بعد اذنكوا كنت عايز اسألكوا عن رأيكم في الحي الرابع والخامس في اكتوبر ...يعني هل مستوي الأحياء دي راقي ولا متوسط ولا شعبي ومستوي الخدمات برضه عامل ايه وهل قريبين من الحصري ولا بعيد ...شكرا
عرض للطباعة
بعد اذنكوا كنت عايز اسألكوا عن رأيكم في الحي الرابع والخامس في اكتوبر ...يعني هل مستوي الأحياء دي راقي ولا متوسط ولا شعبي ومستوي الخدمات برضه عامل ايه وهل قريبين من الحصري ولا بعيد ...شكرا
ما بين المتوسط والراقى و الخامس اقرب للراقى.
مش بعيد عن الحصرى.
أهلاً بحضرتك معنا و تكون جارنا إن شاء الله. أنا سكن في الحي الرابع و هو مكان هادي و كويس طبعاً في تكتك في الشارع عادي يعني بس أنا في رأيي كفاية نعمة الواحد بيلاقي يركن! حول بس تنقي شارع واسع - أحمد سامي
شكرا لردودكم .. يعني افهم منكم انهم انضف من ال 11 ولا مفيش فرق كبير وهل هما في مستوي الأول مثلا ؟ ..وياريت تقولولي متوسط سعر المتر هناك
الرابع احسن كتير من ال١١ وانا ساكن في الرابع ،،، في شقه معروضه حاليا في شارع اللواء احمد حسن سعد الحي الرابع ٢٢٠ متر و بتتباع نص تشطيب ب ٤٨٠ الف
عايز راقى ولاشعبى
راقى اوى
سوميد والمتميز
شعبى 12
انا سؤالي واضح انا بسأل بالتحديد عن الرابع والخامس
ﻻزم تنزل وتشوف بنفسك خاصة ان معاك عربية
بص انا اقسملك اكتوبر كلها
راقى : سوميد والمتميز والاول والتامن والسابع اهالى والبشاير وكذا كمبوند فى التوسعات الشمالية
فوق المتوسط: التانى والتالت والرابع والخامس
متوسط: الحادى عشر
شعبى :السادس والعاشر والثانى عشر
طيب انا طبعا اسف لصاحب الموضوع بس هو حد يعرف كومبوند لسة بيتبني و يكون تبع شركة كويسة ????
الحى الرابع مش متوسط او اعلى من المتوسط بالعكس دا راقى يكفى ذى ما الاعضاء قالوا الهدوء وانك تلاقى مكان تركن فيه والخدمات متاحه جدا قريبه منك وممكن بالتليفون كل حاجه تكون عندك
متابع
قلنا لقيت إيه يا صاحب الموضوع لو سمحت عشان أنا زيك وبدور على مكان متوسط في oct
السلام عليكم يا جماعه ..
مبدأيا انا كنت بصراحه بشوف اكتر من موضوع عن موضوع العقارات دا .. وماكنتش برد عليه مش عارف ليه .. بس ما علينا .. يمكن يكون دا الوقت المناسب
اولا وبجد الى بيدور على شقق فى اكتوبر .. انا ممكن اخدمه كويس فى الموضوع دا ودا يمكن عشان انه بقى مجال شغلى حاليا انا بحترم المنتدى دا جدا ومن زمان وانا بحب دايما اقرا مواضيعه .. لكن مش بشراك بصراحه .. المهم نيجي لثانيا بقى ..
بالنسبه للحى الرابع فهو حى محترم جدا طبعا .. وبالنسبه لصاحب الموضوع انا بس عايز اعرف منه هو بيدور على مساحه قد ايه .. انا عندي متوفر مساحات فى الحى الرابع بس ابتدا من 100م وانت طالع .. مش بس كده .. وكمان عندي تسهيلات كويسه .. ومرونه فى السداد .. وللامانه وكلامى يشهد عليه ربنا انا فيها شقه مساحته 110م تانى نمره من المحور وعامله 2250000 والى فى العماره القدمها بتتباع ب 260000 وانا هسيب النقطه دي يرد عليها زميلنا الى قال عنده شقه 220م فى الحى الرابع هو برضه اكيد عارف الاسعار الى بتبقى تانى نمره من على المحور المركزى وعلى فكره برضه انا عندي شقتين 220 و 240 م الاتنين 420000 واحده كاش والتانيه بتسهيلات وانا تحت امركم فى اى حاجه ..
ومش بس كده بالنسبه للزميل الى بيقول ان فى حجات فى التوسعات اسعارها 2500 انا عندي حاجه قدام الحى التامن 155م رسبشن قطعتين كبار اوى وبحرى وتلاته نوم كبار واتنين حمام ومطبخ كبير وبقول بالتحديد ان الحجات دي كبيره لاها مش مهدره خالص وسعر المتر ب 2000 جنيه وكمان بتسهيلات الى عايز حاجه ممكن يرد عليا وانا هتواصل معاه وبالتوفيق وربنا يكرم
بعد ازنك حضرتك ماتقليش انك بتتكلم عن مشروح طيبه جاردنز او شركه المحموديه الى بتعمل هناك فى المرحله التالته .. عندي احساس كبير جدا انك بتتكلم عنها .. بغض النظر والله ع ما اقوله شهيد .. لو هي قولى لو مش هيا يبقى ربنا يوفقك .. انا بس عايز انبهك لحاجه معينه بالرغم من انها شركه كبيره ومعروفه لكن بقى الى بيشتغل فى المجال ليه خلفيات كتيره عن الى ممكن بيكون بيدور ..
شقه فى الحى الرابه ب 2 مليون ولا انت كاتب صفر غلط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
الحي الرابع اقرب للحصري . بخصوص الخدمات قريبه منه لانه منتصف الطريق بين الحصري والحي السادس . والحي الخامس راقي الا انه قريب جدا من الحي السادس الشعبي والاتنين يمتازوا بالهدوء واكثرهم عائلات لا يوجد عمال في السكن مدارس كتير بالاثنين الرابع فيه رويال ومدارس النيل والخامس فيه الالمانيه التجربيه وتيجير تقريبا الخلاصه انه المفاضله بينهم هتكون لراحتك وبكل الاحوال هتنورنا
متابع
طبعا شكرا لكل اللي شاركوا ..بس انا هقول متطلباتي انا عايز شقة 100 - 110 متر بالكتير ...اخري لو عصرتني مش هنزل اكتر من 160 الف ومش مشكلة مستوي التشطيب ..بس طبعا تكون اهالي منطقة هادية في الرابع او الخامس ..ولو اني برضه بدأت ابص علي اسكان درة (المستقبل) اللي في زايد عجبتني جدا مستوي راقي بس مساحات صغيرة للأسف ...وفي منطقة تالتة بعيدة عنهم خالص وهي شارع اللبيني في الهرم من ناحية طالعة الدائري عجباني الحتة هناك ..هي اينعم المستوي مش اوي بس هادية الي حد ما واسعارها معقولة جدا وقريبة من الدائري ...مستني ارائكم برضه
ش أحمد حسن سعد ده في اي مجاوره يا جماعه؟ شارع رئيسي اتجاهين ولا لاء؟
يا جماعة في شقة معروضة عليا في الحي الرابع وباصة ع محور الكفراوي ..ايه نظامها الحتة دي ؟؟
الكفراوى يوديك ليلة القدر
طريق دريم
المركزى
فيه خدمات كتير
تعتبر هناك فى اول اكتوبر
متابع
سؤال جانبي للخبراء طيب وعذراً على المقاطعة.
شقة في أكتوبر في الحي التامن أهالي حوالي 120 متر متشطبة تشطيب عادي يكون سعر المتر فيها كام؟
الشقة المعروضة عليا مساحتها 120 متر سوبر لوكس بجنينة 40 م دور ارضي مرتفع ومطلوب 220 الف جندي