انا معايا عربية ار بى وبحط زيت تخليقى بس انا ممكن اعمل 3000 كم فى السنة فكنت عايز اغير لمعدنى فانة احسن بالنسبة ليا
عرض للطباعة
انا معايا عربية ار بى وبحط زيت تخليقى بس انا ممكن اعمل 3000 كم فى السنة فكنت عايز اغير لمعدنى فانة احسن بالنسبة ليا
لو كده ممكن تستعمل نصف تخليقي زي شيل الأصفر ده بيقعد 5000 كيلو او تغيره بالفلتر مرة سنويا لو انت استعمالك مش بيجيبهم
المعدني يبقى استعوض ربنا في المكنة بتاع العربية لأنه غالبا غير مطابق لمواصفات المحرك
ماتستخسرش فى الزيت لأنه فيه مكونات وإضافات كتير بتحافظ على المحرك وأداءه حتى لو مش هتستخدمه.
الزيت المعدنى بيعمل رواسب وشحوم داخل المحرك فى حين إن التخليقى فيه إضافات بتمنع تكوين الشحوم والواسب وعمر أطول للمحرك..
زيت 10000 بدون تفكير وسيبه سنة بالكتير..
تخليقي طبعا
الفرق مش مستاهل انك تضحي بموتور عربيه جديده
خصوصا ان استهلاكك قليل جدا
يعني مفيش توفير
تخليقي تخليقي تخليقي طبعا افصل بكتير من الزيوت المعدنية اللي بتقصف عمر الموتور خاصة ان مشيك بالعربية مش كتير
طب ياجماعة انا حاطط شل 10000 بقاله 5 شهور والعربية معملتش اكتر من 3000 كيلو في ناس قالتلي الزيت لازم ينزل كل 6 شهور بغض النظر عن الكيلو مترات الملعومة ديه صح ولا غلط عشان انا محتاااار اووووي
3000 كم فى سنة ؟!!!!
ده انا باعملهم واكتر بشوية فى الشهر .. يبقى على كده حضرتك محتاج 30 سنة عشان تخلص الضمان
المهم دلوقت الزيت التخليقى هو الانسب لأى عربية جديدة وبيتغير كل 10 الاف كم / 12 شهر ايهما اقرب
والنصف تخليقى ماهو الا معدنى لكن محسن شوية وبيتغير كل 5 الاف كم / 6 شهور ايهما اقرب
اما المعدنى اللى حضرتك عاوزه فبيتغير كل 1000 كم / 3 شهور ايهما اقرب
احسبها بنفسك هتلاقى التوفير فى ثمن زيت مش هايعوض تلف موتور ما بيشتغلش او يتحرك كتير اساسا
خليك فى المضمون واعمل الصح احسن وربنا يباركلك فى عربيتك
تخليقي او نصف تخليقي
معدني غير مفضل لعربيتك ..
شكرا على الردود والتريقة هههههههههههههههههههههه طيب اخلينى فى شل ولا فالفولين
عربيه جديده يبقي full synthetic
بدون أدني تفكير أو نقاش
فالفولين ولا ليكيوي مولي بقي أو شل
لا أفتي
جرب ده و ده و ده (في 3 سنين علي حسب مشيك)
و اختار
كل واحد ليه ميزه
زي ما الزملاء كلهم أفادوا
الموضوع مش موضوع توفير على المدى القريب اكتر منه توفير على المدى البعيد
انت بتحافظ على موتور عربيتك وبتبعدها عن ايدين الصنايعية والصيانة الكتير والاعطال الكتير وكدة
الزيت التخليقي بتغير كل 12 شهر او عدد كيلومتراته ايهما اقب
ومتنساش وانت بتغير الزيت تعدي على التوكيل تعمل صيانة دورية -حتى لو مبتعملش اكتر من 3000 كم - لأن هتلاقي مثلا السيور بتاعتك محتاجة تتغير بعد 3 سنين حتى لو ممشيتش بيها !
بالتوفيق ان شاء الله
يعنى اخلينى فى شل ةلا اغير فالفولين
التوكيل بيستخدم شل يبقي الافضل تستخدم شل
انا بس عندي سؤال....
ممكن حد يجيبلي مصدر للمعلومه ان الزيت لازم يتغير كل 12 شهر؟
الزيت التخليقي هو زيت مصنع بالكامل ومش مضافله مثلا ريسورس زي المعدني وبالتالي عايز اعرف اشمعنى 12 شهر؟
علما بان تاريخ الصلاحية المكتوب عالعلبه 5سنين وفعليا حتى بعد ال5سنين مش هيحصله تغير...
انا قبل كده دوزت كتير وملقتش غير موقعنا الموقر اللي بيقول المعلومه دي فأحب استزيد من العلم وحد يقولي على مصدر....
تحياتي
Sent from my SE Arc S using Forum Runner
مفيش مشكلة طبعا انك تخليك مع شيل
مع الاستخدام القليل دا مش هتفرق هتستخدم ايه لكن المهم انك تستخدم زيت تخليقي
الصفحة دي مثلا:-
Castrol Middle East
دي نتيجة الزيت المقترح من كاسترول للالنترا
هتلاقي تحت خالص فترة تغيير الزيت كاتب اما 12 شهر او 15000 كم
انا شفت الزيت انهاردة فى الالنترا بقاله سنه و 4 شهور ماشى 9 الاف كيلو
منسوب الزيت على الاخر f الحمد لله زى مهوو
ولونه اكيد غامق شويه بس فعلا كلام الشباب صح
حسيت انه خفيف اوى اوى زى المياة انا عارف ان التخليقى خفيف بس مش كدة
خلينى بردة اشوف لزوجة الجديد واقارنه بالقديم علشان نحكم يمكن اكون ناسى وهو كدة فعلا
انشاء الله اغيرة على طول الاجازة ديه
حد يعرف حد فى مدينة نصر بيبع ليكى مولى علشان انا بروح اجيبه من دمشق؟
متشكرين يا شباب