طريقه تغيير كاسيت النوبيرا؟

**rabso88** · 31-12-2012 11:33 AM

السلام عليكم جميعا

عندى استفسار عن امكانيه تركيب كاسيت جديد بدلا عن الى موجود عندى فى العربيه
الكاسيت القديم اللى هو ابلاين الشرايط بس للاسف باظ ف قولت اغيره بواحد عندى تانى سى دى
السؤال طريقه فكه ازاى و هل الفيش القديمه هاتركب على الكاسيت الجديد؟
ولا هحتاج اغير حاجه العربيه نوبيرا 2006

**akmm** · 31-12-2012 11:40 AM

متابع .............

**mxz911** · 31-12-2012 12:32 PM

الكاسيت هتلاقى فيه حته تحت ناحيه الشمال لما تدوس عليها هتلاقيه اتخلع او طلع لبره شويه من ناحيه الشمال بتشدها لبره وبعدها تشد من ناحيه اليمين وخلاص على كده طلع الكاسيت
واكيد هتغير جهاز الكاسيت كله طالما هتجيب واحد تانى سى دى ... يعنى مش هتشيل وش الكاسيت وخلاص على كده لا ده بيبقى كله الحته اللى داخله لجوه دى وفى اخرها بيبقى عباره عن شويه اسلاك متوصله هتتشال من القديم تتحط فى الجديد الموضوع كله مياخدش 10 دقايق
وربنا يباركلك فى الجديد بس جبت كاسيت نوعه ايه ؟

**tarek_2005** · 31-12-2012 01:32 PM

هتحتاج تكون علي علم بوظائف الاسلاك علشان توصلها صح واي محاولة خاطئة ستودي بحياة الكاسيت الجديد او هتطير فيوز

**midooo_119** · 31-12-2012 04:14 PM

انا نفس عربيتك و غيرت الكاسيت بواحد بايونيير ركبته عند الى اشتريت منه الى هو ادريان نصيحه انك ماتركبش بنفسك لان اسلاك الكاسيت الجديد كتيرة جدا و مش هتعرف تظبطها و طبعا لو ركبته غلط الكاسيت هيروح منك و مبروك مقدما

**midooo_119** · 31-12-2012 05:14 PM

المشاركة الأصلية كتبت بواسطة rabso88

شكرا لردك طارق باشا

الكاسيت الجديد فى مكان ل جاك عريض شويه المفروض لما افك القديم الاقى نفس الفيشه و اوصلها للجديد

انت شايف ادور فى كاتالوج الصيانه عن التوصيلات دى ولا اروح لاى حد بتاع كاسيتات زى ادريان و الناس دى

انا حاسس ان الموضوع مش مستاهل و ممكن اعملو

الكاسيت البايونيير الى جبته مكنش فيه فيشه كان كله اسلاك والرجل شال الفيشه الى عندى خالص ووصل الاسلاك ببعض .. مش كل الكاسيتات زى بعض

**blazer** · 02-01-2013 04:03 PM

انا اشتريت كاسيت سونى ووصلتة بنفسى
كل الى انت محتاجة
هتجيب صفحة توصيلات الكاسيت من كتالوج العربيه وتعرف كل لون بتاع ايه
وتوصله بالمقابل ليه فى فيشة الكاسيت الجديد
وطبعا انت هتضطر تقطع الفيشة الفبريكة عشان توصل الكاسيت الجديد