادم ميطلعش غازات سامة كتير دى بقى لو اتشالت هتفرق فى السحب جدا
الياريس ؟ معرفش بس احتمال ميكونش فيها
الياريس الاوتوماتيك بتاعها حلو اوى وكمان حجم العربية ووزنها مديها سحب اعلى من اللانسر
اللانسر حجم وووزن اكتر اه سحب اقل بس ثبات عالى وعلى فكرة العربية تحفة بعد ال 120
انا جايب بيها 160 على طريق اسماعيلية الصحراوى ثبات ايه وال Rpm كان على 4.2
انا رأيى لو مانيول هات لانسر استهلاك بنزين متقارب ثبات اعلى
لو اتوماتيك هات ياريس سحب اعلى